Adnodau Beiblaidd Poblogaidd o Markus 14

Rhanna

Ko a ye, “À Dara, à Da hom, hwó tɔk ra kayɛ pyɛ. Jut keshi reyɔm kemo yi na me. Ko mwa ano, rá pyɛ de hwó simo zɔng, ko pyɛ de me simo wɛt.”

Ko a ha a yɛn, “Bɛrɛng hin nekanang, na yin a ra won, yaga na yin a gaba wɛt jeng de yin a yel e ji mara. Mwin, yey ye simo, ko rebek ra sé gbɛrɛk.”

Tsak o mwin me ha a yin: E kahɛ kwɔ̂n mwa e ji jey de bemat bê shara ɛ̀ Yɛgɛt Yat, ba rɔda ha pyɛ de hwā mo a ra, na be bin bare mɛ̀ na yɛ.”

A yang ɛn, “Yey hom ye lashe hɛ sizɔng, bwang o tyɔng na ye wey na me. Sangal hin e ngamo, na yin a bɛrɛng nekanang.”

Jeng de yɛn a rɔngɔl e de rê pyɛ́, Yɛsu a jut kpam-tuk, a feng a Dagwi, a kwɔrɔs wɛ, ko a nɔ̂ng bemât masâ fwom mɛ, a ye, “Ná in, rebek hom a remo.”

Ano a jut keshi, a to feng a Dagwi, a nára a yɛn, ko yɛn mwa ba sɔ yi e ji kɛ. Ko Yɛsu a ye, “Nemi hom a nemo de ba shushu yaga bemat pyak. Yi na nɛ Dagwi a rɔda wuna hɛ na sira tanga bemat.

Ko Yɛsu a yang ɛn, “Yin mwa, yin a rɔda to in na bama, na yin a tik me, yaga bà jɛk e Bwok-basa Dagwi wɔgɔ, ‘Dagwi a rɔda mɔrɔ lwek vyēl, ko vyēl o ya rɔda shara hɛ.’

Sogo hin, na wot a kyè! Di, mwat a womo de ê row me!”

Ko Yɛsu a yang ɛ, “Tsak o mwin me ha a hwo: Yunung naturuk, gyam na rungat wo dak segwɔm tɛ̀ ba, hwà ga tono na me zang tat.”