If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

डाबोलटे यीशु डोंगा लिंजेन पेळेचटे समुद्र पारटे हेजाका पुरान हेन। एठा अदा कुरकू लखवा गा बिमारी मिठाच के बिंदीलेन यीशु गा मेरान सालेनेच। यीशु नी डी उफुन कुरकू गा विश्वास डोके मेटे देटेन डी लखवा गा बिमारी कोरो के मंडीके, “हे सोपती शांती डोए, इंज आमगा पापो के मापोएबा होय।” अदा मूसा गा नियम इथूमिठाच कुनी इकुका मंडीके, “येटेन परमेश्वर गा खिलाफबेन दडावा होय।”
यीशु नी दिकुगा मन गा बातो चिनाटे मंडीके, “आपे कुरकू आपे आपेका मनेन बुरा बिचार चोया लक्के? चोच मंडी असान होय, ‘अमा पापो मापोएन’ या ‘बिडे सेंद्राए हिंदळे?’ पेनो इनिघल्जी इनी बातो उदाहरण इनी होय, कि आपे इनी मालूम्जुकी इंज जो कोरो गा कोण होय इंज्के पृथ्वी गा कुरकू गा पापो के मापो जिऊ गा हाक जिले होय।” मेटे यीशु नी लाखवा गा बिमारी मिठाच जाटे मंडीके, “बिडे, आमगा चटाई टूले एठा आमगा उरान सेंजू।” देटेन बिडजेडो हेजा उरान ओले। इनी धोटे कुरकू अचम्बोएन एठा दिकु परमेश्वर गा माहिमा दडा लज्जे, डीचनी कुरकू के येनेगो हाक जीके।


देटे टे सेने गा बादोन यीशु नी म्या टेक्सा सा मिठाच कोरो के नका न सुबानटे डोकेनेच, दियागा जीमू मत्ती डा। यीशु नी दियाटे मंडीके, “इंजा चेला आरु घाल्जी इंजा टाऊटे हेजे।” एठा मत्ती टेंगेनजे हेजा कामय गा जगा आराटे एठा यीशु गा चेला आरु घल्जी ओले।। मेटे यीशु आटाजोम गा घल्जी सुबानके डा, चोटोका टेक्सा सा मिंकू एठा पापी कोरोकु भी यीशु एठा दियागा चेलाकू सेंग्गोन सुबानके डा।
इनी धोटे फरीसि कुरकू नी पारेशानी टे चेलाकू टे मंडीके, “आपेगा गुरु टेक्सा सा मिंकू एठा पापीकु कुरकू गा सेंग्गोन आटा चोया जोम्बा होय?” इनी आजुमटे यीशु नी मंडीके, “सजा कुरकून जळीबुटी जिऊ कोरो जारुरत बाऊ पेनो बिमरी कुरकून जारुरत होय। इनिघल्जी आपे इनी बातो गा मतलब इथूयुकी, कि इंज बलिदान पेपेळेचटे बाने पेनो दया चाहतावा, इंज डी कुरकू के हाको घल्जी बान हेजडुका जो खुदकेका धर्मी मेन्बा, पेनो पापीकु के इकुगा पापो टे मन बदलाए गा घल्जी हाको हेन होय।”


मेटे यूहन्ना गा चेलाकू यीशु गा मेरान हेंडो दियाटे प्रश्न कोम्बाराके, “चोच वाजा होय कि फरीसि कुरकू एठा आलेनी बिना आटा जोमा गा उपसो दोडोवा होय, लेकिन अमागा चेलाकू बिना आटा जोमा गा उपसो बान दोडो?” यीशु नी दिकुटे मंडीके, “चोच बाराती, डेनोगोका नावरा गा सोपतीकु दियागा सथोन ब्याह गेन खुशी मानतिंजे लक्के होय? पेनो एंगो दिन हेजेवा, जब नावरा दिकु सेंग्गोन बान थंदळ डी टेमो बिना आटाजोम उपसो डोएबा।
जुना आंगी मठान जेकाभी उनाई आंगी ठिगरा बान येंडा। चोयाकी ताटाम गा बादोन उनाई आंगी जुना आंगी ठिगरा टे टोरमेडेबा, एठा जुना आंगी डाबोलटे टयागेवा। एठा उनाई अंगूर गा रेस्सो के जुना कातळे गा झोरान जेकाभी बान दोडो, बान तो अंगूर रेस्सो जुना कातळे झोरा टयागेवा, एठा अंगूर गा रेस्सो बाएरा भी खराबोउवा, पेनो उनाई अंगूर गा रेस्सो उनाई कातळे झोरान भेटटेवा होय। एठा डी बाएरा भी बचातिन्जुबा होय।”


