Ayta Abellen

<div class="version vid2466 iso6393abp" data-vid="2466" data-iso6393="abp">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Hiyay Apo Jesus ye anhabtan Habi</div><div class="p"> 1Ha ahe ya po pinalhowa ye kaganaan, hiyay anhabtan Habi, ket anti yayna. Ket hiyay Habi, kalamo na yan Apo Dioh. Boy yatin Habi, ket Dioh ya. 2Ket impaibat ha unan panaon, lamo na yaynan Apo Dioh. 3Hiyay kaganaan, ket impapalhowa nan Apo Dioh kanan Habi. Ket homain hinyaman a napalhowa a aliwan makauli kanan Habi. 4Ket hiyabay ye ampangibatan nin bi-ay. Ket yatin bi-ay ye tillag a ampamahnag kanlan tatao. 5Yatin tillag ye mamahnag kanlan tataon anti ha kalitehan boy ahe yan mahambot nin kalitehan.</div><div class="p"> 6Haanin, hiyay Apo Dioh, nangitubol yan maghay taon nagngalan Juan 7a mangipapteg a hiyay Apo Jesus ye tillag ta-omen hila mamteg kanan Apo Jesus ye kaganaan a tatao. 8Hiyay Juan, aliwan hiya ye tillag a mamahnag kanlan tatao, no aliwan intubol yan bengat ihti a mangipapteg kanlan tatao no aya ye tillag. 9Hiyay peteg a tillag, anti yayna ihti ha babe-luta boy hiyabay ye ampamahnag kanlan tatao.</div><div class="p"> 10Nakew ya ihti ha babe-luta ye tillag. Agya namalhowa yan kaganaan, ket ahe la yan bega binalay nin tatao. 11Nakew ya ha lugal na, noba ahe la yan tinanggap nin kalabongan kanlan kalugalan na. 12Noba hilay kaganaan a nananggap kana boy namteg ha ngalan na, ket binyanan na hilan katulidan a aanak na hilaynan Apo Dioh. 13Aanak na hilaynan Apo Dioh, aliwan makauli ha pangianak nin tao o ha kalabayan nin miahawa, no aliwan ha kalabayan nan Apo Dioh.</div><div class="p"> 14Hiyay anhabtan Habi, ket nag-ilyadi yan tao boy kinumonin ya ihti ha babe-luta a kalamo tawo. Nakit mi ye pagkakitan nin kadangalan na bilang bugtong a Anak nin Dioh. Naheb yan kangedan boy kaptegan.</div><div class="p"> 15Ket namapteg yay Juan nin tungkol kana. An-ipapangha na, a wana, &#8220;Hiyabay ye andektan nin hinabi ko kanyo hatew, &#8216;Main lumateng a madadangal po kangko, ta bayo ko po in-anak, ket anti yayna.&#8217; &#8221;</div><div class="p"> 16Uli ha luboh a kangedan na, ket pawa kitawon ampananggap nin mahbol a kangedan. 17Ta hiyay Bibilin, in-ibyay nan Apo Dioh kantawo makauli kanan Moises, noba makauli kanan Apo Jesu Cristo, ket kangedan boy kaptegan ye natanggap tawo. 18Homain po nakakit kanan Bapa a Dioh nakakanoman, noba hiyay bugtong a Anak nan Apo Dioh#1:18 bugtong a Anak nan Apo Dioh. Ha kanayon a hulat ket &#8220;bugtong a Anak a Dioh&#8221;. a lanang nan kalamo, ket impatanda naya kantawo.</div><div class="s">Hiyay Pamapteg nan Juan a M&#257;mawtihmo</div><div class="r">(Mateo 3:1-12; Marcos 1:1-8; Lucas 3:1-18)</div><div class="p"> 19Haanin, hilay m&#257;nguna a Jujudio ha banwan Jerusalem, nangitubol hilan papadi boy nangaanon Levita#1:19 Hilay Levita ye ampanaglap kanlan papadi ha Timplo nan Apo Dioh. a makew manepet kanan Juan a M&#257;mawtihmo nin wanae, &#8220;Aya ka kano?&#8221; 20Hiyay Juan, ahe ya nagbudi no aliwan hinabi nay kaptegan, &#8220;Aliwan hiko ye Cristo a impangako nan Apo Dioh.&#8221;</div><div class="p"> 21Haanin, tinepet la yayna man, &#8220;No wanabay awod, aya ka? Hika laweh ye podopitan Elias hatew a an-agaden min mag-udong?&#8221;</div><div class="p">Nakibat yay Juan, &#8220;Aliwan hiko.