Plang WBT (NT) Drama

<div class="version vid2819 iso6393blr" data-vid="2819" data-iso6393="blr">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Yesu&#714; bai&#714; Eun peue ngai&#714; fec&#714; tang&#714; neum yam keut&#714; ri</div><div class="p"> 1Yam Yesu&#714; long Eun hk'a&#714; heul&#714; na&#714;, Eun pun ri nyu peue ngai&#714; fec&#714; tang&#714; neum yam keut&#714; eun na&#714; ti peue. 2Tapae&#714; Eun na&#714; ce mhaing&#714; Yesu&#714; Eun, &#8220;Rabi&#714;, peue aen&#714; ngai&#714; fec&#714; eun tang&#714; neum yam keut&#714; eun na&#714;, a ci&#714; meuh kopti map&#714; a&#714;nhaw&#714;? Meuh a kopti map&#714; eun aw, a&#714;ko&#714; meuh a kopti map&#714; ka makuiing&#714; eun aw?&#8221;</div><div class="p"> 3Yesu&#714; Eun top&#714; a, &#8220;A hkuin&#714; meuh kopti map&#714; heun. A ku hkuin&#714; meuh kopti map&#714; ka makuiing&#714; eun. Daecti ceu nang aen&#714; keut&#714; meuh ka na&#714; meuh a punta kaw peue nyu kan&#714; Eun Peucawo&#714; na&#714; puc a ri lih hk'a&#714;naee a&#714;yu eun na&#714;. 4Cu yam kawn&#714; buih meuh a yam ka peunnyi na&#714;, e&#714; kaw kah ri yeuh kan&#714; Eun Cawo&#714; ku&#714; cus&#714; e&#714; lih na&#714; Eun. Kaw a hk'aws&#714; rot yam ka peunpul na&#714; hawc&#714;. A&#714;nhaw&#714; hkuin&#714; kaw laee cang yeuh kan&#714; hk'a&#714;naee yam awn&#714; na. 5Yam kawn&#714; buih ut&#714; Ui&#714; pang bhen&#714; keute&#714; na&#714;, Ui&#714; meuh ku&#714; ceng&#714; ka bhen&#714; keute&#714; na&#714;.&#8221;</div><div class="p"> 6Hawc&#714; lah&#714; Eun a yeuh keutit&#714; na&#714;, Eun htueng&#714; nyel&#714; ri na&#714; ri bhen&#714; keute&#714; na&#714;, Eun yeuh a meuh keute&#714; peu&#714;. Eun pok a ri ngai&#714; eun peue ngai&#714; fec&#714; na&#714;. 7Yesu&#714; Eun lah&#714; a ri heun, &#8220;Heul&#714; hkuc&#714; a nang glu Silo&#714;am na&#714; reu&#714;.&#8221; (Vangdoh&#714; ka Silo&#714;am na&#714; a lah&#714; &#8220;cus&#714; heul&#714;&#8221;.) Peue awn&#714; eun ku heul&#714; hkuc&#714; ri tec keute&#714; peu&#714; na. Yam buih ing&#714; eun ti nya ri na&#714;, eun nyu hk'a&#714; ri.</div><div class="p"> 8Peue ut&#714; keunam caonao&#714; nya eun na&#714; maee&#714; peue tawn nyu hk'o&#714; eun ri hk'a na&#714; ce mhaing&#714; puri, &#8220;Peue awn&#714; un&#714; meuh a ku&#714; tawn mok&#714; ri hk'o&#714; ri hk'a na&#714; eun aw?&#8221; 9Ngon&#714; ce lah&#714;, &#8220;Meuh.&#8221;</div><div class="p">Ngon&#714; ce lah&#714;, &#8220;Un&#714; meuh, buh ka na&#714; gup seun&#714; a puri.&#8221;</div><div class="p">Daecti eun htawhkam tu&#714; ri na&#714; meun lah&#714;, &#8220;Ku&#714; lah&#714; pe&#714; na&#714; meuh a ui&#714; ri hawc&#714;.&#8221;</div><div class="p"> 10Ce mhaing&#714; eun, &#8220;Yeuh keutit&#714; ko&#714;, mi ci&#714; yeuh sa&#714;nhaw&#714; mi nyu hk'a&#714; ri?