मेटे यीशु डी कुरकू टे इनी विषय गेन बातो चितो लक्के डा, आराधना जगा गा म्या मुख्याकु तालाटे म्याखोम हेन यीशु गा मेरान हेन एठा दियागा सम्मान टोपेरे जेगाटे बिनती दडा लज्जे, अदा टेमो पेला इंजा “कोंजाई गोएन होय, कृपया आम हेजे डो दिया लिंजेन टी डोकी एठा देटेन जीटाऊवा।” यीशु बिटजे डो हेजा चेलाकू गेल्ला दियागा टाऊटे ओले।
कोरान बारह साल टे पचना आडी रोंगो कासु म्या जापाएनी दियागा टाऊटे हेन एठा दियागा कुर्ता के उठाये। चोयाकी डीच हेजाका मनेन मंडी लक्के डा, “अगर इंज दियागा कुर्ताकेका उठाके टासो, मेटे साजाऊवा।” यीशु नी टाऊ धोटे डीचके डोकेनेच एठा दियाटे मंडीके, “कोंजाई हिम्मत डोए, आमगा विश्वासनी आमके सजाकेमी।” डीका टेमो डी जापाए साजाएन।
मेटे यीशु आराधना जगा मुख्या गा उरान गेन आदिरजे एठा मेटे डीचनी गर्दी कल्ला गा एठा कासु गा संगीत के आजुम्के। इनिघल्जी डीचनी हुकूम जीके, “म्याधेळेने, तराई घोजडुका पेनो गिटीच लक्के होय।” एने लिंजेन दिकु यीशु के लंडाएच लज्जे। पेनो जब गर्दी के ओटकेकु मेना मेटे यीशु तलान ओलेडो तराई गा टी उठाके, एठा देटेन जीटाएन। एठा इनी बातो गा चर्चा डी देशो गा घोनेच पुरान फइलातिंजे।

जब डी बिखरीनी कुरकू टे आजुम्के यीशु जो नासरत शहराटे होय डीच डी कोरा टे चेल्के होय। डीचनी जोर टे चिल्लातिंजटे मंडीके, “हे यीशु राजा दाऊद गा कोंटे इंजा लिंजेन दया डाए।” मेटे यीशु उरा गेन हेन इनी बरी अंधळाकिंज दियागा मेरान हेन, यीशु नी दिकिंजा टे प्रश्न कोम्बराके, “चोच आपेन विश्वास टाकु कि इंज आपिंजके सजाकोम्बा होय?” दिकिंजनी जवाब जीके, “हेन प्रभु, आलेन विश्वास होय कि आम आलेके सजाकोम्बा।”
मेटे यीशु नी इनी मंडीटे दिकिंजा गा मेटके उठाएजे, “चोयाकी आम इंजा लिंजेन विश्वास दोडोवा।” दिकिंज दोडो लायको यीशु नी दिकिंजके खाट बिचार टे घाल्के, “येटेन ध्यान डोएकी जेकान का बाकी मालूम्जू।” लेकिन दिकिंजनी ओलेडो घोनेच ईरियान यीशु गा बारेन खाबोर घाल्के।

जब यीशु एठा दियागा चेलाकू चेल्के डा, मेटे अदा कुरकू यीशु गा मेरान म्या येनोगो कोरो के सालेनेच, गूंगाके दियेन गुं गा भूतोकु डा। मेटे यीशु नी भूतोकुके डी कोरो टे बल्लान ओठकेनेज, मेटे डीचनी मंडी सुरुके। एठा गर्दी अचम्बोयेन डो मंडीके, “येनेटे पेला इस्राएली कुरकू गेन येनोगो चोलाकाभी बान दोडुका।” पेनो फरीसि कुरकू नी मंडीके, “एटेन नी डीच भूतोकु गा मुख्या, शैतान डीचके शक्ती जेबा होय, एठा डीच भूतोकुके कोलाकुवा होय।”

मेटे यीशु एठा दियागा चेलाकू गलील जिल्हा गा हारेक शहर गेन एठा आसो-पासो गाँवेन इखाट लज्जे, एठा दिकुगा आराधना जगान परमेश्वर गा वचन इथू डा एठा परमेश्वर गा राज्य गा अच्छा खाबोर गघाल डा, एठा कुरकू गा तुनिकाभी रोंगो बिमारी के एठा लोकोमके लेंक्कीने डा। गर्दी के धोटे यीशुन दिकु लिंजेन आस्वान हेन, चोयाकी दिकु डी मेंडाकू रोंगो डा, दिकु मेरान जेकाभी अगुवा बाऊ डा, नराजो एठा भाटकातिंजू मिंकूटे डा।
एने लिंजेन यीशु नी हेजा चेलाकू टे मंडीके, “जो रोंगो खिटीन घोनेच आनाजो डाऊवा होय, येनोगोका घोनेच कुरकू होय, जो परमेश्वर गा खाबोरेन विश्वास दोडो घल्जी तैयारके होय। लेकिन परमेश्वर गा राज्य गा बारेन गघाल घल्जी कुरकू घोनेच काम होय। इनिघल्जी आनाजो (संसार) गा स्वामी टे प्रार्थना डाए, कि देटेन हेजा खिटीन कामय दडा घल्जी घोनेच्का मुंजरीकूके कुलकू।

Gwranda ar मत्ती 9