Adnodau Beiblaidd Poblogaidd o Lluko 22

Rhanna

“Tata, na mindili noli no mingine no nombómo ‘Naa nambo.’ konopu lienu liemo aku siku teani nalo ‘Nane tepolie nanu konopu simbo.’ konopu lekero mele naa teambo. Nuni kanoko peanga kanoni ulumu mindi teambo.” nirimu.

Nalo Saimono, nane Pulu Yemo kinie ungu nimbu nunge mawa tendepolie nimbondo: “Setene yuni nu aku temba kinie Pita yuni na naa mundupe siye kolopa na pilipe molopili.” nindu. Saimono, Setene laye-kolte pilku na munduku siye kolkolie, pe konopu alowa teko na kelko tondolo munduku pilku molkolie ninimuni, angenalime tondolo mundundou.” nirimu.

Berete te lipe Pulu Yemo kinie “Ange.” nimbelie ambolopa pike lepa ˻yu lombili andolime˼ sipelie nimbendo: “I mu nanga kalumu ˻eno liku nangi˼. ‘Nanga kalumu ‘enonga’ nimbu ˻lipu tapondambo.’ nimbu tangi˼ simbo tekero imu. Pe pe kepe, ‘Eno lipu tapondambo.’ nimbu nanga kalumu enonga nimbu ‘Na tangi.’ nimbu simbo tekero mele ‘Altopo piliemili.’ ningu iberetemo “Nanga kalumu.” nimbu sikiru mele eno aku siku berete te nongolie piliengi!” nirimu.

Pe eno langime nongo pora siringi kinie yuni ˻berete te kinie terimu mele˼ aku sipela no waene kapomo lipe ˻eno sipelie˼ nimbendo: “I ˻no-waene˼ kapo ˻eno sikirumu˼ nanga mememo. ˻Pulu Yemone ‘Eno-kinie tembo.’ nimbe,˼ ungu te nimbe panjipe mi lierimu kanu ungumu ‘Kamu wendo omba pepili.’ nimbu nane enonga nimbu nanga mememo ondo lendepolie ˻kolombo˼ aku mememo ino waenemo.

Kanu kinie yu konopune umbune awili-tepa tepa, kamelena mindili tepili molopalie yu Pulu Yemo kinie tondolo mundupe ungu nimbe mawa terimu-ne yunge kangine kúru omba kanu kúrumu meme none tepa mana manie purumu.

Nalo ˻we yembomanga ye nomimene enonga yemboma tondolo munduku nokolemele mele na lombili andoli yema˼ eno enono aku siku anjo yando naa teangi. Enonga ye te imbi ola molomba kinie aku yemo ye koropa mele molopili. Ye nomi molopa we yema nokomba yemo ye kendemandemo mele molopa we yemanga kongono tendepili.” ˻nirimu˼.

Yesusini Pitando nimbendo: “Pita, nane nundu isipu nimbu sikirumu: Kinié kera gulta ou ko naa topili nuni pipili kolkolie wale yepoko nando kolo toko “Yu naweye? Na naa kanolio.” nini.” nirimu.