&#8221;</div><div class="p">Tinepet la yayna man, &#8220;Hika laweh ye Podopitan impangako nan Apo Dioh a lumateng?&#8221;</div><div class="p">Nakibat yayna man ye Juan, &#8220;Ahe!&#8221;</div><div class="p"> 22Haanin, hinabi layna man kanan Juan, &#8220;No aliwan hika, aya ka awod? Habiyen moyna kammi ta-omen mi met habiyen kanlan nangitubol kammi. Hinyay mahabi mo tungkol ha hadili mo?&#8221;</div><div class="p"> 23Nakibat yay Juan, &#8220;Hiko yay taon andektan nan podopita Isaias hatew ha hinabi nay wanae,</div><div class="q1">&#8216;Mange ha wangwang ye pangha nin maghay tao, a wanae,</div><div class="q2">&#8220;Itoynong yoy pagdanan nan Apo.&#8221; &#8217; &#8221;#1:23 Isaias 40:3.</div><div class="p"> 24-25Haanin, main hila met intubol nin Papariseo a nanepet nin wanae, &#8220;No aliwan hika ye Cristo o Elias o podopita, taket awod ta ampamawtihmo ka?&#8221;</div><div class="p"> 26Nakibat yay Juan, &#8220;Ampamawtihmo ko ha lanom. Noba main maghan ampideng a kalamo yo ihtin ahe yo katatanda. 27Hiyabay ye andektan ko a lumateng kanyo. Ket agya mangaget bengat nin hapatoh na, ket ahe ako katanggap-tanggap.&#8221;</div><div class="p"> 28Yatin pangipapteg nan Juan, nalyadi ha badiyon Betania ha lipay nin kabatowan Jordan a ampamawtihmowan na.</div><div class="s">Hiyay Apo Jesus ye Oybon Tupa nin Dioh</div><div class="p"> 29Kabekahan, ha nakit na yan Juan ye Apo Jesus a paugot kana, hinabi na kanlan tatao, &#8220;Bilewen yo! Anti yaynay Oybon Tupa nin Dioh a mangalih nin kakahalanan nin tao ihti ha babe-luta! 30Hiyabay ye andektan nin hinabi ko kanyo hatew, &#8216;Main lumateng a madadangal po kangko, ta bayo ko po in-anak, ket anti yayna.&#8217; 31-33Hatew, ahe ko met tanda no aya ya. Noba hiyay Apo Dioh a nangitubol kangkon mamawtihmo ha lanom, ket hinabi na kangko, &#8216;Makit mo yan umaypa ye Ihpiditon Dioh. Ket umapon yan mikakaanti ha maghay tao. Hiyabay ye mamawtihmo kanyo nin Ihpiditon Dioh.&#8217; Ampaptegan ko a nakit koy Ihpiditon Dioh a nagkadih kalapati a inumaypa paibat ha langit. Ket inumapon ya kana. Kaya-bay nakew ako ihti a mamawtihmo ha lanom ta-omen koya ipatanda kanyon Israelita. 34Nakit kon peteg a inaponan yan Ihpiditon Dioh a nagkadih kalapati. Kaya-bay ampaptegan ko kanyo a hiyabay ye Anak nin Dioh.&#8221;</div><div class="s">Hilay Unan M&#257;numbong nan Apo Jesus</div><div class="p"> 35Kabekahan, anti yayna man ihtew ye Juan a M&#257;mawtihmo, kalamo na hilay luwa kanlan m&#257;numbong na. 36Ket ha nakit nan Juan a M&#257;mawtihmo a anhumapid yay Apo Jesus, hinabi na, &#8220;Bilewen yo! Yabay-in yaynay Oybon Tupa nin Dioh!&#8221;</div><div class="p"> 37Pamakange lan luwan m&#257;numbong nan Juan ye hinabi na, ket hinumbong la yay Apo Jesus. 38Ket ha natanam nan Apo Jesus a main anhumumbong kana, namalingay ya. Ket tinepet na hila, &#8220;Hinyay labay yo kangko?&#8221;</div><div class="p">Nakibat hila, &#8220;Maihtodo,#1:38 Maihtodo ha habin Griego ket Rabbi. labay mi dayin matandaan no way-ihtew ka angkumonin.&#8221;</div><div class="p"> 39Hinabi nan Apo Jesus, &#8220;Makilakew kawo kangko ta-omen yo matandaan.&#8221; Ket nakilakew hilaynay luwa boy natandaan la no way-ihtew ya angkumonin. Magaynan alah kowatodo nin mahilem hatew. Kaya-bay ihtewbay hilayna nakikatuloy kanan Apo Jesus kananyatew a madeglem.