Adnodau Beiblaidd Poblogaidd o Yuhani 15

Rhanna

“Amaniaku ku cebe ka budu, laka ricingi numi. Kudra takiparaisane nakwane, la lri mialriaku ka takiparaisane iniane, lri tara tukaalra pumadru, asi lwiyane sana kidaili nakwane, kunumi kadrwa ku adulrwane numi tumane ki maneemanenga.

Kunumi takiparaisana nakwane, lanau ka takiparaisane numiane. Alaiyasi kai numi kiparaisi nakwane, lri kai numi maka dulru pumadru, mararamau ki ricingi lu kai kiparaisi ki tangadrane ki budu, lri kai maka dulru pumadru.

Alaiyasi ka takiparaisane numi nakwane, ku vagali laka taikaiyane adringi numiane, adravane ka manemane ku urikai numi, ku kitubi numi, lri maka tarumara numi.

Kai numi ka amani ku wapilri nakwane, amaniaku ku wapilri numiane, si sikawlu numiane katwase pumadru kudra lrika taikaiyane ka madru. Lu pangukai numi ku naganeli, adravane papia numi ki Ama kitubi ku manemane, lri tara baai numiane.

Ku pasiakai ki talragini ngicacilri ku niake, ku kilibakane kai kawmasane kadrwa ku sanianiange kikai.

Sanaka kiaparaisi nakwane ku ricingi la kai pumadru, lai lri kaciane; ku wadulru pumadru ku ricingi, lai lri pudriadringai kaciane, ku lrika arupumadrwaneini.

Kunumi makilibalibaka, mia ku takilibaakaneli numiane; kikai yai drekaseli.

Ku Ama lri ngwalai ku tatukalrane numi pumadru si malra ku lrigu, la lri ngwalai numi kai si kaamaninga ku situli.

“Amaniaku ku kabudwane, ku Ama laka tarakauawngu.

Kudra kai kiaparairaisi nakwane ku umawmase lri kicilri, mararaamau ki marudame ka ricingi ka kiacilri, la kisiludu ki umawmase si cilri pwa ki apwi.

“Kudra pelaelali numiane kilakikai, pakaiyaku ku amalrane numi kai sakiaragaili, ani suete ku sakiaragai numi.

Alaiyasi paluludu numi kai drekaseli, lri dulru numi ka taikaiyane ki sakialibakeli panianianiake, mararaamau ku tapaluludaneli ku drekase ki Ama, si ka taikaiyane ki sakialibakeini.

Kunumi yai makilibalibaka, amani kai ku baaili numiane ka padradrekase.”

Alaiyasi ka swakai numi kikai kawmasane, kai yakawmasane lri tara kilibake ku swakai iniane ku umawmase. Ai, patwaladhaku kikai kawmasane pilri numiane; kai numi ka swakai kikai kawmasane, lakamani ku kalisi numiane kai yakawmasane.