Berom 2009 NBTT (NT) NonDrama

Berom 2009 NBTT (NT) Drama

<div class="version vid1591 iso6393bom" data-vid="1591" data-iso6393="bom">
 <div class="book bkMRK">
 <div class="chapter ch11" data-usfm="MRK.11">
 <div class="label">11</div><div class="s">Bem&#226;t Y&#603;rusal&#603;m ba sey Y&#603;su e&#160;gwong</div><div class="r">(Mat 21:1-11; Luk 19:28-40; Yoh 12:12-19)</div><div class="p"> 1Jeng de y&#603;n a vey bagat na Y&#603;rusal&#603;m, ba pom e&#160;nebapom&#244; Bet-Fage na Bet-Anya de ba s&#233; e&#160;vw&#226; Raku P&#224;t. Y&#603;su a hwo tomo bem&#226;t mas&#226; fwom m&#603; beba, 2a yang &#603;n, &#8220;Ky&#232; in v&#596;k e&#160;kerepomo kane e&#160;nuyel min. Sede yin a yel e&#160;hwomo, yin a r&#596;da di hw&#234;y madung e&#160;r&#596;g&#596;s, hemo de vit a mwat de a ga kana laga h&#603;. Viri hin h&#603;, na yin a vey m&#603;&#768;. 3Ka sede mwat hwak a rangal hin, &#8216;Yaga s&#603;&#769; de yin a s&#233; ra ano&#160;ar&#603;t?&#8217; ko yang in h&#603;, &#8216;Darwey e&#160;simo h&#603;, ko a r&#596;da toyo na h&#603; ziri.&#8217; &#8221;</div><div class="p"> 4Y&#603;n a ky&#232;, ko ba pom, ba s&#603;&#768; hw&#234;y madung e&#160;vw&#226; gwong e&#160;r&#596;g&#596;s e&#160;maj&#234;y l&#596; hak. Jeng de y&#603;n a hwo viri h&#603;, 5bemat behak de ba s&#233; e&#160;hwomo e&#160;tumal ba rangal h&#603;n, ba ye, &#8220;Yaga s&#603;&#769; de yin a s&#233; viri hw&#234;y madung&#160;o&#160;ar&#603;t?&#8221;</div><div class="p"> 6Ko y&#603;n a ha ty&#603;ng sede remo de Y&#603;su a ha a y&#603;n, ko bemat&#160;o ba tik &#603;n be ky&#232; na h&#603;. 7Y&#603;n a vey na hw&#234;y madung&#160;o na Y&#603;su. E&#160;hwomo, y&#603;n a paa py&#603;&#770; banga m&#603;n, ba t&#603;&#768;s&#603; y&#603;&#772; e&#160;ra m&#226; madung&#160;o, ko Y&#603;su a laga w&#603;. 8Bemat pyak ba lasha py&#603;&#770; banga m&#603;n e&#160;gwong, behak kwong ba lasha berang de y&#603;n a kw&#596;r&#596;s e&#160;r&#232;gyeng. 9Bemat de ba s&#233; ky&#232; e&#160;nuyel tanga vemo de ba s&#233; raa h&#603; e&#160;bama ba hwo gb&#596;, ba t&#275;, &#8220;Hosana! B&#275; somo Dagwi! Tik na Dagwi a t&#603;&#768; nerat e&#160;ra womo de e&#160;ky&#232; vey e&#160;ji rez&#226; Darwey! 10Tik na Dagwi a t&#603;&#768; nerat e&#160;ra jeng r&#234; negw&#596;m de ye ky&#232; vey, yemo de ya r&#596;da s&#232; ty&#603;ng na jeng de da mot Davit &#224; kana re negw&#596;m! B&#275; somo Dagwi!&#8221;</div><div class="p"> 11Y&#603;su a pom e&#160;Y&#603;rusal&#603;m, a yel e&#160;Gb&#596;ng Duk Re Fongol, ko a ky&#283; b&#603;r&#603;ng py&#603;&#770; mwa. Ko yaga jeng ya ga ky&#232;, a nusu v&#596;k e&#160;Bet-Anya tanga bem&#226;t mas&#226; fwom m&#603; kuru na v&#603; beba.