</div><div class="p"> 40Hiyay magha kanlan luwa a nakange nin hinabi nan Juan a M&#257;mawtihmo boy nakilakew kanan Apo Jesus, ket hiyay Andres a katongno nan Simon Pedro. 41Ha pahanib ana, hiyay Andres, tampol na yan tinapul ye Simon a katongno na. Ket ha nakitan naya, hinabi na kana, &#8220;Nakit mi yaynay Mesias.&#8221; Hiyay labay habiyen nin Mesias ket Cristo.#1:41 Mesias ha habin Hebreo o Cristo ha habin Griego. </div><div class="p"> 42Pangayadi, inlamo na yan Andres ye Simon a nakew kanan Apo Jesus. Ket ha nakalateng hilayna kanan Apo Jesus, binilew na yan Apo Jesus ye Simon boy hinabi na kana, &#8220;Hika ye Simon a anak nan Juan. Noba paibat haanin, pangalanan kataynan Cefas.&#8221; (Hiyay labay habiyen nin Cefas ket Pedro.)#1:42 Ha habin Aramaic ket Cefas. Ha habin Griego ket Pedro. Padiho ye labay habiyen a dapah.</div><div class="s">Hiyay Panagyat nan Apo Jesus kanan Felipe boy Natanael</div><div class="p"> 43Kabekahan, inihip nan Apo Jesus ye makew ha Galilea. Pamiabot na ihtew, nakit na yay Felipe. Ket hinabi na kana, &#8220;Kilakew ka kangko.&#8221; 44Hiyay Felipe, ket taga Bethsaida ya a omen kanan Andres boy Pedro.</div><div class="p"> 45Haanin, tinapul na yan Felipe ye Natanael boy hinabi na kana, &#8220;Nakit mi yaynay taon andektan nin Bibilin a impahulat kanan Moises boy hiyay impahulat kanlan popodopita. Hiyabay ye Jesus a anak nan Jose a taga Nazaret!&#8221;</div><div class="p"> 46Haanin, hinabi nan Natanael kanan Felipe, &#8220;Yo! Taga Nazaret yay Cristo? Main nayi manged a lumtaw ha Nazaret?&#8221;</div><div class="p">&#8220;Tayna ta-omen moya makit!&#8221; wanan Felipe.</div><div class="p"> 47Pamakakit nan Apo Jesus kanan Natanael a anhumaley kana, hinabi na, &#8220;Yati ye peteg a Israelita, ahe ampanalingo.&#8221;</div><div class="p"> 48Haanin, hiyay Natanael, tinepet na yay Apo Jesus, &#8220;Way-omen moko natandaan?&#8221;</div><div class="p">Nakibat yay Apo Jesus kana, &#8220;Bayo na kan hinagyat Felipe, nakit katayna ha hilong nin poon-kayon igoh.&#8221;</div><div class="p"> 49Pamakange nan Natanael, hinabi na, &#8220;Maihtodo, peteg a hika ye Anak nin Dioh boy hika ye Poon min Israelita.&#8221;</div><div class="p"> 50Hinabi nan Apo Jesus kanan Natanael, &#8220;Ampamtegan moko nayi ulita hinabi ko kammo a nakit katayna ha hilong nin poon-kayon igoh? Aliwan bengat yain ye makit mo, ta igit po lano.&#8221;</div><div class="p"> 51Hinabi na po Apo Jesus, &#8220;Pakaleng-en yon manged ye habiyen ko kanyo. Makit yo po lano a ba-mon maglukat ye langit boy makit yo hila po ye anghil nin Dioh a manik monaoy ha langit palakew kangko a ibat ha langit a in-Anak nin Tao.&#8221;</div>
 </div>
 </div>
</div>

Ha ahe ya po pinalhowa ye kaganaan, hiyay anhabtan Habi, ket anti yayna. Ket hiyay Habi, kalamo na yan Apo Dioh. Boy yatin Habi, ket Dioh ya. Ket impaibat ha unan panaon, lamo na yaynan Apo Dioh. Hiyay kaganaan, ket impapalhowa nan Apo Dioh kanan Habi. Ket homain hinyaman a napalhowa a aliwan makauli kanan Habi. Ket hiyabay ye ampangibatan nin bi-ay. Ket yatin bi-ay ye tillag a ampamahnag kanlan tatao. Yatin tillag ye mamahnag kanlan tataon anti ha kalitehan boy ahe yan mahambot nin kalitehan.
