Littafi Mai Tsarki

<div class="version vid71 iso6393hau" data-vid="71" data-iso6393="hau">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abram Ya 'Yanto Lutu</div><div class="p"> 1A zamanin Amrafel Sarkin Shinar, shi da Ariyok Sarkin Ellasar, da Kedarlayomer Sarkin Elam, da Tidal Sarkin Goyim, 2suka fita suka yi ya&#409;i da Bera Sarkin Saduma, da Birsha Sarkin Gwamrata, da Shinab Sarkin Adma, da Shemeber Sarkin Zeboyim, da kuma Sarkin Bela, wato Zowar. 3Wa&#599;annan sarakuna biyar suka ha&#599;a kai don su kai ya&#409;i, suka ha&#599;a maya&#409;ansu a kwarin Siddim, inda Tekun Gishiri take. 4Shekara goma sha biyu suka bauta wa Kedarlayomer, amma suka tayar a shekara ta goma sha uku. 5A shekara ta goma sha hu&#599;u Kedarlayomer da sarakunan da suke tare da shi suka zo suka cinye Refayawa cikin Ashterotkarnayim, da Zuzawa cikin Ham, da Emawa cikin Filin Kiriyatayim, 6da kuma Horiyawa cikin dutsen nan nasu, wato Seyir, har zuwa Elfaran a bakin jeji. 7Sai suka juya suka je Enmishfat, wato Kadesh, suka kuwa cinye &#409;asar Amalekawa da kuma ta Amoriyawa wa&#599;anda suka zauna cikin Hazazontamar.</div><div class="p"> 8-9Sai Sarkin Saduma, da Sarkin Gwamrata, da Sarkin Adma da Sarkin Zeboyim, da Sarkin Bela, wato Zowar, suka fita suka ja d&#257;ga da Kedarlayomer Sarkin Elam, da Tidal Sarkin Goyim, da Amrafel Sarkin Shinar, da Ariyok Sarkin Ellasar a kwarin Siddim, sarakuna hu&#599;u g&#257;ba da biyar. 10Akwai ramummukan kalo da yawa a kwarin Siddim. Da Sarkin Saduma da na Gwamrata suka she&#409;a da gudu sai wa&#599;ansunsu suka f&#257;&#599;a cikin ramummukan, sauran kuwa suka gudu zuwa dutsen. 11Sai abokan g&#257;ba suka kwashe dukan kayayyakin Saduma da na Gwamrata, da abincinsu duka, suka yi tafiyarsu. 12Suka kuma kama Lutu &#599;an &#599;an'uwan Abram, wanda yake zaune a Saduma, da kayayyakinsa, suka yi tafiyarsu.</div><div class="p"> 13Sai wani da ya tsere, ya zo ya fa&#599;a wa Abram Ba'ibrane wanda yake zaune wajen itatuwan oak na Mamre, Ba'amore, &#599;an'uwan Eshkol da Aner, wa&#599;anda suke abuta da Abram. 14Lokacin da Abram ya ji an kama danginsa wurin ya&#409;i sai ya shugabanci horarrun mutanensa, haifaffun gidansa, su &#599;ari uku da goma sha takwas, suka bi sawun sarakunan har zuwa Dan. 15Da dad dare sai ya kasa jarumawansa yadda za su gabza da su, shi da barorinsa, ya kuma &#599;ibge su, ya kore su har zuwa Hoba, arewacin Dimash&#409;u. 16Sai ya washe kayayyakin duka, ya kuma &#409;wato &#599;an'uwansa Lutu da kayayyakinsa da mata da maza.</div><div class="s">Malkisadik ya Sa wa Abram Albarka</div><div class="p"> 17Sai Sarkin Saduma ya fita ya taryi Abram sa'ad da ya komo daga korar Kedarlayomer da sarakunan da suke tare da shi, a Kwarin Shawe, wato Kwarin Sarki. 18#Ibr 7.1-10 Sai Malkisadik Sarkin Salem, wato Urushalima, ya kawo gurasa da ruwan inabi. Shi firist ne na Allah Ma&#599;aukaki. 19Ya kuwa sa wa Abram albarka ya ce, &#8220;Shi wanda ya yi sama da &#409;asa, Allah Ma&#599;aukaki ya sa wa Abram albarka. 20Ga Allah Ma&#599;aukaki yabo ya tabbata, shi wanda ya ba ka ma&#409;iyanka a tafin hannunka!&#8221; Abram kuwa ya ba shi ushiri na duka.</div><div class="p"> 21Sai Sarkin Saduma ya ce wa Abram, &#8220;Ka ba ni mutanen, amma ka ri&#409;e kayayyakin don kanka.&#8221;</div><div class="p"> 22Amma Abram ya ce wa Sarkin Saduma, &#8220;Na riga na rantse wa Ubangiji Allah Ma&#599;aukaki, wanda ya yi sama da &#409;asa, 23cewa ba zan &#599;auki ko da zare &#599;aya ko ma&#599;aurin takalmi ba, ko kowane abin da yake naka, domin kada ka ce, &#8216;Na arzuta Abram.&#8217; 24A ni kaina ba zan &#599;auki kome ba illa abin da samari suka ci, da rabon mutanen da suka tafi tare da ni. Sai dai kuma Aner, da Eshkol, da Mamre su &#599;auki nasu rabo.&#8221;</div>
 </div>
 </div>
</div>

