Adnodau Beiblaidd Poblogaidd o ໂຢຮັນ 16

Rhanna

ເຮົາ​ບອກ​ເລື່ອງ​ນີ້​ແກ່​ເຈົ້າ​ທັງຫລາຍ ເພື່ອ​ພວກເຈົ້າ​ຈະ​ມີ​ຄວາມ​ສະຫງົບສຸກ​ໃນ​ເຮົາ ໃນ​ໂລກນີ້​ພວກເຈົ້າ​ຈະ​ມີ​ຄວາມ​ທຸກ​ລຳບາກ ແຕ່​ຈົ່ງ​ຊື່ນໃຈ​ເທາະ ເພາະ​ຝ່າຍ​ເຮົາ​ໄດ້​ຊະນະ​ໂລກ​ແລ້ວ.”

ແຕ່​ເມື່ອ​ພຣະອົງ​ນັ້ນ ຄື​ພຣະວິນຍານ​ແຫ່ງ​ຄວາມຈິງ​ຈະ​ສະເດັດ​ລົງ​ມາ ແລ້ວ​ພຣະອົງ​ຈະ​ນຳ​ເຈົ້າ​ທັງຫລາຍ​ໄປ​ສູ່​ຄວາມຈິງ​ທັງໝົດ ເພາະ​ພຣະອົງ​ຈະ​ບໍ່​ກ່າວ​ແຕ່​ລຳພັງ​ຂອງ​ພຣະອົງ​ເອງ ແຕ່​ພຣະອົງ​ໄດ້ຍິນ​ສິ່ງໃດ​ກໍ​ຈະ​ກ່າວ​ສິ່ງ​ນັ້ນ ແລະ​ຈະ​ປະກາດ​ໃຫ້​ເຈົ້າ​ທັງຫລາຍ ຮູ້​ເຖິງ​ສິ່ງ​ເຫຼົ່ານັ້ນ​ທີ່​ຈະ​ເກີດຂຶ້ນ.

ຈົນເຖິງ​ບັດນີ້ ພວກເຈົ້າ​ບໍ່ໄດ້​ຂໍ​ສິ່ງໃດ​ໃນ​ນາມ​ຂອງເຮົາ, ຈົ່ງ​ຂໍ​ແລ້ວ​ພວກເຈົ້າ​ຈະ​ໄດ້​ຮັບ ເພື່ອ​ຄວາມ​ຍິນດີ​ຂອງ​ພວກເຈົ້າ​ຈະ​ຄົບ​ບໍລິບູນ.”

ເຖິງ​ຢ່າງໃດ​ກໍຕາມ ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ການ​ທີ່​ເຮົາ​ຈາກ​ໄປ​ນັ້ນ ກໍ​ເປັນ​ປະໂຫຍດ​ແກ່​ພວກເຈົ້າ ເພາະ​ຖ້າ​ເຮົາ​ບໍ່​ຈາກ​ໄປ ອົງ​ພຣະຜູ້​ຊ່ວຍ​ກໍ​ຈະ​ບໍ່​ມາ​ຫາ​ພວກເຈົ້າ, ແຕ່​ຖ້າ​ເຮົາ​ຈາກ​ໄປ​ແລ້ວ ເຮົາ​ຈະ​ໃຊ້​ພຣະອົງ​ມາ​ຫາ​ພວກເຈົ້າ. ເມື່ອ​ພຣະອົງ​ສະເດັດ​ມາ​ແລ້ວ ພຣະອົງ​ນັ້ນແຫລະ ຈະ​ຊົງ​ບັນດົນ​ໃຫ້​ໂລກ​ຮູ້​ແຈ້ງ​ໃນ​ເລື່ອງ​ຄວາມ​ຜິດບາບ, ຄວາມ​ຊອບທຳ ແລະ​ການ​ພິພາກສາ.

ພວກເຈົ້າ​ກໍ​ເໝືອນກັນ​ນັ້ນ​ແຫຼະ ໃນ​ເວລາ​ນີ້​ພວກເຈົ້າ​ໂສກເສົ້າ ແຕ່​ເຮົາ​ຈະ​ເຫັນ​ພວກເຈົ້າ​ອີກ ແລະ​ພວກເຈົ້າ​ກໍ​ຈະ​ຊົມຊື່ນ​ຍິນດີ​ຢ່າງ​ເຕັມ​ລົ້ນ ເປັນ​ຄວາມ​ຍິນດີ​ທີ່​ບໍ່ມີ​ຜູ້ໃດ​ເອົາ​ໄປ​ຈາກ​ພວກເຈົ້າ​ໄດ້. ເມື່ອ​ເຖິງ​ວັນ​ນັ້ນ ພວກເຈົ້າ​ຈະ​ບໍ່​ຖາມ​ເຮົາ​ເຖິງ​ສິ່ງໃດ​ໝົດ. ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຖ້າ​ພວກເຈົ້າ​ຂໍ​ສິ່ງໃດ​ຈາກ​ພຣະບິດາເຈົ້າ​ໃນ​ນາມ​ຂອງເຮົາ, ພຣະອົງ​ກໍ​ຈະ​ໂຜດ​ສິ່ງ​ນັ້ນ​ໃຫ້​ແກ່​ພວກເຈົ້າ.

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ພວກເຈົ້າ​ຈະ​ຮ້ອງໄຫ້​ຮໍ່າໄຮ ແຕ່​ໂລກນີ້​ຈະ​ຊົມຊື່ນ​ຍິນດີ, ພວກເຈົ້າ​ຈະ​ໂສກເສົ້າ​ຫລາຍ ແຕ່​ຄວາມ​ໂສກເສົ້າ​ຂອງ​ພວກເຈົ້າ​ຈະ​ກາຍເປັນ​ຄວາມ​ຊົມຊື່ນ​ຍິນດີ.