Adnodau Beiblaidd Poblogaidd o Salmo 103

Rhanna

Dadayen ko o Dios as kawayakan ko sava o atavo a kapichapian na diaken.

Iya o ompakabo so atavo a gatos ko as iya o tomovatova diaken. Pachonongan na yaken a pavawahen do kadimanan as kabendision na diaken no di machipanda a addaw kano kasisien na. Iya o ompakamia diaken do viay ko, ta itoroh na o atavo a ichapia ko as kapayavayo na so ayet ko.

Dadayen ko o Dios so pasivogen ko do tawol ko! Dadayen ko o masanto a ngaran na!

Akma so katanoy no asa ka ama do manganak na sa am nawri o kaparin no Dios dira do sominchad as omanib sia

As akma so kararayi no twawan no araw do asdepan na am nawri o kararayi no pinohan na nia o gatogatos ta sa.

No Dios am masisien kano madadawen. Oyod sia a matanoy as kadi na abdibdisan no addaw na.

Kastigoan nava yaten so machinaho do gatogatos kano sinadasadan ta sa. Akma so katoatohos no hanyit kano tana aya am nawri o kaparin no karakorakoh no addaw nira no Dios o sominchad as omanib sia.

Do hanyit o yanan no trono no Dios as iya o maypatol do atavo.