A zamanin Amrafel Sarkin Shinar, shi da Ariyok Sarkin Ellasar, da Kedarlayomer Sarkin Elam, da Tidal Sarkin Goyim, suka fita suka yi yaƙi da Bera Sarkin Saduma, da Birsha Sarkin Gwamrata, da Shinab Sarkin Adma, da Shemeber Sarkin Zeboyim, da kuma Sarkin Bela, wato Zowar. Waɗannan sarakuna biyar suka haɗa kai don su kai yaƙi, suka haɗa mayaƙansu a kwarin Siddim, inda Tekun Gishiri take. Shekara goma sha biyu suka bauta wa Kedarlayomer, amma suka tayar a shekara ta goma sha uku. A shekara ta goma sha huɗu Kedarlayomer da sarakunan da suke tare da shi suka zo suka cinye Refayawa cikin Ashterotkarnayim, da Zuzawa cikin Ham, da Emawa cikin Filin Kiriyatayim, da kuma Horiyawa cikin dutsen nan nasu, wato Seyir, har zuwa Elfaran a bakin jeji. Sai suka juya suka je Enmishfat, wato Kadesh, suka kuwa cinye ƙasar Amalekawa da kuma ta Amoriyawa waɗanda suka zauna cikin Hazazontamar.
Sai Sarkin Saduma, da Sarkin Gwamrata, da Sarkin Adma da Sarkin Zeboyim, da Sarkin Bela, wato Zowar, suka fita suka ja dāga da Kedarlayomer Sarkin Elam, da Tidal Sarkin Goyim, da Amrafel Sarkin Shinar, da Ariyok Sarkin Ellasar a kwarin Siddim, sarakuna huɗu gāba da biyar. Akwai ramummukan kalo da yawa a kwarin Siddim. Da Sarkin Saduma da na Gwamrata suka sheƙa da gudu sai waɗansunsu suka fāɗa cikin ramummukan, sauran kuwa suka gudu zuwa dutsen. Sai abokan gāba suka kwashe dukan kayayyakin Saduma da na Gwamrata, da abincinsu duka, suka yi tafiyarsu. Suka kuma kama Lutu ɗan ɗan'uwan Abram, wanda yake zaune a Saduma, da kayayyakinsa, suka yi tafiyarsu.
Sai wani da ya tsere, ya zo ya faɗa wa Abram Ba'ibrane wanda yake zaune wajen itatuwan oak na Mamre, Ba'amore, ɗan'uwan Eshkol da Aner, waɗanda suke abuta da Abram. Lokacin da Abram ya ji an kama danginsa wurin yaƙi sai ya shugabanci horarrun mutanensa, haifaffun gidansa, su ɗari uku da goma sha takwas, suka bi sawun sarakunan har zuwa Dan. Da dad dare sai ya kasa jarumawansa yadda za su gabza da su, shi da barorinsa, ya kuma ɗibge su, ya kore su har zuwa Hoba, arewacin Dimashƙu. Sai ya washe kayayyakin duka, ya kuma ƙwato ɗan'uwansa Lutu da kayayyakinsa da mata da maza.

Sai Sarkin Saduma ya fita ya taryi Abram sa'ad da ya komo daga korar Kedarlayomer da sarakunan da suke tare da shi, a Kwarin Shawe, wato Kwarin Sarki. Sai Malkisadik Sarkin Salem, wato Urushalima, ya kawo gurasa da ruwan inabi. Shi firist ne na Allah Maɗaukaki. Ya kuwa sa wa Abram albarka ya ce, “Shi wanda ya yi sama da ƙasa, Allah Maɗaukaki ya sa wa Abram albarka. Ga Allah Maɗaukaki yabo ya tabbata, shi wanda ya ba ka maƙiyanka a tafin hannunka!” Abram kuwa ya ba shi ushiri na duka.
Sai Sarkin Saduma ya ce wa Abram, “Ka ba ni mutanen, amma ka riƙe kayayyakin don kanka.”
Amma Abram ya ce wa Sarkin Saduma, “Na riga na rantse wa Ubangiji Allah Maɗaukaki, wanda ya yi sama da ƙasa, cewa ba zan ɗauki ko da zare ɗaya ko maɗaurin takalmi ba, ko kowane abin da yake naka, domin kada ka ce, ‘Na arzuta Abram.’ A ni kaina ba zan ɗauki kome ba illa abin da samari suka ci, da rabon mutanen da suka tafi tare da ni. Sai dai kuma Aner, da Eshkol, da Mamre su ɗauki nasu rabo.”

Gwranda ar Far 14