&#8221;</div><div class="p"> 11Eun top&#714; a, &#8220;Ku&#714; klawng peue muis Yesu&#714; na&#714; pok Eun ngai&#714; ui&#714; na&#714; ri keute&#714; peu&#714; na&#714;. Eun kah ui&#714; heul&#714; hkuc&#714; a nang glu Silo&#714;am na&#714;. Kop awn&#714; na, ui&#714; heul&#714; hkuc&#714; a, ui&#714; cang nyu hk'a&#714; ri.&#8221;</div><div class="p"> 12Ce mhaing&#714; eun, &#8220;Eun ci&#714; ut&#714; tawngnhaw&#714;?&#8221;</div><div class="p">Eun top&#714; a, &#8220;Ca&#714; yawng ui&#714; a.&#8221;</div><div class="s1">Peue Hparisae&#714; na&#714; caet ce ri nawk lawng bai&#714; ngai&#714; fec&#714; cuin na&#714;</div><div class="p"> 13Ce va peue tawn ngai&#714; fec&#714; na&#714; eun heul&#714; ri peue Hparisae&#714; na&#714; ce. 14Seunyi yam Yesu&#714; yeuh Eun keute&#714; peu&#714; Eun bai&#714; peue ngai&#714; fec&#714; na&#714; eun cuin na&#714;, a meuh seunyi Sin&#714;. 15Kop awn&#714; na, peue Hparisae&#714; na&#714; ce ku mhaing&#714; eun ci&#714; yeuh sa&#714;nhaw&#714; eun nyu hk'a&#714; ri na&#714;. Eun top&#714; a, &#8220;Pok Eun keute&#714; peu&#714; na&#714; ri ngai&#714; ui&#714; na&#714;. Ui&#714; heul&#714; hkuc&#714; ri tec a. Maet&#714;maen&#714; ui&#714; nyu hk'a&#714; ri hawc&#714;.&#8221;</div><div class="p"> 16Peue Hparisae&#714; na&#714; ce ngon&#714; ce lah&#714;, &#8220;Peue tit&#714; hpaw Eun ca&#714; lih neum Peucawo&#714; Eun, kopti Eun hkuin&#714; roksa&#714; ritroe ka seunyi Sin&#714; na&#714;.&#8221;</div><div class="p">Daecti ngon&#714; ce lah&#714;, &#8220;Peue map&#714; na&#714; Eun ci&#714; kaw cang yeuh het&#714; keuting yeuhki&#714; na&#714; yeuh sa&#714;nhaw&#714;?&#8221; Kop awn&#714; na, ce gvah muk gvah cum ri na&#714;.</div><div class="p"> 17Vang tisut&#714; ka na&#714;, ce mhaing&#714; peue ngai&#714; fec&#714; na&#714; eun baee, &#8220;Mi ci&#714; kaw lah&#714; lawng Eun ku&#714; bai&#714; ngai&#714; mi ceng&#714; na&#714; yeuh sa&#714;nhaw&#714;?&#8221;</div><div class="p">Eun top&#714; a, &#8220;Meuh Eun peue suip leukah&#714; Eun Peucawo&#714;.&#8221;</div><div class="p"> 18Ro&#714; ce peue Yu&#714;da na&#714; ce un&#714; yum&#714; peue awn&#714; tawn ngai&#714; fec&#714; eun, eun tang nyu hk'a&#714; ri na&#714; rot ti klawng ce makuiing&#714; eun ka ing&#714;. 19Ce mhaing&#714; ka, &#8220;Hkawn&#714; meuh eun kon&#714; me pa&#714; neum aw? Ku&#714; lah&#714; pa&#714; eun ngai&#714; fec&#714; tang&#714; neum yam keut&#714; eun na&#714;, a meuh hkawn&#714; eun hawc&#714; aw? Maet&#714;maen&#714;, eun ci&#714; yeuh sa&#714;nhaw&#714;, eun tang nyu hk'a&#714; ri?&#8221;</div><div class="p"> 20Makuiing&#714; eun na&#714; ka top&#714; a, &#8220;Yawng ya hkaen&#714; meuh eun kon&#714; me ri, eun ngai&#714; fec&#714; tang&#714; neum yam keut&#714; eun na&#714;. 