If you would like a copy of this version please contact info@davaraudiobibles.org

Nahali New Testament, CC-BY-SA-4.0, The Love Fellowship. Nahali New Testament, CC-BY-SA-4.0, Davar Partners International, The Love Fellowship, 2023.

Nahali New Testament

Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.

अब्राहामान सोरो, दाविदान सोरो, यीशु मसीहान वोचने पुस्तक.
अब्राहामा फायरीन ईसाहाकान जेल्मो एनो, ईसाहाका फायरीन याकूबान जेल्मो एनो, एने याकूब फायरीन यहूदा एने तान बाहाकान जेल्मो एनो. यहूदा एने तामारीहरीन पेरेस एने जेरहान जेल्मो एनो, पेरेसा फायरीन हेस्रोन एनो एने हेस्रोन फायरीन अराम, एने अरामा फायरीन अम्मिनादाबान जेल्मो एनो, अम्मिनादाबा फायरीन नहशोन एने सल्मोनान जेल्मो एनो, सल्मोनाह राहाबी फायरीन बोवाजान जेल्मो एनो, बोवाजाह रूथ फायरीन ओबेदान जेल्मो एनो, ओबेदाह ईशाय, एने ईशायाह फायरीन दाविद राजान जेल्मो एनो.
एने दाविदा फायरीन सुलेमानान जेल्मो एनो जी पोयले उरीयान बायकू एती, सुलेमाना फायरीन रह्बामान जेल्मो एनो, रहबामा फायरीन अबीयान जेल्मो एनो, अबीया फायरीन आसान जेल्मो एनो, आसाहा फायरीन यहोशाफाटान जेल्मो एनो, यहोशाफाटा फायरीन, योरामान जेल्मो एनो, एने योरामा फायरीन उज्जियान जेल्मो एनो, उज्जिया फायरीन योथामान जेल्मो एनो, एने योथामा फायरीन आहाजान जेल्मो एनो एने आहाजा फायरीन हिज्कीयान जेल्मो एनो. हिज्कीयाह फायरीन मनश्शेन जेल्मो एनो, एने मनश्शाह फायरीन आमोनान जेल्मो एनो, एने आमोना फायरीन योशीय्याह जेल्मो एनो, एने बाबेलामाय बोन्दिबोणावीन जाणेन बादमाय योशीय्याह यखन्या, एने तान बायाकान जेल्मो एनो.
बाबेलमाय बोन्दिबोणावीन पोचाडेलपुर यखन्या फायरीन शल्तिएलान जेल्मो एनो, एने शल्तिएला फायरीन जरुब्बाबेलान जेल्मो एनो. जरुब्बाबेला फायरीन अबीहुदान जेल्मो एनो, अबीहुदा फायरीन एल्याकीमान जेल्मो एनो, एने एल्याकिमा फायरीन अज्जुरान जेल्मो एनो, अज्जुरा फायरीन सादोकान जेल्मो एनो, एने सदोकाफायरीन याखीमान जेल्मो एनो, एने याखिमा फायरीन एलीहुदान जेल्मो एनो, एलीहुदाह फायरीन एलाजारान जेल्मो एनो, एलाजारा फायरीन मत्तानान जेल्मो एनो, मत्ताना फायरीन याकूबान जेल्मो एनो, एने याकूबा फायरीन योसेफान जेल्मो एनो, तो मरियम एदमी इतू, एने मरियम फायरीन यीशुन जेल्मो एनो, ज्याह मसीह कियील हि.
ज्या प्रमाणे अब्राहामा फायरीन दाविदा फायवोर चोवदा पिडी एईल, एने दाविदा फायरीन बाबेलामाय देशांतर एईल ताहवोर चोवदा पिडी इयील, एने बाबेलामाय देशांतर इयील पोररीन मसीहाफायवोर चोवदा पिडी.


ऐवी यीशु मसीहान जेल्मो इही केरीन एनो, का जेवी तान आहाक मरियम मांगणी योसेफा हेरी एनी, तेवी तान संबंधान पेलूच ती पवित्र आत्मा द्वारे पेटावाली एईल देखणेमाय आविह. पुण तीन एदमी योसेफ ज्यो खेरो इतू केरीन तीन बदनामी केरणेन ईच्छा तान नाहं एती, केरीन तो तीह ठावकीच सोड देणेन विचार केरतालु. पुण जेवी तो ज्यो आखो विचार केरतालु तेवी प्रभुन एक स्वर्गदूत ताह होपनाम इही केतालू देखाणु का “हे योसेफा! दाविदान सोरा, तू मरियमह आपणी बायकू बोणावणेन बिहि मा, कारण तीन पेटामा जो गर्भ हि, तो पवित्र आत्मा उखेर रीन इयील हि.” ती सोराह जेल्मो आपी एने तू तान नाव यीशु मेलजी, काहाकाय तोच आपणा माणहाह तान पापामायरीन उद्धार केरी. ज्यो ज्यानकेरता एनो का, प्रभुन जो वचन भविष्यवाणी केरणे वालान द्वारे कियील इतू, तो पुरो एने जुवी “देखू, एक कुवारी पेटावाली एय एने ती एक सोराह जेल्मो आपी, एने तान नाव ईम्मानुएल मेलणेमाय आवी ज्यान अर्थ ज्यो हि का, बोगवान आमरे हेऱ्यो हि.” तेवी योसेफ निंदिमायरीन उठिल एने बोगवानान स्वर्गदूत आज्ञा आपील ताहिस, तो आपणी बायकू बोणाविल एने जाहवोर तीह सोरो एय नाह गीयो ताहवोर तो तीन आहने नाहं गीयो, एने तो तान नाव यीशु इही मिलील.

Gwranda ar मत्ती 1