</div><div class="s">Y&#603;su na ret&#238;n regwi</div><div class="r">(Mat 21:18-19)</div><div class="p"> 12Nusu hwol, sede y&#603;n a to &#603;n yi e&#160;Bet-Anya, Y&#603;su a wok vyong. 13Yi e&#160;jey, a di ret&#238;n regwi de ra v&#596;k berang, ko a w&#596;&#768; di, a t&#275; k&#603; gyeng &#234; s&#603;&#768; n&#232;y&#160;o e&#160;ra r&#603;. Ko jeng de a pom e&#160;hwomo, a di py&#603; cak&#160;w&#603;t s&#603;&#780; berang, yaga ret&#238;n regwi re t&#596;s e&#160;jeng&#160;o&#160;w&#603;t. 14Ko a y&#226;ng r&#603;, &#8220;Vit a mwat de a r&#596;da to ba re n&#232;y m&#333; neshey gbak-gbak!&#8221;</div><div class="p">Bem&#226;t mas&#226; fwom m&#603; ar&#596;ng ba wok py&#603; de a ha.</div><div class="s">Y&#603;su a yel e&#160;Gb&#596;ng Duk Re Fongol</div><div class="r">(Mat 21:12-17; Luk 19:45-48; Yoh 2:13-22)</div><div class="p"> 15Sede y&#603;n a pom e&#160;Y&#603;rusal&#603;m, Y&#603;su a w&#596;&#768; yel e&#160;nelal&#226; Gb&#596;ng Duk Re Fongol, a hwo ro bem&#226;t r&#603;s&#603;l py&#603;&#769; tanga vemo de ba s&#233; seres y&#603;&#772; yi e&#160;hwomo. A gangas betebut bem&#226;t segs&#226; dy&#257;m, na nec&#596;g&#596;&#770;t sangs&#226;l bemat de ba s&#233; r&#603;s&#603;l beb&#596;p, 16ko a tik mwat hwak a kwey na py&#603; cak e&#160;nelal&#226; Gb&#596;ng Duk&#160;o&#160;w&#603;t. 17Ko a basa a bemat, a yang &#603;n, &#8220;B&#224; j&#603;k e&#160;Bwok-basa Dagwi w&#596;g&#596;, Dagwi a ye, &#8216;Ba r&#596;da t&#226;ng l&#596; hom, &#224; duk won yaga mwa y&#233;re bemat jey.&#8217; Ko yin, yin a ga t&#603;&#768; h&#603; he t&#603;&#769; &#603; fwar&#226; begbik!&#8221;</div><div class="p"> 18Jeng de begb&#596;ng bepiris tanga bem&#226;t bas&#226; Badu ba wok ano, y&#603;n a hwo j&#257;ma begwong de b&#234; m&#596;r&#596; h&#603;. Ko y&#603;n a wok bengyip m&#603;, yaga bem&#226;t mwa ba langat h&#603;n b&#225;sa m&#603;.</div><div class="p"> 19Ko jeng de nahywegelek na vey, Y&#603;su na bem&#226;t mas&#226; fwom m&#603; ba tik repomo&#160;mo.</div><div class="s">Py&#603; de be masa yi e&#160;ret&#238;n regwi</div><div class="r">(Mat 21:20-22; 6:14)</div><div class="p"> 20Bop nagasi kwong, sede y&#603;n a s&#233; kwey, y&#603;n a di ret&#238;n regwi&#160;o ra ga hworok yi e&#160;nelang&#160;o v&#596;k e&#160;berinis&#160;o. 21Bitrus a bare na py&#603; de Y&#603;su a kana ha, ko a yang &#603;, &#8220;Di, &#224; Mwat Basa, ret&#238;n regwi remo de hw&#224; sira a r&#603; ra ga hworok!&#8221;</div><div class="p"> 22Y&#603;su a hanat, a yang &#603;n, &#8220;T&#603;&#768; in gap min e&#160;ra Dagwi. 