21Daecti maet&#714;maen&#714; eun ci&#714; na&#714; yeuh sa&#714;nhaw&#714; eun nyu hk'a&#714; ri, a&#714;ko&#714; a&#714;nhaw&#714; ci&#714; na&#714; bai&#714; ngai&#714; eun na&#714; cuin na&#714;, ya tup hkuin&#714; yawng a yeut. Mhaing&#714; ri nawk eun reu&#714;. Keuting eun hawc&#714;, eun ku na&#714; cang ris meun a yeut.&#8221; 22Makuiing&#714; eun na&#714; ka saec&#714; maee lah&#714; a yeuhko&#714; na&#714;, kopti lhat&#714; ka ri ro&#714; ce peue Yu&#714;da na&#714; ce, kopti taws&#714; ce a deut a&#714;nhaw&#714; lawn rap ri ti Yesu&#714; meuh Eun Hkrit na&#714; ko&#714;, kaw eun pun ri hkam&#714; hk'a&#714; ra ri tec ri hk'ai&#714; sa&#714;la vang hk'o&#714; mun&#714; ce na&#714;. 23Kop awn&#714; na, makuiing&#714; eun na&#714; ka lah&#714; a ri ce, keuting eun hawc&#714;, mhaing&#714; ri nawk eun reu&#714;.</div><div class="p"> 24Kop awn&#714; na, ce tang klawng peue tawn ngai&#714; fec&#714; na&#714; eun ing&#714; baee lal&#714; pok ti pok. Ce lah&#714;, &#8220;Tuil&#714; munhpung&#714; ri Peucawo&#714; Eun ri lah&#714; mi ku&#714; neumneum na&#714; reu&#714;. Yawng ye peue awn&#714; meuh Eun peue map&#714;.&#8221;</div><div class="p"> 25Peue tawn ngai&#714; fec&#714; na&#714; eun top&#714; a, &#8220;Hpaw ui&#714; ca&#714; yawng meuh un&#714; meuh Eun peue map&#714;. Yawng ui&#714; ti ceu, tawn ngai&#714; fec&#714; ui&#714;, daecti maet&#714;maen&#714; ui&#714; nyu hk'a&#714; ri hawc&#714;.&#8221;</div><div class="p"> 26Hawc&#714; ko&#714;, ce mhaing&#714; eun, &#8220;Eun ci&#714; yeuh keunhaw&#714; ri mi? Eun ci&#714; yeuh sa&#714;nhaw&#714; ri ngai&#714; mi na&#714; a ceng&#714;?&#8221;</div><div class="p"> 27Eun top&#714; a, &#8220;Lah&#714; ui&#714; pe&#714; mhawng&#714; a hawc&#714;, pe&#714; hkuin&#714; leuceng a. A ci&#714; yeuh keunhaw&#714;, pe&#714; vaee&#714; gawm sum&#714; mhawng&#714; a? Sum&#714; meuh pe&#714; tapae&#714; Eun yeut aw?&#8221;</div><div class="p"> 28Kop awn&#714; na, ce chaw hkamram un&#714; nawpsang peue tawn ngai&#714; fec&#714; na&#714; eun. Ce lah&#714;, &#8220;Mi ri meuh mi tapae&#714; Eun. Ye ri ye meuh tapae&#714; eun Mo&#714;se. 29Yawng ye Peucawo&#714; leukah&#714; Eun maee&#714; Mo&#714;se eun. Daecti ye hkuin&#714; yawng Heun ri ing&#714; Eun neum tawngnhaw&#714;.&#8221;</div><div class="p"> 30Peue tawn ngai&#714; fec&#714; na&#714; eun top&#714; a, &#8220;Hk'o&#714; a am&#714; nyawk&#714;, pe&#714; hkuin&#714; yawng ing&#714; Eun neum tawngnhaw&#714;, daecti Eun bai&#714; ngai&#714; fec&#714; ui&#714; na&#714; ceng&#714;. 