Haanin, hiyay Apo Dioh, nangitubol yan maghay taon nagngalan Juan a mangipapteg a hiyay Apo Jesus ye tillag ta-omen hila mamteg kanan Apo Jesus ye kaganaan a tatao. Hiyay Juan, aliwan hiya ye tillag a mamahnag kanlan tatao, no aliwan intubol yan bengat ihti a mangipapteg kanlan tatao no aya ye tillag. Hiyay peteg a tillag, anti yayna ihti ha babe-luta boy hiyabay ye ampamahnag kanlan tatao.
Nakew ya ihti ha babe-luta ye tillag. Agya namalhowa yan kaganaan, ket ahe la yan bega binalay nin tatao. Nakew ya ha lugal na, noba ahe la yan tinanggap nin kalabongan kanlan kalugalan na. Noba hilay kaganaan a nananggap kana boy namteg ha ngalan na, ket binyanan na hilan katulidan a aanak na hilaynan Apo Dioh. Aanak na hilaynan Apo Dioh, aliwan makauli ha pangianak nin tao o ha kalabayan nin miahawa, no aliwan ha kalabayan nan Apo Dioh.
Hiyay anhabtan Habi, ket nag-ilyadi yan tao boy kinumonin ya ihti ha babe-luta a kalamo tawo. Nakit mi ye pagkakitan nin kadangalan na bilang bugtong a Anak nin Dioh. Naheb yan kangedan boy kaptegan.
Ket namapteg yay Juan nin tungkol kana. An-ipapangha na, a wana, “Hiyabay ye andektan nin hinabi ko kanyo hatew, ‘Main lumateng a madadangal po kangko, ta bayo ko po in-anak, ket anti yayna.’ ”
Uli ha luboh a kangedan na, ket pawa kitawon ampananggap nin mahbol a kangedan. Ta hiyay Bibilin, in-ibyay nan Apo Dioh kantawo makauli kanan Moises, noba makauli kanan Apo Jesu Cristo, ket kangedan boy kaptegan ye natanggap tawo. Homain po nakakit kanan Bapa a Dioh nakakanoman, noba hiyay bugtong a Anak nan Apo Dioh a lanang nan kalamo, ket impatanda naya kantawo.


Haanin, hilay mānguna a Jujudio ha banwan Jerusalem, nangitubol hilan papadi boy nangaanon Levita a makew manepet kanan Juan a Māmawtihmo nin wanae, “Aya ka kano?” Hiyay Juan, ahe ya nagbudi no aliwan hinabi nay kaptegan, “Aliwan hiko ye Cristo a impangako nan Apo Dioh.”
Haanin, tinepet la yayna man, “No wanabay awod, aya ka? Hika laweh ye podopitan Elias hatew a an-agaden min mag-udong?”
Nakibat yay Juan, “Aliwan hiko.”
Tinepet la yayna man, “Hika laweh ye Podopitan impangako nan Apo Dioh a lumateng?”
Nakibat yayna man ye Juan, “Ahe!”
Haanin, hinabi layna man kanan Juan, “No aliwan hika, aya ka awod? Habiyen moyna kammi ta-omen mi met habiyen kanlan nangitubol kammi. Hinyay mahabi mo tungkol ha hadili mo?”
Nakibat yay Juan, “Hiko yay taon andektan nan podopita Isaias hatew ha hinabi nay wanae,
‘Mange ha wangwang ye pangha nin maghay tao, a wanae,
“Itoynong yoy pagdanan nan Apo.” ’ ”
Haanin, main hila met intubol nin Papariseo a nanepet nin wanae, “No aliwan hika ye Cristo o Elias o podopita, taket awod ta ampamawtihmo ka?”
Nakibat yay Juan, “Ampamawtihmo ko ha lanom. Noba main maghan ampideng a kalamo yo ihtin ahe yo katatanda. Hiyabay ye andektan ko a lumateng kanyo. Ket agya mangaget bengat nin hapatoh na, ket ahe ako katanggap-tanggap.”
Yatin pangipapteg nan Juan, nalyadi ha badiyon Betania ha lipay nin kabatowan Jordan a ampamawtihmowan na.

