Adnodau Beiblaidd Poblogaidd o Susumo 17

Rhanna

E jeng de Abram á vɔk neshey kuru shabatat na nɛ shanetat, Dagwi Darwey a dura to mɛ na yɛ, a yang ɛ, “Me wɛ à Dagwi Wo Reto Mwa. Tik na hwo sangal sángal de ha jam a me, na hwo bin sè gyat.

E ngamo nuyel bê to be yila reza mō, à Abram  wɛt, ko za mō ha rɔda sè Abraham, yaga ma sé tɛ̀ o dâ yére bemât jey pyak.

Ma rɔda gyeng wuna-na-sira hom na hwo, na yere mō de ya to raa bama mō; wuna-na-sira mo à hane vit à yɛnɛ. Mê tɛ́ me Dagwi mō, na wo yere mō ye bama mō.

“Wuna-na-sira hom a het ngan: Hwà rɔda tɛ́ o dâ yére bemât jey pyak.

Ko Dagwi a yang ɛ, “Mwa ano, hwā mō Sara yɛ wɛ de e tɔ a hwo hwey wen, ko hwà rɔda vo a hɛ rezâ Yishak. E yɛ kwong de mê gyeng wuna-na-sira hom na yɛ vɔk e nesheneshey, tanga yere yɛ bama mɛ arɔng.

Mê nɔng o, hwo tanga yere mō ye bama mō, vwêl rekyɛn mō, hɛ à vwêl Kanaan. Mwa vwel hê tɛ́ ɛ pyɛ nedanelɔ mō nesheneshey. Me kwong mê tɛ́ me Dagwi mɛn.”

Ko Abraham a gaba gup e vwel, a hwo shɛgɛsh, a ye e yey mɛ, “Bê tɔ a gwomwakuk de gwa ga re neshey naga hwey a? Sara de a vɔk neshey kuru shabatat (90), remo à wɛ de e tɔ hwey a?”

Dagwi a to gwɛ̌ yâng Abraham, “Hwo to yishi hwā mō, à Sarai wɛt, ko bê tang ɛ, à Sara.

Yin e yosom hin, ko hê tɛ́ ɛ pyɛ de yê dura, ma ga wuna sira hom na yin.

Ko a sé na Yishak de ma rɔda gyeng sira hom, yɛ de Sara a rɔda tɔ̀ a hwo nak, jeng ngan.”

Yi e remo, mwa hwey wen de ba tɔ e ji min bê yosom hɛ e tuk hê rwit. Bê ra ano mwa wɔ̀ sɛ̀ bezamang min, kɛ a sé e ji nèy lɔ, kɛ sam de hwà sey na dyām yi e yere dyuk ayi. Mwa yɛn beba, nèy lɔ na besam, gbing-gbing be yosom hɛn. Yi ano, sira hom hê sè e ra rebek min nesheneshey.