31Yawng e&#714; Peucawo&#714; un&#714; leuceng Eun leukah&#714; ce peue map&#714; na&#714;. Eun leuceng leukah&#714; ce peue a&#714;yu im&#714; hk'a&#714;naee hk'a&#714; Eun na&#714; maee&#714; peue hot&#714; ri yeuh alo Eun na&#714; ce. 32Lawng nang bai&#714; peue ngai&#714; fec&#714; tang&#714; neum yam keut&#714; ri cuin na&#714;, a&#714;nhaw&#714; hkuin&#714; duing mhawng&#714; a. 33Peue awn&#714; Eun lawn un&#714; meuh nang lih neum Peucawo&#714; Eun ko&#714;, Eun hkuin&#714; kaw cang yeuh keunhaw&#714; pun.&#8221;</div><div class="p"> 34Ce htu&#714;hting&#714; eun ce lah&#714;, &#8220;Deum mi ri hk'a&#714;naee map&#714; na&#714; tang&#714; neum yam keut&#714; mi na&#714;, mi ci&#714; mhawng&#714; ri ara yeuh sa&#714;nhaw&#714;, mi kaw sangsawn&#714; ye?&#8221; Hawc&#714; ko&#714;, ce ra eun pucti heul&#714; hk'ai&#714; sa&#714;la vang hk'o&#714; mun&#714; na&#714;.</div><div class="s1">Ngai&#714; fec&#714; hk'a&#714; civit</div><div class="p"> 35Yesu&#714; mhawng&#714; Eun ra peue ri tec peue awn&#714; eun. Yam Yesu&#714; tang hk'eup&#714; Eun peue awn&#714; eun na&#714;, Eun mhaing&#714; eun, &#8220;Lak&#714; yum&#714; mi Kon&#714; ai&#714; peue na&#714; Eun aw?&#8221;</div><div class="p"> 36Peue awn&#714; eun mhaing&#714; Eun, &#8220;Cawo&#714;, Kon&#714; ai&#714; peue na&#714; Eun ci&#714; meuh a&#714;nhaw&#714;? Lah&#714; ui&#714; mhawng&#714; Eun, kaw ui&#714; yum&#714; Eun.&#8221; 37Yesu&#714; Eun lah&#714;, &#8220;Pun mi ri nyu Eun hawc&#714;. Meuh Eun ku&#714; buih leukah&#714; maee&#714; mi maet&#714;maen&#714; aen&#714; Eun hawc&#714;.&#8221;</div><div class="p"> 38Peue awn&#714; eun lah&#714;, &#8220;Cawo&#714;, yum&#714; ui&#714; yeut.&#8221; Hawc&#714; ko&#714;, eun nghup&#714; ri faee&#714; Yesu&#714; Eun.</div><div class="p"> 39Yesu&#714; Eun lah&#714;, &#8220;Lih Ui&#714; pang bhen&#714; keute&#714; na&#714; punta kaw Ui&#714; taws&#714; a&#714;mu punta kaw yeuh peue ngai&#714; fec&#714; na&#714; kaw ce nyu hk'a&#714; ri na&#714; maee&#714; punta kaw yeuh peue nyu hk'a&#714; ri na&#714; kaw ce ngai&#714; fec&#714; na&#714;.&#8221;</div><div class="p"> 40Peue Hparisae&#714; ut&#714; keunam Eun na&#714; ce ngon&#714;, yam pun ce ri mhawng&#714; leukah&#714; awn&#714; a na&#714;, ce mhaing&#714; Eun, &#8220;A meuh keunhaw&#714;? Meuh ye peue ngai&#714; fec&#714; aw?&#8221;</div><div class="p"> 41Yesu&#714; Eun lah&#714;, &#8220;Pe&#714; lawn ngai&#714; fec&#714; ko&#714;, hpaw pe&#714; ca&#714; kaw kue&#714; map&#714;. Daecti kopti lah&#714; pe&#714; ri nyu hk'a&#714; ri na&#714;, map&#714; pe&#714; na&#714; a kawn&#714; kue&#714;.</div>
 </div>
 </div>
</div>

Yam Yesuˊ long Eun hk'aˊ heulˊ naˊ, Eun pun ri nyu peue ngaiˊ fecˊ tangˊ neum yam keutˊ eun naˊ ti peue. Tapaeˊ Eun naˊ ce mhaingˊ Yesuˊ Eun, “Rabiˊ, peue aenˊ ngaiˊ fecˊ eun tangˊ neum yam keutˊ eun naˊ, a ciˊ meuh kopti mapˊ aˊnhawˊ? Meuh a kopti mapˊ eun aw, aˊkoˊ meuh a kopti mapˊ ka makuiingˊ eun aw?”
