Adnodau Beiblaidd Poblogaidd o 約翰 16

Rhanna

𠊎將這兜事㧯你等講，係愛你等因為生在𠊎底背 有平安。在這世間你等有苦難；總係你等愛勇敢，𠊎已經贏過這世間。」

等到賜真理个聖靈來到，佢會帶你等進入所有个真理。佢毋會照自家个意思講話，只有將佢所聽到个㧯你等講，也會對你等講將來个事。

到這下，你等毋識奉𠊎个名求過麼介；從今以後，你等求，就會得到，使你等个快樂滿滿。

事實上，𠊎㧯你等講，𠊎轉去，對你等較好；𠊎無轉去，該保惠師就毋會來你等這位；𠊎轉去，就差佢來。 佢來个時，佢愛對世間人證明：佢等對罪、對義、對上帝審判个看法全部毋著淨淨。

你等也係恁樣：這下你等有憂愁，總係𠊎再見到你等个時，你等就會滿心快樂；你等个快樂係無人搶得走个。 到該日，你等就毋會再問𠊎麼介。 「𠊎實在㧯你等講，你等奉𠊎个名，無論對阿爸求麼介，佢一定會賜給你等 。

𠊎實在㧯你等講，你等會傷心大噭，總係世間人會歡喜快樂；你等會憂愁，總係你等个憂愁會變做快樂。