The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Lusona lwa Zengele Mkiwambo cha Kana</div><div class="p"> 1Zua da ikadatu kukala na lusona lwa zengele mkiwambo kikemigwa Kana muisi ya Galilaya. Mamaake Yesu kakala bahaja. 2Yesu na wanahina zake vivija wagonekigwa hana ulusona luja lwa zengele. 3Divai viimalile, mamaake Yesu kamulongela, &#8220;Wabule divai.&#8221;</div><div class="p"> 4Yesu kamulongela, &#8220;Mama, gano gavikaze kumwetu? Kipigiti changu hakinavika.&#8221;</div><div class="p"> 5Abaho, mamaake Yesu kawalongela waja wakalile wosang'hanika na vakuja, &#8220;Tendeni chochose chondayawalongele.&#8221;</div><div class="p"> 6Haja kukala na minongo sita ya mazi itendigwe na mabwe, na kila nongo dimwe dikala na ukulu wa nongo mbili ama ndatu kwavija Wayahudi wakala na nzoela ya kuinava makono na magulu. 7Yesu kawalongela waja wakalile wosang'hanika, &#8220;Memezeni mazi minongo ino.&#8221; Avo wamemeza minongo yose mbaka hamulomo. 8Abaho, kawalongela, &#8220;Haya, deheni vimazi vidodo mkamgwelele mkulu wa ulusona.&#8221; Wasola gamazi wamgalila mkulu wa ulusona. 9Mkulu wa ulusona viyagalanzile gamazi gakalile gagaluke divai, kakanganya kwahi kuilawile divai ija. Ila waja wakalile wosang'hanika na ulusona wadehile gamazi wavitanga, avo kamkema imulawilamhambe, 10kamulongela, &#8220;Wanhu wose wagomelaga divai inogile haichanduso, na iwahenza wehesha kung'wa ng'hani kowagomela divai igwaduke, ila gweye kwika divai inogile mbaka vino!&#8221;</div><div class="p"> 11Yesu katenda mzonza uno wa mwanduso mkiwambo cha Kana muisi ya Galilaya, aho hayailaguse yenzi yake, na wanahina zake wamtogola.</div><div class="p"> 12Abaho Yesu na mamaake, wandugu zake, na wanahina zake wachola Kapenaumu, wakala haja mazua madodo.</div><div class="s1">Yesu Kochola Kung'anda ya Mulungu</div><div class="r">(Mat. 21:12-13; Mlk. 11:15-17; Luk. 19:45-46)</div><div class="p"> 13Lusona lwa Pasaka lwa Wayahudi lukala lukwenhuke, avo Yesu kachola Yelusalemu. 14Akuja kung'anda ya Mulungu kawavika wanhu woguza ng'ombe, ng'hondolo, na nziwa, na wavunja hela wakala wakalile mzimeza zao. 15Avo kasola nzabi kogosa lukumbulu, kasonga kuwawinga waja iwang'onyo wose yowalava hanze ya Ing'anda ya Mulungu, ng'hondolo hamoja na ng'ombe. Kazihindula zimeza za wavunja hela na kuzipwililisa zihela zao, 16na kawalongela awo wakalile woguza nziwa, yolonga, &#8220;Wasegezeni nziwa zenu hano! Lekeni kutenda Ng'anda ya Tataangu kuwa gulilo!&#8221; 17Wanahina zake wakumbukila avija Zinyandiko Zing'alile vuzilonga, &#8220;Nogelwa iniinogele ng'anda yako, Mulungu, yondukuza kamba moto.&#8221;#2:17 Yondukuza kamba moto nhegulo yake wonikoma.</div><div class="p"> 18Wakulu wa Wayahudi wamwidika mkumuuza, &#8220;Mzonza ulihi wondautulagusile tuvitange kamba kuna udaho wa kutenda mbuli zino?&#8221;</div><div class="p"> 19Yesu kawalongela, &#8220;Bomoleni Ng'anda ino ya Mulungu, na nie noizenga kabili mmazua madatu.&#8221;</div><div class="p"> 20Wamuuza, &#8220;Kodahaze gweye kuizenga kabili mmazua madatu? Ng'anda ino ya Mulungu isola milao malongo mane na sita kumambukiza kuizenga!&#8221;</div><div class="p"> 21Ila ng'anda ya Mulungu iyailongile Yesu ikala lukuli lwake. 22Viyazukile kulawa mkudanganhika, wanahina zake wakumbukila kamba kakala yalongile gano, na wazitogola Zinyandiko Zing'alile na gaja Yesu gayalongile.</div><div class="s1">Yesu Viyawatangile Wanhu</div><div class="p"> 23Kipigiti cha Lusona lwa Pasaka Yesu kakala Yelusalemu, wanhu bwando viwonile mizonza iyaitendile wamtogola. 24Ila Yesu haitogole nhogola yao, kwavija kautanga uzenzeleganye wa wanhu. 25Halondile munhu yoyose yamulongele mbuli za wanhu waja, kwavija heyo mwenyego kagatanga gaja gakalile mmioyo yao.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Zua da ikadatu kukala na lusona lwa zengele mkiwambo kikemigwa Kana muisi ya Galilaya. Mamaake Yesu kakala bahaja. Yesu na wanahina zake vivija wagonekigwa hana ulusona luja lwa zengele. Divai viimalile, mamaake Yesu kamulongela, “Wabule divai.”
Yesu kamulongela, “Mama, gano gavikaze kumwetu? Kipigiti changu hakinavika.”
Abaho, mamaake Yesu kawalongela waja wakalile wosang'hanika na vakuja, “Tendeni chochose chondayawalongele.”
Haja kukala na minongo sita ya mazi itendigwe na mabwe, na kila nongo dimwe dikala na ukulu wa nongo mbili ama ndatu kwavija Wayahudi wakala na nzoela ya kuinava makono na magulu. Yesu kawalongela waja wakalile wosang'hanika, “Memezeni mazi minongo ino.” Avo wamemeza minongo yose mbaka hamulomo. Abaho, kawalongela, “Haya, deheni vimazi vidodo mkamgwelele mkulu wa ulusona.” Wasola gamazi wamgalila mkulu wa ulusona. Mkulu wa ulusona viyagalanzile gamazi gakalile gagaluke divai, kakanganya kwahi kuilawile divai ija. Ila waja wakalile wosang'hanika na ulusona wadehile gamazi wavitanga, avo kamkema imulawilamhambe, kamulongela, “Wanhu wose wagomelaga divai inogile haichanduso, na iwahenza wehesha kung'wa ng'hani kowagomela divai igwaduke, ila gweye kwika divai inogile mbaka vino!”
Yesu katenda mzonza uno wa mwanduso mkiwambo cha Kana muisi ya Galilaya, aho hayailaguse yenzi yake, na wanahina zake wamtogola.
Abaho Yesu na mamaake, wandugu zake, na wanahina zake wachola Kapenaumu, wakala haja mazua madodo.


