Adnodau Beiblaidd Poblogaidd o Salmau 37

Rhanna

Ymddiried yn yr Arglwydd Dduw, Gwna dda; cei fyw mewn digon. Mawrha yr Arglwydd, a chei’n rhydd Ddeisyfiad cudd dy galon.

Rho di dy dynged ar Dduw’r nef, Rhydd ef ei gymorth iti; D’uniondeb fydd fel haul prynhawn Yn loyw a llawn goleuni.

Bydd amyneddgar yn dy fyw, Disgwyl am Dduw yn raslon; Ac na fydd ddicllon wrth y rhai Sy’n llwyddo â’u cynllwynion.

Ymddiried yn yr Arglwydd Dduw, Gwna dda; cei fyw mewn digon. Mawrha yr Arglwydd, a chei’n rhydd Ddeisyfiad cudd dy galon.

Cyfeiria’r Arglwydd gamau’r da, Fe’i gwylia ef yn ddyfal; Er iddo gwympo, cwyd yn rhwydd: Mae’r Arglwydd yn ei gynnal.

Rho di dy dynged ar Dduw’r nef, Rhydd ef ei gymorth iti; D’uniondeb fydd fel haul prynhawn Yn loyw a llawn goleuni.

Paid byth â digio, cans fe ddaw Drwg di-ben-draw i’r llidus; Pobl Dduw a etifedda’r tir, Dinistrir y drygionus.

Yr holl flynyddoedd y bûm byw Ni welais Dduw hyd yma Yn troi ei gefn ar unrhyw sant Na pheri i’w blant gardota.

Na chenfigenna wrth y drwg, Na gwgu ar ddihiryn, Cans gwywant hwy fel glaswellt sych, Fel glesni gwych y gwanwyn.