Traduction de la Bible : Kim © Alliance Biblique du Tchad, 2013 Enregistrement du Nouveau Testament Kim ℗ Hosanna, 2017

Kim 2013 Edition (Non-Drama NT)

Kim 2013 Edition (Drama NT)

<div class="version vid810 iso6393kia" data-vid="810" data-iso6393="kia">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">&#385;ol ta ge Jeso ma ne Nikodemu ne</div><div class="p"> 1Ndu a&#816;me &#599;u ka Farisi ma buwal zi, na d&#7725;l Nikodemu, a Yuda ma ga&#816;l a&#816;me ne. 2Mbo ya Jeso ta &#599;aal zi, jan na go: &#171;Rabbi, i kwa kwa go mo bage hateya ne, mo mbo da ne Dok ta ya. Ago ndu ge ke ka&#331; &#331;gayya ge mo ne ke nama mbe ma no to, kad&#599;a Dok poseya ne na to.&#187; 3Jeso gwan ne na janna go: &#171;Fareba, fareba, mbi jan mo: Kad&#599;a ndu be tol tolla ge giya&#816;l to, na s&#7707; ne pool kwa muluk ge Dok ne to bat.&#187; 4Nikodemu jan na go: &#171;Ndu ge ne hat&#599;a sabar ke gyana &#599;o ba gwan tol giya&#816;l &#599;aa? Gwan na n&#225; laar zi &#599;o, ba gwan tol ya se &#599;ogle &#599;aa?&#187; 5Jeso gwan ne na janna go: &#171;Fareba, fareba, mbi jan mo: Kad&#599;a ndu be tol tolla ne mam ma ne O&#816;yom ta to, na s&#7707; ne pool ge wat muluk ge Dok ne zi to bat. 6Ka&#331; ge ne t&#243; ne duur zi, a duur, ka&#331; ge ne t&#243; ne O&#816;yom zi, a o&#816;yom. 7Ke ajab ne mbi ne jya&#816; mo go, na kwa&#599;a a&#331; t&#243; tolla ge giya&#816;l to. 8Saam kwal mbo swaga ge na ne &#595;yare go, mo za&#816; na pul, amma mo kwa swaga ge ne &#599;age ne ya, ko swaga ge ne mbo go to. Ndu ge ne tol ne O&#816;yom zi go no me.&#187; 9Nikodemu jan na go: &#171;Ke go mbe ma&#816; gyana &#599;aa?&#187; 10Jeso gwan ne na janna go: &#171;Mo Israyela ma bage hateya ne, mo kwa fare mbe ma no to&#8217;a? 11Fareba, fareba, mbi jan mo: I jan fare ge i ne kwa, i ke sayda ka&#331; ge i ne kwa pal, amma a&#331; vin sayda ge i ne to. 12Kad&#599;a a&#331; hon fareba ge ka&#331; ge mbi ne jan a&#331; ge ne dunya zi ma pal to &#599;e, ma&#816; kad&#599;a mbi jya&#816; a&#331; ka&#331; ge ne digi zi ya ma &#599;e, a&#331; ma&#816; hon fareba gyana &#599;aa? 13Ndu a&#816;me be mbo digi zi ya to, a Vya ge ndu ne &#599;e&#331;go, na ge ne ka&#816; na koo ne digi ya se. 14Dimma ne Musa ne gabe bom digi ful pul zi go, a mbo gabe Vya ge ndu ne digi go no me#Isi 21:4-9.. 15Ne da pe, ndu ge daage pet ge ne hon fareba ya na ta, na &#595;&#243; ndwara ge &#599;i&#331;nedin. 16Ago Dok laar wa&#816; dunya ge be to ho&#816; na vya ge &#599;u kikit ya no, ne da pe ndu ge daage pet ge ne hon fareba ya na ta na &#595;a&#816; uzi to, amma na &#595;o ndwara ge &#599;i&#331;nedin. 17Ago Dok be teme na vya ya dunya zi na k&#7797; sarya dunya pal to, amma ne na ta, dunya &#595;o m&#225;ya. 18Bage ne hon fareba na ta, a kun sarya na pal to, amma bage ne ho&#816; fareba to, a kun sarya ya kun na pal zo, ne da pe be hon fareba d&#7725;l ge vya ge &#599;u kikit ge Dok ne zi to. 19Ndi sarya kunna no &#599;a&#331;: kwaya&#816;l mbo ya dunya zi, amma naa dasana ma laar wan t&#7797; wa&#599;e kwaya&#816;l, ne da pe nama ka&#331; kerra ma sone. 20Ago ndu ge daage pet ge ne dwage sone kerra kwane kwaya&#816;l kwane, na s&#7707; mbo ya kwaya&#816;l go to, ne da pe na ka&#331; kerra ge sone ma pe b&#7707; zum to. 21Amma ndu ge ne ke mborra fareba zi mbo ya kwaya&#816;l go, ne da pe a kwa kwaya&#816;l go wa&#331; go na ka&#331; kerra mbo laar &#595;yareya ge Dok ne pal.&#187;</div><div class="s">Sayda ge Yohanna bage ke naa baptisma ne Jeso pal</div><div class="p"> 22Go&#816;r ka&#331; mbe ma no go, Jeso ma ne na naa ge ame hateya ma mbo suwal Yahudiya ya. A g&#225; kat&#599;a swaga mbe go, ka ke naa baptisma. 23Yohanna ka ke naa baptisma ge Enon se, na ge ne Salim ziyar go gwa, ne da pe mam ka g&#7707; swaga mbe go. Naa ka mbo ya na ta ke baptisma. 24Swaga mbe go, a gale ne be dol Yohanna da&#331;gay zi#Mat 14:3, Mar 6:17, Luk 3:19-20..</div><div class="p"> 25Gaage &#599;age digi ge naa ge ame hateya ge Yohanna ne ma ne Yuda a&#816;me buwal zi ge fare ge hat ta harcal pal. 26A mbo ya Yohanna ta, a jan na go: &#171;Rabbi, ndu ge a&#331; ne na ne ka ma&#331;ga&#599;am Urdun le may ya, na ge mo ne ke sayda na pal mbe, ndi ne ke naa baptisma ne ya go no, naa pet a mbo ne go na ta ya.&#187; 27Yohanna gwan ne nama janna go: &#171;Ndu ne pool ge &#595;ol a&#816;me to, kad&#599;a a be hon na na da ne digi zi ya to. 28A&#331; s&#7707; ma, a&#331; za&#816; mbi janna go: &#8249;Mbi be Kris ne to, amma a teme mbi ya na ndwara z&#7707; ba&#331;#1:20, Mal 3:1..&#8250; 29Ndu ge ne gwale giya&#816;l a gwale giya&#816;l obe, amma gwale giya&#816;l obe kondore kat na ziyar go, ka za&#816; na, na s&#7707; ka ke tuli ne na ne za&#816; gwale giya&#816;l obe ka&#816;l pe. Laar saal mbe no a ge mbi ne, se no a wiya tap. 30A kwa&#599;a go na do&#816; z&#7707;, mbi me, mbi dage.</div><div class="p"> 31Ndu ge ne mbo ne digi ya, ya naa pala digi pet, ndu ge ne suwar se, na s&#7707; ge suwar ne, jan fare ge ne suwar se. Ndu ge ne mbo ne digi ya, [ya naa pala digi pet]#3:31 Maktub ge za&#331;gal a&#816;me ma ne swaga ge ne jan go &#171;ya naa pala digi pet&#187; to.. 32Ke sayda ka&#331; ge na ne kwa ne ka&#331; ge na ne za&#816; pal, amma ndu a&#816;me ge vin na sayda mbe to. 33Ndu ge ne vin na sayda, vin go Dok fareba. 34Ndu ge Dok ne teme na ya, jan fare ge Dok ne, ago Dok hon na O&#816;yom be &#331;gayya. 35B&#225; laar wa&#816; vya, ho&#816; ka&#331; ma pet ya na tok go. 36Ndu ge ne hon fareba Vya ta da ne ndwara ge &#599;i&#331;nedin, ndu ge ne gwan ne na pala vya pe se to mbo &#595;ol ndwara to bat, amma pore ge Dok ne ya na pal.&#187;</div>
 </div>
 </div>
</div>

