Adnodau Beiblaidd Poblogaidd o 約翰 14

Rhanna

「𠊎留下平安給你等；𠊎將𠊎个平安賜給你等。𠊎所給你等个，㧯世間人所給个無共樣。你等毋使愁，也毋使驚。

耶穌講：「𠊎就係道路、真理、生命；若毋係通過𠊎，無人能到阿爸該位去。

耶穌又㧯佢等講：「你等毋使愁；你等愛信上帝 ，也愛信𠊎。

總係該保惠師，就係阿爸因為𠊎个名愛差來个聖靈，佢會將所有个事教導你等，又使你等記得𠊎㧯你等講過个一切話。

「接受吾命令又遵守个人，就係敬愛𠊎个人。敬愛𠊎个人，吾爸必定會惜佢；𠊎也會惜佢，又親自對佢顯現。」

𠊎愛求阿爸，佢就會另外賜你等一位保惠師 ，永遠同你等共下。 佢就係真理个靈。世間人毋接受佢，因為佢等看毋到佢，也毋識佢。總係你等識佢，因為佢常常㧯你等同在，也愛在你等个生命中。

你等奉𠊎个名，無論求麼介，𠊎一定會成全你等，使阿爸个榮光通過孻仔顯明出來。 你等奉𠊎个名，無論對𠊎求麼介，𠊎一定會成全。

「你等若係敬愛𠊎，就愛遵守𠊎个命令。

在吾爸个屋下有盡多房間，𠊎去係愛為你等準備所在；若毋係恁樣，𠊎就毋會恁樣講。

𠊎去為你等準備所在以後，愛倒轉來，接你等到𠊎該位去；恁樣，𠊎在㖠位，你等也會在該位。

多馬 對佢講：「主啊，𠊎等毋知你愛去㖠位，樣會知該條路呢？」