Yesuˊ Eun topˊ a, “A hkuinˊ meuh kopti mapˊ heun. A ku hkuinˊ meuh kopti mapˊ ka makuiingˊ eun. Daecti ceu nang aenˊ keutˊ meuh ka naˊ meuh a punta kaw peue nyu kanˊ Eun Peucawoˊ naˊ puc a ri lih hk'aˊnaee aˊyu eun naˊ. Cu yam kawnˊ buih meuh a yam ka peunnyi naˊ, eˊ kaw kah ri yeuh kanˊ Eun Cawoˊ kuˊ cusˊ eˊ lih naˊ Eun. Kaw a hk'awsˊ rot yam ka peunpul naˊ hawcˊ. Aˊnhawˊ hkuinˊ kaw laee cang yeuh kanˊ hk'aˊnaee yam awnˊ na. Yam kawnˊ buih utˊ Uiˊ pang bhenˊ keuteˊ naˊ, Uiˊ meuh kuˊ cengˊ ka bhenˊ keuteˊ naˊ.”
Hawcˊ lahˊ Eun a yeuh keutitˊ naˊ, Eun htuengˊ nyelˊ ri naˊ ri bhenˊ keuteˊ naˊ, Eun yeuh a meuh keuteˊ peuˊ. Eun pok a ri ngaiˊ eun peue ngaiˊ fecˊ naˊ. Yesuˊ Eun lahˊ a ri heun, “Heulˊ hkucˊ a nang glu Siloˊam naˊ reuˊ.” (Vangdohˊ ka Siloˊam naˊ a lahˊ “cusˊ heulˊ”.) Peue awnˊ eun ku heulˊ hkucˊ ri tec keuteˊ peuˊ na. Yam buih ingˊ eun ti nya ri naˊ, eun nyu hk'aˊ ri.
Peue utˊ keunam caonaoˊ nya eun naˊ maeeˊ peue tawn nyu hk'oˊ eun ri hk'a naˊ ce mhaingˊ puri, “Peue awnˊ unˊ meuh a kuˊ tawn mokˊ ri hk'oˊ ri hk'a naˊ eun aw?” Ngonˊ ce lahˊ, “Meuh.”
Ngonˊ ce lahˊ, “Unˊ meuh, buh ka naˊ gup seunˊ a puri.”
Daecti eun htawhkam tuˊ ri naˊ meun lahˊ, “Kuˊ lahˊ peˊ naˊ meuh a uiˊ ri hawcˊ.”
Ce mhaingˊ eun, “Yeuh keutitˊ koˊ, mi ciˊ yeuh saˊnhawˊ mi nyu hk'aˊ ri?”
Eun topˊ a, “Kuˊ klawng peue muis Yesuˊ naˊ pok Eun ngaiˊ uiˊ naˊ ri keuteˊ peuˊ naˊ. Eun kah uiˊ heulˊ hkucˊ a nang glu Siloˊam naˊ. Kop awnˊ na, uiˊ heulˊ hkucˊ a, uiˊ cang nyu hk'aˊ ri.”
Ce mhaingˊ eun, “Eun ciˊ utˊ tawngnhawˊ?”
Eun topˊ a, “Caˊ yawng uiˊ a.”

Ce va peue tawn ngaiˊ fecˊ naˊ eun heulˊ ri peue Hparisaeˊ naˊ ce. Seunyi yam Yesuˊ yeuh Eun keuteˊ peuˊ Eun baiˊ peue ngaiˊ fecˊ naˊ eun cuin naˊ, a meuh seunyi Sinˊ. Kop awnˊ na, peue Hparisaeˊ naˊ ce ku mhaingˊ eun ciˊ yeuh saˊnhawˊ eun nyu hk'aˊ ri naˊ. Eun topˊ a, “Pok Eun keuteˊ peuˊ naˊ ri ngaiˊ uiˊ naˊ. Uiˊ heulˊ hkucˊ ri tec a. Maetˊmaenˊ uiˊ nyu hk'aˊ ri hawcˊ.”