Ndu a̰me ɗu ka Farisi ma buwal zi, na dḭl Nikodemu, a Yuda ma ga̰l a̰me ne. Mbo ya Jeso ta ɗaal zi, jan na go: «Rabbi, i kwa kwa go mo bage hateya ne, mo mbo da ne Dok ta ya. Ago ndu ge ke kaŋ ŋgayya ge mo ne ke nama mbe ma no to, kadɗa Dok poseya ne na to.» Jeso gwan ne na janna go: «Fareba, fareba, mbi jan mo: Kadɗa ndu be tol tolla ge giya̰l to, na sḛ ne pool kwa muluk ge Dok ne to bat.» Nikodemu jan na go: «Ndu ge ne hatɗa sabar ke gyana ɗo ba gwan tol giya̰l ɗaa? Gwan na ná laar zi ɗo, ba gwan tol ya se ɗogle ɗaa?» Jeso gwan ne na janna go: «Fareba, fareba, mbi jan mo: Kadɗa ndu be tol tolla ne mam ma ne O̰yom ta to, na sḛ ne pool ge wat muluk ge Dok ne zi to bat. Kaŋ ge ne tó ne duur zi, a duur, kaŋ ge ne tó ne O̰yom zi, a o̰yom. Ke ajab ne mbi ne jya̰ mo go, na kwaɗa aŋ tó tolla ge giya̰l to. Saam kwal mbo swaga ge na ne ɓyare go, mo za̰ na pul, amma mo kwa swaga ge ne ɗage ne ya, ko swaga ge ne mbo go to. Ndu ge ne tol ne O̰yom zi go no me.» Nikodemu jan na go: «Ke go mbe ma̰ gyana ɗaa?» Jeso gwan ne na janna go: «Mo Israyela ma bage hateya ne, mo kwa fare mbe ma no to’a? Fareba, fareba, mbi jan mo: I jan fare ge i ne kwa, i ke sayda kaŋ ge i ne kwa pal, amma aŋ vin sayda ge i ne to. Kadɗa aŋ hon fareba ge kaŋ ge mbi ne jan aŋ ge ne dunya zi ma pal to ɗe, ma̰ kadɗa mbi jya̰ aŋ kaŋ ge ne digi zi ya ma ɗe, aŋ ma̰ hon fareba gyana ɗaa? Ndu a̰me be mbo digi zi ya to, a Vya ge ndu ne ɗeŋgo, na ge ne ka̰ na koo ne digi ya se. Dimma ne Musa ne gabe bom digi ful pul zi go, a mbo gabe Vya ge ndu ne digi go no me. Ne da pe, ndu ge daage pet ge ne hon fareba ya na ta, na ɓó ndwara ge ɗiŋnedin. Ago Dok laar wa̰ dunya ge be to ho̰ na vya ge ɗu kikit ya no, ne da pe ndu ge daage pet ge ne hon fareba ya na ta na ɓa̰ uzi to, amma na ɓo ndwara ge ɗiŋnedin. Ago Dok be teme na vya ya dunya zi na kṵ sarya dunya pal to, amma ne na ta, dunya ɓo máya. Bage ne hon fareba na ta, a kun sarya na pal to, amma bage ne ho̰ fareba to, a kun sarya ya kun na pal zo, ne da pe be hon fareba dḭl ge vya ge ɗu kikit ge Dok ne zi to. Ndi sarya kunna no ɗaŋ: kwaya̰l mbo ya dunya zi, amma naa dasana ma laar wan tṵ waɗe kwaya̰l, ne da pe nama kaŋ kerra ma sone. Ago ndu ge daage pet ge ne dwage sone kerra kwane kwaya̰l kwane, na sḛ mbo ya kwaya̰l go to, ne da pe na kaŋ kerra ge sone ma pe bḛ zum to. Amma ndu ge ne ke mborra fareba zi mbo ya kwaya̰l go, ne da pe a kwa kwaya̰l go waŋ go na kaŋ kerra mbo laar ɓyareya ge Dok ne pal.»

