Adnodau Beiblaidd Poblogaidd o Acts 2

Rhanna

Ke Peto einaka, “Emi laomai apala'i amoumakalaini'i. Ke Iesu amopako'ania, ke akagai aga'o aga'o baptismo amoafia. Ega koa Deo oi emi laomai apala'i age'agegeaini'i, ke ega ipeni Spirituga agepenimi.

Ke pako'a papiau'i fofougai, kina ma'oai alo'i ko'agai apostolo e'i pamalele kai'iai kepea aefuafua. Ke isa alo'i aga'omogai kekaigugu Deo keau afagaina. Ke Iesu ega mae keopolaga, la'afouai fou kai'ialao keaniani ke kemegamega.

Ke isa ma'oai Deo ega Spiritu alo'i epogu, ke Deo ega Spiritu isa maa'iai kapa'ina eifania auga koa i'opoga mo, ke'ina mala i'oina i'oinai kenini'ani.

Egae keaguega kai, fiakoa mo ufai ameku kapula ipauma koa i'opoga a'o eake emai keagu e'a fofouga alo epapogua. Ke kekiakae aisama, lo mala koa i'opoga eake peni'i, ekani okaoka isa aga'o aga'o kania'i laagai eaguau keisa. Ke isa ma'oai Deo ega Spiritu alo'i epogu, ke Deo ega Spiritu isa maa'iai kapa'ina eifania auga koa i'opoga mo, ke'ina mala i'oina i'oinai kenini'ani.

Ke kina ma'oai Deo ega e'a alogai ma'oai alo'i aga'omogai kekaigugu. Ke kina isa'iai aufa e'i gopu e'a'iai isafa kekaigugu. Egae Iesu ega mae keopolaga kemegamega, alo'i ko'agai gafegafeai guaniai fo'ama aga'o aga'o kepipeni, ke alo'i egama alogaina. Ke Deo keau afagaina. Ega koa kekapaisa aisama, Ierusaleme taoninai papiau keagu au'i ma'oai, pako'a papiau'i e'i laomaisai aga'o aga'o ani'i keani alogaina auga fouga keifania. Ke aufa kina Deo papiau kania'i eagamauga pako'a papiau'i e'i gopu alogai epakoko'i.

“‘Deo eifa, ‘Muni kina fua'iai, Lau e'u Spiritu papiau ma'oai ee'iai alafakeopua. Ke gaumi maguae'i, ke papie'i fou profeta koa i'opo'i akemia, Lau e'u iifa papiau maa'iai akeifafoua. Oi emi au agu'a'i Deo ega paikifa kapa'i laulauai akeisa'i, ke au apao'i Deo ega paikifa kapa'i nipiai akenipi'i.

Ke pako'a papiau'i ma'oai kekaigugu, alo'i aga'omo emia e'i amu aga'o aga'o epo'iai kepipeni. Ke kina isa'iai, pako'a papiau'i isa'i e'i ago, amu fou ke'afa'afalaini'i. Ega'ina moni'i keafii'i papiau aga'o aga'o pika anina keani auga i'opoga mo kefakeisa kepenii'i.

Ega'ina kina aemai koa kai, papiau ma'oai Lau akau Lopia akeifaga au'i kania'i ageisagamau,’ eoma.

Ke Lau e'u mirakulo a'uoniai, ufa guagai alakapa, kina agepa'umina, gafa maaga ifa koa agepito. Ke aagoai agofa'ai e'u isapu gouga auga, ifa, lo, ke aku akaiki'a'i ipauma'i alakapa'i akeisa'i. Egae kai fuagai Lopia ega kina akaiki'a auga mai'isapuga ke maieaeagai agemai.