Adnodau Beiblaidd Poblogaidd o Jọn 12

Rhanna

Ogwu iweek isisi ikwaan̄ inyi emi, ene ya inu inigọọk emi. Ere geelek mbakup ke ene ya si obokup. Ikeya si, ene geelek òsisi ikwaan̄ inyi emi môkaan̄ umin inan̄a me ubọk kè Nte n̄a.

Ikeya si, ene geelek òkibọọk ugwem kan̄ me linyọn̄ keyi ìkpofuk ugwem. Ire, ene geelek ikasage ugwem kan̄ ìgwen inu geege me linyọn̄ keyi, ene ya môkaan̄ ugwem kan̄ ire mgbọ ikakaan̄ge itata.

Me atikọ, ǹkitumu inyi enyi ibe, ire kpetap nkwukwuuk akpa me ijọn̄, mè ikwu, ìkibia si me lek nkwukwuuk ge ya gaalek. Ire, isitap nkwukwuuk akpa me ijọn̄, mè ikwu, îra itibi isibi, mè òto owuwa akpa.

Eyi emi nnube linyọn̄, ǹnu kubọk utoon̄, inyi ene geelek òchechieek me lek n̄a ikayaka ìkup me emen udun.

“Ire, ene geelek ònọnọ ikọ n̄a, mè ijit irọrọ, emi m̀kpasibi ene ya oyerebet me ibot. Mije, emi ǹkanu inenisibi oyerebet me ibot ebi linyọn̄. Kpan̄asi ikeya, ǹnu ineninyan̄a ebi linyọn̄ isibi me emen ijo inu.

Meri oneniben òjot òjot iko aran̄ unye otu ewe ge òkidun̄u olu utop utop, isa inibum igwook Jisọs mè ukot, mè isa ijeek ibot kan̄ ituku aran̄ ya me ukot kè Jisọs. Esa inwan̄ ònan̄a me lek uti ekigwen nâdì irọ aran̄ ya, kpewọlọ ofifi inu geege me lek. Olu aran̄ ya okpọkpọk ichit emen uwu ya.

ema eteteen̄ nlak ikaan̄ me ubọk, mè igbuku inin̄ oniin̄ isi ichichini ọmọ, mè ibene ikitaan̄ ukpo unwọọn̄ ibe, “ Osana ! Awaji igbana ogwu ònunu me erieen̄ Okumugwem, Awaji igbana ogwu Ubọọn̄ ebi Ijeren!”

Jisọs ofọfọọk ema ibe, “Îkem mgbọ ebi ene ebenyi Gwun̄ Ebilene umin.