Peue Hparisaeˊ naˊ ce ngonˊ ce lahˊ, “Peue titˊ hpaw Eun caˊ lih neum Peucawoˊ Eun, kopti Eun hkuinˊ roksaˊ ritroe ka seunyi Sinˊ naˊ.”
Daecti ngonˊ ce lahˊ, “Peue mapˊ naˊ Eun ciˊ kaw cang yeuh hetˊ keuting yeuhkiˊ naˊ yeuh saˊnhawˊ?” Kop awnˊ na, ce gvah muk gvah cum ri naˊ.
Vang tisutˊ ka naˊ, ce mhaingˊ peue ngaiˊ fecˊ naˊ eun baee, “Mi ciˊ kaw lahˊ lawng Eun kuˊ baiˊ ngaiˊ mi cengˊ naˊ yeuh saˊnhawˊ?”
Eun topˊ a, “Meuh Eun peue suip leukahˊ Eun Peucawoˊ.”
Roˊ ce peue Yuˊda naˊ ce unˊ yumˊ peue awnˊ tawn ngaiˊ fecˊ eun, eun tang nyu hk'aˊ ri naˊ rot ti klawng ce makuiingˊ eun ka ingˊ. Ce mhaingˊ ka, “Hkawnˊ meuh eun konˊ me paˊ neum aw? Kuˊ lahˊ paˊ eun ngaiˊ fecˊ tangˊ neum yam keutˊ eun naˊ, a meuh hkawnˊ eun hawcˊ aw? Maetˊmaenˊ, eun ciˊ yeuh saˊnhawˊ, eun tang nyu hk'aˊ ri?”
Makuiingˊ eun naˊ ka topˊ a, “Yawng ya hkaenˊ meuh eun konˊ me ri, eun ngaiˊ fecˊ tangˊ neum yam keutˊ eun naˊ. Daecti maetˊmaenˊ eun ciˊ naˊ yeuh saˊnhawˊ eun nyu hk'aˊ ri, aˊkoˊ aˊnhawˊ ciˊ naˊ baiˊ ngaiˊ eun naˊ cuin naˊ, ya tup hkuinˊ yawng a yeut. Mhaingˊ ri nawk eun reuˊ. Keuting eun hawcˊ, eun ku naˊ cang ris meun a yeut.” Makuiingˊ eun naˊ ka saecˊ maee lahˊ a yeuhkoˊ naˊ, kopti lhatˊ ka ri roˊ ce peue Yuˊda naˊ ce, kopti tawsˊ ce a deut aˊnhawˊ lawn rap ri ti Yesuˊ meuh Eun Hkrit naˊ koˊ, kaw eun pun ri hkamˊ hk'aˊ ra ri tec ri hk'aiˊ saˊla vang hk'oˊ munˊ ce naˊ. Kop awnˊ na, makuiingˊ eun naˊ ka lahˊ a ri ce, keuting eun hawcˊ, mhaingˊ ri nawk eun reuˊ.
Kop awnˊ na, ce tang klawng peue tawn ngaiˊ fecˊ naˊ eun ingˊ baee lalˊ pok ti pok. Ce lahˊ, “Tuilˊ munhpungˊ ri Peucawoˊ Eun ri lahˊ mi kuˊ neumneum naˊ reuˊ. Yawng ye peue awnˊ meuh Eun peue mapˊ.”
Peue tawn ngaiˊ fecˊ naˊ eun topˊ a, “Hpaw uiˊ caˊ yawng meuh unˊ meuh Eun peue mapˊ. Yawng uiˊ ti ceu, tawn ngaiˊ fecˊ uiˊ, daecti maetˊmaenˊ uiˊ nyu hk'aˊ ri hawcˊ.”
Hawcˊ koˊ, ce mhaingˊ eun, “Eun ciˊ yeuh keunhawˊ ri mi? Eun ciˊ yeuh saˊnhawˊ ri ngaiˊ mi naˊ a cengˊ?”
