Adnodau Beiblaidd Poblogaidd o Ioane 14

Rhanna

Lau gagao oi lapenimi, ega'ina auga lau e'u gagao eemiai lapua'afuga. Ke lau kapa'ina lapenimi auga agofa'a papiau'i kepipeni koa i'opoga koa alapipeni. Ega puo foloopopo alomi faemafu ke folomani'i.

Ke Iesu einaka, “Amau ega e'a ke eega olao ooma auga keagaga lau. Ke lau Deo ega iifa ko'a auga lapafokia. Ke lau mauni mamaga papiau lapeni'i. Ega puo kai aga'o ifo lau Amau eega afaelao kai, lau faagauai kai Amau eega agelao.

Iesu ega imoi epaini'i pugu einaka, “Foloopopo alomi faemafu. Deo fopako'ania ke lau isafa fopako'aniau.

Kai Amau Pipalagai Auga, Isa ega Spiritu, lau akauai ageulai penimi. Ke isa kapa ma'oai agepamalelenimi, ke kapa ma'oai maamiai laifani'i au'i isafa agepaopolanimi afaefuafua.

Ke kaisau lau e'u iifa kapula eafi'i kai'iai epea auga, alo ko'agai lau aniu eani auga. Ke kaisau alo ko'agai lau aniu eani auga, lau Amau isafa alo ko'agai isa anina ageani. Ke lau isafa alou ko'agai isa anina alaani, ke lau ifou lau kaisau auga isa alapakina,” eoma.

Ke lau Amau alagoina Pipalagai Auga aga'o ageulai penimi. Ega koa isa oi fou agoagu aoniamo. Ke ega'ina auga Deo ega Spiritu, Deo ega iifa koa'i epafokia auga oi alomiai ageagu aoniamo. Agofa'a papiau'i Deo akelogonia au'i, Pipalagai Auga ega'ina akeisaisa ke akelogonia puo akeumakalaina. Kai oi auga isa fou oagu puo, ologonia ke isa oi alomiai ageagu.

Ke lau akauai kapa'ina agogoina auga alakapa, ega koa Gauga Ama ega akaiki'a ala koa auga agepafokia. Ke oi kapa aga'o lau akauai agogoina auga alakapa,” eoma.

Iesu ega imoi epaini'i pugu einaka, “Oi alomi ko'agai lau aniu oani koa aisama, lau iifa kapula oi lapenimi fokapa laoma auga agokapa.

Lau Amau ega e'ai afu ma'o kekae. Ke lau alalao egae oi afumi aga'o alaafia ageka. Laa'i koa aisama, ega'ina afuga fouga maamiai falaifania.

Ke lau alalao afumi alapafua ageka aisama, alamue alamai alaafimi fou agalao, ega koa oi isafa lau kapai alaagu egae fou faagu laoma.

Ega aisama Tomas Iesu epainia einaka, “Lopia, oi ala alolao auga lai alalogo puo ala koa keaga ega'ina agalogo?” eoma.