Adnodau Beiblaidd Poblogaidd o Luke 19

Rhanna

Anaani wiijamana, ngaya-waj na-Niwiyayung na-Wurrujung-jinyung, anaani nga-yanggi warruburru-yung ngarraagalhaga-lharrmani wurraaṉibina-yinyung. Nguynju ngamba-wiri-gana yadhu ngaya.” Dani-yung ni-yamaa niga na-Jesus.

Wugurru wurru-yamaa, “Naadagilu niga ni-yaarri, nigawi yungguyung na-Buunggawa na-God. Naadagilu na-God naagajij-majgana niga. Naadagilu ni-runggal-windiyung niga.” “Anubani wu-mamanunggu-windiyung anaarrwar-rruj. Anaani ngaanu-warraarriwana ngagurru naagila-yinyung anaarrwar-yinyung.” Dani-yung wurru-yamaa wugurru.

Nigaayung na-Jesus nu-yambalmayn nigawi-wuy, ni-yamayn “Ana-yimbaj anaani-rruj, wugurru warra-wurru-wurruj anaani-rruj ana-wumurrng, na-God niga wani-wiri-gayn. Niga yamba naagi nigaayunggaj na-niwiyayung na-Abraham-jinyung niga.

Nga bagala-yung nigaayung banila-yung na-Jesus ni-yanggi, nimaadi-lharrmangi niga. Ni-warranggayn, nga ni-mal-nayn. Nga nu-yamijgayn, “Zacchaeus, ba-dhirridang nagang, ba-nguḻu-nguḻubiyn. Ana-yimbaj yamba ngaya nga-ngu-burraa nugawi-rruj aanga-rruj.” Dani-yung ni-yamayn. Nigaayung naadagi-yung na-Zacchaeus ni-dhirridiyn-bindiyung ni-nguḻu-nguḻubini. Anubani-yung yamba niga ni-waḻaaḻarrangi. Anubani-yung nu-lhala-miyn niga naagi-yung na-Jesus nu-yarrijgiyn aḏaba yuuguni nigawi-wuy a-wumurrng-guy.

Anubani-rruj ana-wumurrng-duj, na-Zacchaeus niga bagu ni-lhangayn. Nu-yamijgayn na-Buunggawa-wuy, ni-yamayn “Baawanggina nagang anaani Buunggawa. Ngayawi-nyinyung anaani ana-ngurrji, anaarrgi-yung aḏaba ngarraarriini warruburru-wuy warraambaambalalari-wuy. Marri ngijang, ari ngaya ngarra-dhaayurrangi-yinyung warra-mulung-aynbaj, marri ngaarra-waṉagana anaani anaarra. Anubani-yung aḏaba ngambaa-gaagijgina anggu-mal-bulal-wulal-wala.” Dani-yung ni-yamaa niga.

Warruburru-yung mulung-arrgi-yung bagu Pharisee wurraarra-garra-lhi warruburru-yung-duj. Wurru-yamayn nigawi-wuy na-Jesus-guy, “Barra-marrbuy-wana-yinyung nagang, waadurru bamba-lhambiyn wugurru nugawi-nyinyung wurru-marrbuy-mana-yinyung. Yagi anaani wuu-yambi anaani ana-lhaawu wugurru,” wurru-yamayn. Nigaayung naagi na-Jesus wani-yambalmayn wugurri-wuy, “Anaani ngana-magana, ngaya ngamba-lhambiyn-maynji, yijgubulu magurraayung manaami mana-ṉuga amaaḏang magurru.” Dani-yung ni-yamayn.