Adnodau Beiblaidd Poblogaidd o Lluko 19

Rhanna

“Manie Omba Mana Ye A Lierimu Yemone ‘Yemboaulke lou leko molko kenjilimele yemboma koropo, eno lipu tapondopo mindili nolemela aulkena wendo lipu na-kinie molko kondonge aulkena lipu mondombo.’ nimbe orumu.” nirimu.

“Pulu Ye Yawene lipe mundorumu-ne yunge kongonomo tendemba okomo ye nomi kingimu molopa kondopili. Mulu koleana konopu pe nipili molomolo walemo welea opili. Mulu koleana paa olandopa ˻Pulu Yemonga˼ imbi paa ola molopili lakopo kapi niemili.” niliku puringi.

Yuni aku sipe nirimu kinie Yesusini yundu nimbendo: “Kinié iulke pulu yemboma Pulu Yemone lipe tapondopa ‘mindili nolemela aulkena wendo ongo, yu-kinie pea molko kondonge aulkena pangi.’ nilimo ulu pulumu likimili. Kinié iulke pulu yemo yu kepe anda kolepa Eporayamone kalopa lsimu ye te kanumu.

Yesusi akune ombalie we angilipe olando sipe kanopalie yundu nimbendo: “Sakiasi, nunge ulkena kinié na pea molambili pambili welea manie ou.” nirimu kinie yu popenge tepa manie omba yundu “Kapola.” nimbe konopu sirimu.

Kanu kinie Yesusi kinie Sakiasi kinie elo ulkena suku molkololie Sakiasi ola angilipe Awilimundu nimbendo: “Awilimu, nane nundu ungu te niembo pílie. Nanga mele nosilioma ekendo lipu yembo koropama sipulie, pe kou te molo melte kolo topo wa mele lsindu melte altopo wa lsindu mele pundu topo yepoko ola panjipu anjo simbo.” nirimu.

Aku siku niringi pilkulie pea oringi Parisi ye marene ˻we yembomane aku siku niringi mele pilku keri pilkulie˼ yundu ningendo: “Ungu Mane Silimu, nu lombili andolimene nikimili mele ‘Naa niengi.’ ningu eno iri tou.” niringi kinie Yesusini enondo nimbendo: “Nane enondo isipu nikiru: Iyembomane i siku naa ningu we molongi liemo ya kou lemomane ru ninge.” nirimu.