Eun topˊ a, “Lahˊ uiˊ peˊ mhawngˊ a hawcˊ, peˊ hkuinˊ leuceng a. A ciˊ yeuh keunhawˊ, peˊ vaeeˊ gawm sumˊ mhawngˊ a? Sumˊ meuh peˊ tapaeˊ Eun yeut aw?”
Kop awnˊ na, ce chaw hkamram unˊ nawpsang peue tawn ngaiˊ fecˊ naˊ eun. Ce lahˊ, “Mi ri meuh mi tapaeˊ Eun. Ye ri ye meuh tapaeˊ eun Moˊse. Yawng ye Peucawoˊ leukahˊ Eun maeeˊ Moˊse eun. Daecti ye hkuinˊ yawng Heun ri ingˊ Eun neum tawngnhawˊ.”
Peue tawn ngaiˊ fecˊ naˊ eun topˊ a, “Hk'oˊ a amˊ nyawkˊ, peˊ hkuinˊ yawng ingˊ Eun neum tawngnhawˊ, daecti Eun baiˊ ngaiˊ fecˊ uiˊ naˊ cengˊ. Yawng eˊ Peucawoˊ unˊ leuceng Eun leukahˊ ce peue mapˊ naˊ. Eun leuceng leukahˊ ce peue aˊyu imˊ hk'aˊnaee hk'aˊ Eun naˊ maeeˊ peue hotˊ ri yeuh alo Eun naˊ ce. Lawng nang baiˊ peue ngaiˊ fecˊ tangˊ neum yam keutˊ ri cuin naˊ, aˊnhawˊ hkuinˊ duing mhawngˊ a. Peue awnˊ Eun lawn unˊ meuh nang lih neum Peucawoˊ Eun koˊ, Eun hkuinˊ kaw cang yeuh keunhawˊ pun.”
Ce htuˊhtingˊ eun ce lahˊ, “Deum mi ri hk'aˊnaee mapˊ naˊ tangˊ neum yam keutˊ mi naˊ, mi ciˊ mhawngˊ ri ara yeuh saˊnhawˊ, mi kaw sangsawnˊ ye?” Hawcˊ koˊ, ce ra eun pucti heulˊ hk'aiˊ saˊla vang hk'oˊ munˊ naˊ.

Yesuˊ mhawngˊ Eun ra peue ri tec peue awnˊ eun. Yam Yesuˊ tang hk'eupˊ Eun peue awnˊ eun naˊ, Eun mhaingˊ eun, “Lakˊ yumˊ mi Konˊ aiˊ peue naˊ Eun aw?”
Peue awnˊ eun mhaingˊ Eun, “Cawoˊ, Konˊ aiˊ peue naˊ Eun ciˊ meuh aˊnhawˊ? Lahˊ uiˊ mhawngˊ Eun, kaw uiˊ yumˊ Eun.” Yesuˊ Eun lahˊ, “Pun mi ri nyu Eun hawcˊ. Meuh Eun kuˊ buih leukahˊ maeeˊ mi maetˊmaenˊ aenˊ Eun hawcˊ.”
Peue awnˊ eun lahˊ, “Cawoˊ, yumˊ uiˊ yeut.” Hawcˊ koˊ, eun nghupˊ ri faeeˊ Yesuˊ Eun.
Yesuˊ Eun lahˊ, “Lih Uiˊ pang bhenˊ keuteˊ naˊ punta kaw Uiˊ tawsˊ aˊmu punta kaw yeuh peue ngaiˊ fecˊ naˊ kaw ce nyu hk'aˊ ri naˊ maeeˊ punta kaw yeuh peue nyu hk'aˊ ri naˊ kaw ce ngaiˊ fecˊ naˊ.”
Peue Hparisaeˊ utˊ keunam Eun naˊ ce ngonˊ, yam pun ce ri mhawngˊ leukahˊ awnˊ a naˊ, ce mhaingˊ Eun, “A meuh keunhawˊ? Meuh ye peue ngaiˊ fecˊ aw?”
Yesuˊ Eun lahˊ, “Peˊ lawn ngaiˊ fecˊ koˊ, hpaw peˊ caˊ kaw kueˊ mapˊ. Daecti kopti lahˊ peˊ ri nyu hk'aˊ ri naˊ, mapˊ peˊ naˊ a kawnˊ kueˊ.

Gwranda ar Yoˊhan 9