Adnodau Beiblaidd Poblogaidd o Salmau 35

Rhanna

O Arglwydd, dadlau drosof Ac ymladd ar fy rhan Yn erbyn fy ngelynion, A helpa fi; rwy’n wan. Tyn waywffon a phicell At bawb a bair im glwy, A dweud, “Fi yw d’achubiaeth”, A chywilyddia hwy.

Ac na foed iddynt frolio, “Fe’i llyncwyd gennym ni”. Doed gwarth i bawb sy’n llawen Oblegid f’adfyd i; Ond boed i’r rhai sydd eisiau Cael gweld fy nghyfiawnhau Gael gorfoleddu o’m plegid A chanu a llawenhau. “Mawr yw yr Arglwydd Dduw Sydd yn dymuno llwyddiant Ei was, a’i gadw’n fyw”. Ac yna, Dduw trugarog, Fy nhafod i a fydd Yn datgan dy gyfiawnder A’th foli ar hyd y dydd.

Boed iddynt ddweud yn wastad, “Mawr yw yr Arglwydd Dduw Sydd yn dymuno llwyddiant Ei was, a’i gadw’n fyw”. Ac yna, Dduw trugarog, Fy nhafod i a fydd Yn datgan dy gyfiawnder A’th foli ar hyd y dydd.

Ond llawenhaf fi ynot Ac yn d’achubiaeth di, A gwaedda fy holl esgyrn, “Pwy sydd fel f’Arglwydd i, Yn achub cam y tlodion Rhag cryfion cas y byd, A gwared rhag ysbeilwyr Y gweiniaid oll i gyd?”