23Tsak&#160;o mwin me ha a yin: Yin &#234; t&#596;k y&#226;ng raku womo, &#8216;Sogo, na hwo w&#596;&#768; gaba e&#160;ji gworep.&#8217; Ka sede yin a t&#243; yey&#160;w&#603;t, ko yin a sey tsak&#160;o w&#596;g&#596;, py&#603;&#160;mo y&#234; t&#233;, ko mwin, ya r&#596;da t&#233;. 24Yaga ano, ma s&#233; ha a yin: Jeng de yin a s&#233; ra won na Dagwi, na yin a rangal h&#603; py&#603; cak, t&#603;&#768; in gap min e&#160;ra y&#603; w&#596;g&#596;, yin a ga s&#603;&#768; y&#603;, ko yin a r&#596;da s&#603;&#768; y&#603;. 25Ko jeng de yin a s&#233; ra won, h&#224;la hin kay&#603; py&#603; de r&#596;&#780; yin a v&#596;k na mwat hwak, yaga na Da min e&#160;lagwi a bin h&#224;la a yin buru min ar&#596;ng. [ 26Ko ka sede yin a h&#224;la a bemin&#160;w&#603;t, Da min e&#160;lagwi ar&#596;ng a r&#596;da h&#224;la a yin buru min&#160;w&#603;t.]&#8221;</div><div class="s">R&#225;ngal e&#160;ra yer&#234; reto de Y&#603;su a v&#596;k</div><div class="r">(Mat 21:23-27; Luk 20:1-8)</div><div class="p"> 27Y&#603;n a to &#603;n v&#596;k e&#160;Y&#603;rusal&#603;m. Sede Y&#603;su a s&#233; ky&#232; e&#160;Gb&#596;ng Duk Re Fongol, begb&#596;ng bepiris, na bem&#226;t bas&#226; Badu, tanga bemakuk ba hwo vey na y&#603;, 28ba rangal h&#603;, ba ye, &#8220;E&#160;r&#603;&#780; reto de hw&#224; v&#596;k de hw&#243; ra m&#603;&#768; py&#603;&#769; yemo&#160;ar&#603;t? E&#160;w&#224; de a n&#596;ng&#160;o ret&#244; r&#226; y&#603;&#772;&#160;ar&#603;t?&#8221;</div><div class="p"> 29Y&#603;su a hanat, a yang &#603;n, &#8220;M&#234; rangal hin py&#603; cak ar&#596;ng. Ka sede yin a ha a me, ko ma r&#596;da ha a yin yer&#234; reto de ma v&#596;k na me ra m&#603;&#768; py&#603;&#769; yemo. 30H&#225; a me hin: Yohana &#225; s&#603;&#768; ret&#244; r&#226; batisma yi e&#160;gwa&#160;ar&#603;t? &#193; s&#603;&#768; r&#603; yi na Dagwi&#160;a? K&#603; yi na bemat&#160;ar&#603;t?&#8221;</div><div class="p"> 31Y&#603;n a hwo t&#243; cuna na bem&#603;n, &#8220;S&#603;&#780; wot ye ala&#160;ar&#603;t? Ka sede wot a ye, &#8216;R&#225; yi na Dagwi&#8217;, a r&#596;da yang ot, &#8216;Yaga s&#603;&#769; de yin &#225; sey tsak&#160;o na h&#225; m&#603;&#160;w&#603;t&#160;ar&#603;t?&#8217; 32Ko ka sede wot a ye, &#8216;R&#225; yi na bemat&#8217;, bemat ba r&#596;da doyo e&#160;ra wot, yaga y&#603;n mwa ba jut Yohana &#225; s&#232; zarap Dagwi.&#8221; 33Yaga ano, y&#603;n a y&#226;ng Y&#603;su, &#8220;Wot a t&#596;k&#160;w&#603;t.&#8221;</div><div class="p">Ko Y&#603;su a yang &#603;n, &#8220;Me ar&#596;ng m&#234; ha a yin&#160;w&#603;t k&#603; na e&#160;r&#603;&#780; reto de me ra m&#603;&#768; py&#603;&#769; yemo.&#8221;</div>
 </div>
 </div>
</div>

© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board New Testament originally published by © 1984 International Bible Society and Nigeria Bible Translation Trust

Jeng de yɛn a vey bagat na Yɛrusalɛm, ba pom e nebapomô Bet-Fage na Bet-Anya de ba sé e vwâ Raku Pàt. Yɛsu a hwo tomo bemât masâ fwom mɛ beba, a yang ɛn, “Kyè in vɔk e kerepomo kane e nuyel min. Sede yin a yel e hwomo, yin a rɔda di hwêy madung e rɔgɔs, hemo de vit a mwat de a ga kana laga hɛ. Viri hin hɛ, na yin a vey mɛ̀. Ka sede mwat hwak a rangal hin, ‘Yaga sɛ́ de yin a sé ra ano arɛt?’ ko yang in hɛ, ‘Darwey e simo hɛ, ko a rɔda toyo na hɛ ziri.’ ”
Yɛn a kyè, ko ba pom, ba sɛ̀ hwêy madung e vwâ gwong e rɔgɔs e majêy lɔ hak. Jeng de yɛn a hwo viri hɛ, bemat behak de ba sé e hwomo e tumal ba rangal hɛn, ba ye, “Yaga sɛ́ de yin a sé viri hwêy madung o arɛt?”
Ko yɛn a ha tyɛng sede remo de Yɛsu a ha a yɛn, ko bemat o ba tik ɛn be kyè na hɛ. Yɛn a vey na hwêy madung o na Yɛsu. E hwomo, yɛn a paa pyɛ̂ banga mɛn, ba tɛ̀sɛ yɛ̄ e ra mâ madung o, ko Yɛsu a laga wɛ. Bemat pyak ba lasha pyɛ̂ banga mɛn e gwong, behak kwong ba lasha berang de yɛn a kwɔrɔs e règyeng. Bemat de ba sé kyè e nuyel tanga vemo de ba sé raa hɛ e bama ba hwo gbɔ, ba tē, “Hosana! Bē somo Dagwi! Tik na Dagwi a tɛ̀ nerat e ra womo de e kyè vey e ji rezâ Darwey! Tik na Dagwi a tɛ̀ nerat e ra jeng rê negwɔm de ye kyè vey, yemo de ya rɔda sè tyɛng na jeng de da mot Davit à kana re negwɔm! Bē somo Dagwi!”
Yɛsu a pom e Yɛrusalɛm, a yel e Gbɔng Duk Re Fongol, ko a kyě bɛrɛng pyɛ̂ mwa. Ko yaga jeng ya ga kyè, a nusu vɔk e Bet-Anya tanga bemât masâ fwom mɛ kuru na vɛ beba.


Nusu hwol, sede yɛn a to ɛn yi e Bet-Anya, Yɛsu a wok vyong. Yi e jey, a di retîn regwi de ra vɔk berang, ko a wɔ̀ di, a tē kɛ gyeng ê sɛ̀ nèy o e ra rɛ. Ko jeng de a pom e hwomo, a di pyɛ cak wɛt sɛ̌ berang, yaga retîn regwi re tɔs e jeng o wɛt. Ko a yâng rɛ, “Vit a mwat de a rɔda to ba re nèy mō neshey gbak-gbak!”
Bemât masâ fwom mɛ arɔng ba wok pyɛ de a ha.