Lusona lwa Pasaka lwa Wayahudi lukala lukwenhuke, avo Yesu kachola Yelusalemu. Akuja kung'anda ya Mulungu kawavika wanhu woguza ng'ombe, ng'hondolo, na nziwa, na wavunja hela wakala wakalile mzimeza zao. Avo kasola nzabi kogosa lukumbulu, kasonga kuwawinga waja iwang'onyo wose yowalava hanze ya Ing'anda ya Mulungu, ng'hondolo hamoja na ng'ombe. Kazihindula zimeza za wavunja hela na kuzipwililisa zihela zao, na kawalongela awo wakalile woguza nziwa, yolonga, “Wasegezeni nziwa zenu hano! Lekeni kutenda Ng'anda ya Tataangu kuwa gulilo!” Wanahina zake wakumbukila avija Zinyandiko Zing'alile vuzilonga, “Nogelwa iniinogele ng'anda yako, Mulungu, yondukuza kamba moto.”
Wakulu wa Wayahudi wamwidika mkumuuza, “Mzonza ulihi wondautulagusile tuvitange kamba kuna udaho wa kutenda mbuli zino?”
Yesu kawalongela, “Bomoleni Ng'anda ino ya Mulungu, na nie noizenga kabili mmazua madatu.”
Wamuuza, “Kodahaze gweye kuizenga kabili mmazua madatu? Ng'anda ino ya Mulungu isola milao malongo mane na sita kumambukiza kuizenga!”
Ila ng'anda ya Mulungu iyailongile Yesu ikala lukuli lwake. Viyazukile kulawa mkudanganhika, wanahina zake wakumbukila kamba kakala yalongile gano, na wazitogola Zinyandiko Zing'alile na gaja Yesu gayalongile.

Kipigiti cha Lusona lwa Pasaka Yesu kakala Yelusalemu, wanhu bwando viwonile mizonza iyaitendile wamtogola. Ila Yesu haitogole nhogola yao, kwavija kautanga uzenzeleganye wa wanhu. Halondile munhu yoyose yamulongele mbuli za wanhu waja, kwavija heyo mwenyego kagatanga gaja gakalile mmioyo yao.

Gwranda ar YOHANA 2