Kabekahan, ha nakit na yan Juan ye Apo Jesus a paugot kana, hinabi na kanlan tatao, “Bilewen yo! Anti yaynay Oybon Tupa nin Dioh a mangalih nin kakahalanan nin tao ihti ha babe-luta! Hiyabay ye andektan nin hinabi ko kanyo hatew, ‘Main lumateng a madadangal po kangko, ta bayo ko po in-anak, ket anti yayna.’ Hatew, ahe ko met tanda no aya ya. Noba hiyay Apo Dioh a nangitubol kangkon mamawtihmo ha lanom, ket hinabi na kangko, ‘Makit mo yan umaypa ye Ihpiditon Dioh. Ket umapon yan mikakaanti ha maghay tao. Hiyabay ye mamawtihmo kanyo nin Ihpiditon Dioh.’ Ampaptegan ko a nakit koy Ihpiditon Dioh a nagkadih kalapati a inumaypa paibat ha langit. Ket inumapon ya kana. Kaya-bay nakew ako ihti a mamawtihmo ha lanom ta-omen koya ipatanda kanyon Israelita. Nakit kon peteg a inaponan yan Ihpiditon Dioh a nagkadih kalapati. Kaya-bay ampaptegan ko kanyo a hiyabay ye Anak nin Dioh.”

Kabekahan, anti yayna man ihtew ye Juan a Māmawtihmo, kalamo na hilay luwa kanlan mānumbong na. Ket ha nakit nan Juan a Māmawtihmo a anhumapid yay Apo Jesus, hinabi na, “Bilewen yo! Yabay-in yaynay Oybon Tupa nin Dioh!”
Pamakange lan luwan mānumbong nan Juan ye hinabi na, ket hinumbong la yay Apo Jesus. Ket ha natanam nan Apo Jesus a main anhumumbong kana, namalingay ya. Ket tinepet na hila, “Hinyay labay yo kangko?”
Nakibat hila, “Maihtodo, labay mi dayin matandaan no way-ihtew ka angkumonin.”
Hinabi nan Apo Jesus, “Makilakew kawo kangko ta-omen yo matandaan.” Ket nakilakew hilaynay luwa boy natandaan la no way-ihtew ya angkumonin. Magaynan alah kowatodo nin mahilem hatew. Kaya-bay ihtewbay hilayna nakikatuloy kanan Apo Jesus kananyatew a madeglem.
Hiyay magha kanlan luwa a nakange nin hinabi nan Juan a Māmawtihmo boy nakilakew kanan Apo Jesus, ket hiyay Andres a katongno nan Simon Pedro. Ha pahanib ana, hiyay Andres, tampol na yan tinapul ye Simon a katongno na. Ket ha nakitan naya, hinabi na kana, “Nakit mi yaynay Mesias.” Hiyay labay habiyen nin Mesias ket Cristo.
Pangayadi, inlamo na yan Andres ye Simon a nakew kanan Apo Jesus. Ket ha nakalateng hilayna kanan Apo Jesus, binilew na yan Apo Jesus ye Simon boy hinabi na kana, “Hika ye Simon a anak nan Juan. Noba paibat haanin, pangalanan kataynan Cefas.” (Hiyay labay habiyen nin Cefas ket Pedro.)

Kabekahan, inihip nan Apo Jesus ye makew ha Galilea. Pamiabot na ihtew, nakit na yay Felipe. Ket hinabi na kana, “Kilakew ka kangko.” Hiyay Felipe, ket taga Bethsaida ya a omen kanan Andres boy Pedro.
Haanin, tinapul na yan Felipe ye Natanael boy hinabi na kana, “Nakit mi yaynay taon andektan nin Bibilin a impahulat kanan Moises boy hiyay impahulat kanlan popodopita. Hiyabay ye Jesus a anak nan Jose a taga Nazaret!”
Haanin, hinabi nan Natanael kanan Felipe, “Yo! Taga Nazaret yay Cristo? Main nayi manged a lumtaw ha Nazaret?”
“Tayna ta-omen moya makit!” wanan Felipe.
Pamakakit nan Apo Jesus kanan Natanael a anhumaley kana, hinabi na, “Yati ye peteg a Israelita, ahe ampanalingo.”
Haanin, hiyay Natanael, tinepet na yay Apo Jesus, “Way-omen moko natandaan?”
Nakibat yay Apo Jesus kana, “Bayo na kan hinagyat Felipe, nakit katayna ha hilong nin poon-kayon igoh.”
Pamakange nan Natanael, hinabi na, “Maihtodo, peteg a hika ye Anak nin Dioh boy hika ye Poon min Israelita.”
Hinabi nan Apo Jesus kanan Natanael, “Ampamtegan moko nayi ulita hinabi ko kammo a nakit katayna ha hilong nin poon-kayon igoh? Aliwan bengat yain ye makit mo, ta igit po lano.”
Hinabi na po Apo Jesus, “Pakaleng-en yon manged ye habiyen ko kanyo. Makit yo po lano a ba-mon maglukat ye langit boy makit yo hila po ye anghil nin Dioh a manik monaoy ha langit palakew kangko a ibat ha langit a in-Anak nin Tao.”

Gwranda ar Juan 1