Sede yɛn a pom e Yɛrusalɛm, Yɛsu a wɔ̀ yel e nelalâ Gbɔng Duk Re Fongol, a hwo ro bemât rɛsɛl pyɛ́ tanga vemo de ba sé seres yɛ̄ yi e hwomo. A gangas betebut bemât segsâ dyām, na necɔgɔ̂t sangsâl bemat de ba sé rɛsɛl bebɔp, ko a tik mwat hwak a kwey na pyɛ cak e nelalâ Gbɔng Duk o wɛt. Ko a basa a bemat, a yang ɛn, “Bà jɛk e Bwok-basa Dagwi wɔgɔ, Dagwi a ye, ‘Ba rɔda tâng lɔ hom, à duk won yaga mwa yére bemat jey.’ Ko yin, yin a ga tɛ̀ hɛ he tɛ́ ɛ fwarâ begbik!”
Jeng de begbɔng bepiris tanga bemât basâ Badu ba wok ano, yɛn a hwo jāma begwong de bê mɔrɔ hɛ. Ko yɛn a wok bengyip mɛ, yaga bemât mwa ba langat hɛn bása mɛ.
Ko jeng de nahywegelek na vey, Yɛsu na bemât masâ fwom mɛ ba tik repomo mo.


Bop nagasi kwong, sede yɛn a sé kwey, yɛn a di retîn regwi o ra ga hworok yi e nelang o vɔk e berinis o. Bitrus a bare na pyɛ de Yɛsu a kana ha, ko a yang ɛ, “Di, à Mwat Basa, retîn regwi remo de hwà sira a rɛ ra ga hworok!”
Yɛsu a hanat, a yang ɛn, “Tɛ̀ in gap min e ra Dagwi. Tsak o mwin me ha a yin: Yin ê tɔk yâng raku womo, ‘Sogo, na hwo wɔ̀ gaba e ji gworep.’ Ka sede yin a tó yey wɛt, ko yin a sey tsak o wɔgɔ, pyɛ mo yê té, ko mwin, ya rɔda té. Yaga ano, ma sé ha a yin: Jeng de yin a sé ra won na Dagwi, na yin a rangal hɛ pyɛ cak, tɛ̀ in gap min e ra yɛ wɔgɔ, yin a ga sɛ̀ yɛ, ko yin a rɔda sɛ̀ yɛ. Ko jeng de yin a sé ra won, hàla hin kayɛ pyɛ de rɔ̌ yin a vɔk na mwat hwak, yaga na Da min e lagwi a bin hàla a yin buru min arɔng. [ Ko ka sede yin a hàla a bemin wɛt, Da min e lagwi arɔng a rɔda hàla a yin buru min wɛt.]”


Yɛn a to ɛn vɔk e Yɛrusalɛm. Sede Yɛsu a sé kyè e Gbɔng Duk Re Fongol, begbɔng bepiris, na bemât basâ Badu, tanga bemakuk ba hwo vey na yɛ, ba rangal hɛ, ba ye, “E rɛ̌ reto de hwà vɔk de hwó ra mɛ̀ pyɛ́ yemo arɛt? E wà de a nɔng o retô râ yɛ̄ arɛt?”
Yɛsu a hanat, a yang ɛn, “Mê rangal hin pyɛ cak arɔng. Ka sede yin a ha a me, ko ma rɔda ha a yin yerê reto de ma vɔk na me ra mɛ̀ pyɛ́ yemo. Há a me hin: Yohana á sɛ̀ retô râ batisma yi e gwa arɛt? Á sɛ̀ rɛ yi na Dagwi a? Kɛ yi na bemat arɛt?”
Yɛn a hwo tó cuna na bemɛn, “Sɛ̌ wot ye ala arɛt? Ka sede wot a ye, ‘Rá yi na Dagwi’, a rɔda yang ot, ‘Yaga sɛ́ de yin á sey tsak o na há mɛ wɛt arɛt?’ Ko ka sede wot a ye, ‘Rá yi na bemat’, bemat ba rɔda doyo e ra wot, yaga yɛn mwa ba jut Yohana á sè zarap Dagwi.” Yaga ano, yɛn a yâng Yɛsu, “Wot a tɔk wɛt.”
Ko Yɛsu a yang ɛn, “Me arɔng mê ha a yin wɛt kɛ na e rɛ̌ reto de me ra mɛ̀ pyɛ́ yemo.”

Gwranda ar Markus 11