Go̰r kaŋ mbe ma no go, Jeso ma ne na naa ge ame hateya ma mbo suwal Yahudiya ya. A gá katɗa swaga mbe go, ka ke naa baptisma. Yohanna ka ke naa baptisma ge Enon se, na ge ne Salim ziyar go gwa, ne da pe mam ka gḛ swaga mbe go. Naa ka mbo ya na ta ke baptisma. Swaga mbe go, a gale ne be dol Yohanna daŋgay zi.
Gaage ɗage digi ge naa ge ame hateya ge Yohanna ne ma ne Yuda a̰me buwal zi ge fare ge hat ta harcal pal. A mbo ya Yohanna ta, a jan na go: «Rabbi, ndu ge aŋ ne na ne ka maŋgaɗam Urdun le may ya, na ge mo ne ke sayda na pal mbe, ndi ne ke naa baptisma ne ya go no, naa pet a mbo ne go na ta ya.» Yohanna gwan ne nama janna go: «Ndu ne pool ge ɓol a̰me to, kadɗa a be hon na na da ne digi zi ya to. Aŋ sḛ ma, aŋ za̰ mbi janna go: ‹Mbi be Kris ne to, amma a teme mbi ya na ndwara zḛ baŋ.› Ndu ge ne gwale giya̰l a gwale giya̰l obe, amma gwale giya̰l obe kondore kat na ziyar go, ka za̰ na, na sḛ ka ke tuli ne na ne za̰ gwale giya̰l obe ka̰l pe. Laar saal mbe no a ge mbi ne, se no a wiya tap. A kwaɗa go na do̰ zḛ, mbi me, mbi dage.
Ndu ge ne mbo ne digi ya, ya naa pala digi pet, ndu ge ne suwar se, na sḛ ge suwar ne, jan fare ge ne suwar se. Ndu ge ne mbo ne digi ya, [ya naa pala digi pet]. Ke sayda kaŋ ge na ne kwa ne kaŋ ge na ne za̰ pal, amma ndu a̰me ge vin na sayda mbe to. Ndu ge ne vin na sayda, vin go Dok fareba. Ndu ge Dok ne teme na ya, jan fare ge Dok ne, ago Dok hon na O̰yom be ŋgayya. Bá laar wa̰ vya, ho̰ kaŋ ma pet ya na tok go. Ndu ge ne hon fareba Vya ta da ne ndwara ge ɗiŋnedin, ndu ge ne gwan ne na pala vya pe se to mbo ɓol ndwara to bat, amma pore ge Dok ne ya na pal.»

Gwranda ar Yohanna 3