℗ Audio 2018 The Bible Society in Taiwan; © Text 2012 The Bible Society in Taiwan

HAK-NGÎ SṲN-KÎN – Hien-thoi Thòi-vân Hak-ngî Yi̍t-pún

這係 亞當 後代个族譜。 (上帝創造人个時，係照上帝个樣式造佢。 佢創造佢等，有男有女。佢等受造个時，上帝賜福給佢等，將佢等安做「人」。) 亞當 一百三十歲个時，𫱔一個孻仔，形像、樣式㧯佢自家盡相像，就㧯佢安到 塞特 。 亞當 𫱔 塞特 以後，還在世八百年，又生養子女。 亞當 食到九百三十歲正過身。
塞特 一百零五歲个時，𫱔 以挪士 。 塞特 𫱔 以挪士 以後，還在世八百零七年，又生養子女。 塞特 食到九百一十二歲正過身。
以挪士 九十歲个時，𫱔 該南 。 以挪士 𫱔 該南 以後，還在世八百一十五年，又生養子女。 以挪士 食到九百零五歲正過身。
該南 七十歲个時，𫱔 瑪勒列 。 該南 𫱔 瑪勒列 以後，還在世八百四十年，又生養子女。 該南 食到九百一十歲正過身。
瑪勒列 六十五歲个時，𫱔 雅列 。 瑪勒列 𫱔 雅列 以後，還在世八百三十年，又生養子女。 瑪勒列 食到八百九十五歲正過身。
雅列 一百六十二歲个時，𫱔 以諾 。 雅列 𫱔 以諾 以後，還在世八百年，又生養子女。 雅列 食到九百六十二歲正過身。
以諾 六十五歲个時，𫱔 瑪土撒拉 。 以諾 𫱔 瑪土撒拉 以後，㧯上帝同行三百年，又生養子女。 以諾 在世食到三百六十五歲。 以諾 㧯上帝共下行，以後上帝將佢帶走，佢就無在了。
瑪土撒拉 一百八十七歲个時，𫱔 拉麥 。 瑪土撒拉 𫱔 拉麥 以後，還在世七百八十二年，又生養子女。 瑪土撒拉 食到九百六十九歲正過身。
拉麥 一百八十二歲个時，𫱔一個孻仔， 㧯佢安到 挪亞 ，講：「因為上主咒詛土地，俾𠊎等勞碌耕種，這個孻仔會俾𠊎等在辛苦中得到安慰。」 拉麥 𫱔 挪亞 以後，還在世五百九十五年，又生養子女。 拉麥 食到七百七十七歲正過身。
挪亞 五百歲个時，𫱔 閃 、 含 㧯 雅弗 。

Gwranda ar 創世記 5