Tawallammat Tamajaq 2015 SIM, WBT Non-Drama (NT)

Tamajaq, Tawallammat

<div class="version vid1309 iso6393ttq" data-vid="1309" data-iso6393="ttq">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s2">&#398;t&#477;w&#477;nay &#477;n tanaya &#477;n &#404;aysa</div><div class="p"> 1As &#477;gan s&#477;dis adan d&#477;ff&#477;r awen, iddew &#404;aysa &#477;d Butros, &#477;d Yaqub, &#477;d Yaxya imosan amadray &#477;n Yaqub en da, ikka d&#477;r-san ad&#611;a&#611; zagren &#611;as-nasan. 2Den da ad imm&#477;ttay azzahir-net dat-san, imalawlaw ud&#477;m-net s &#477;nnur olan &#477;d wa n t&#477;fuk, &#477;gan s&#477;lsa-net t&#477;m&#477;llay t&#477;siraqqet w&#477;llen, t&#477;kna &#477;s&#477;m&#477;&#611;m&#477;&#611;. 3&#398;hinan-in ogg&#226;n &#477;nn&#477;bi Musa, d &#477;nn&#477;bi Ilyas as du-nafalalan, mi&#353;awalan &#477;d &#404;aysa. 4Iggad-du Butros inna i &#404;aysa: &#171;&#398;m&#477;li, ola&#611; as n&#477;lla da! Kud tare&#611; adi, ad &#477;kr&#477;sa karad h&#477;ktan da&#611; adag wa. Iyyan i-nak, iyyan in Musa, iyyan in Ilyas.&#187; 5Harwada i&#353;&#353;ewal Butros as tan-t&#477;lsa t&#477;garak t&#477;milawlawat, t&#601;qqal-asan zun telay. Igmad &#477;m&#477;sli tagarak ten, inna: &#171;Awa Barar-in wa &#477;kne&#611; tara; &#477;nta a d-iss&#477;ndan agna-nin. S&#477;s&#477;mat-as!&#187; 6As &#477;slan n&#477;ttulab i batu ten, &#477;rma&#611;an w&#477;llen, fataqqen &#477;ss&#477;jadan. 7Ihoz-tan-in &#404;aysa, idas-tan, inn-asan: &#171;&#398;nk&#477;rat, t&#477;gm&#477;det-kawan tasa!&#187; 8&#398;dkalan-du n&#477;ttulab isawadan-nasan w&#477;r h&#477;nn&#477;yan ar &#404;aysa.</div><div class="p"> 9Tazabben-du ad&#611;a&#611; en da, as tan-omar &#404;aysa, inn-asan: &#171;Ad w&#477;r t&#477;m&#477;lam y awedan waliyyan awa t&#477;nayam da, iket w&#477;r d-&#477;nkera nak Ag Aggad&#477;m da&#611; t&#477;mattant.&#187; 10&#398;ss&#477;stanan n&#477;ttulab &#404;aysa, &#477;nnan-as: &#171;Mafel za gannin musanan n &#398;ttawret: "Kundaba osa-du Ilyas t&#477;zzar as du-z-asu &#398;lm&#477;six?"&#187; 11Ijj&#477;wwab-asan &#404;aysa inn-asan: &#171;Awalla za ar a d-asu Ilyas, annazzam aratan kul. 12Amaran &#477;ssosanaq-qawan as Ilyas, os&#226;-du, mi&#353;an w&#477;r t-&#477;qbelan aytedan, kalar &#477;gan-as awas &#477;ran. &#398;mm&#477;k en da&#611; as illikan as a di-z&#477;&#611;&#611;&#477;zz&#477;ban nak Ag Aggad&#477;m.&#187; 13&#398;gran n&#477;ttulab as Yaxya wa isalma&#611;an aytedan da&#611; aman, as iha &#404;aysa batu-net den.</div><div class="s2">Barar wa t&#477;graw tazakarkarat &#477;d tarna ta ila &#477;z&#477;gzan</div><div class="p"> 14As d-izzabbat &#404;aysa &#477;d n&#477;ttulab-net win karad en ad&#611;a&#611;, &#477;hozan-du tamattay, ikk-ay-du al&#477;s iyyan igaraffat dat-&#477;s, 15inn-as: &#171;&#398;m&#477;li, h&#477;n&#477;tt&#477;t i barar-in, tazakarkarat a tu-t&#477;grawat, amaran i&#611;&#611;izzab w&#477;llen f&#477;las faw da itudu da&#611; t&#477;msay, made&#611; aman. 16Ewayaq-qu &#477;s n&#477;ttulab-nak y ad t-&#477;zzuz&#477;yan, mi&#353;an indar-asan.&#187; 17Inna &#404;aysa: &#171;Xa! Iket iba n &#477;z&#477;gzan, iket &#477;&#353;&#353;ur da&#611; aytedan n azzaman a! Awak har &#477;mmay &#477;ddewa d&#477;r-wan, &#477;zizaydara d&#477;r-wan? Aw&#477;yat-i-du barar sa da!&#187; 18Ihara&#353;&#353;at &#404;aysa agg&#477;suf wa ihan barar en, t&#477;zzar igmad-tu. Izzay barar da&#611; amazay wen da. 19&#398;hozan-in n&#477;ttulab &#404;aysa &#477;nnan-as: &#171;Mafel nakkanay ind&#226;r-ana&#611; ikus n agg&#477;suf wen?&#187; 20Inn-asan: &#171;Adi za a&#353;&#353;addat &#477;n r&#477;kk&#477;m n &#477;z&#477;gzan-nawan! &#398;gg&#477;yye&#611; &#477;silakana&#611;-awan as &#477;nnar t&#477;l&#226;m da&#611; &#477;z&#477;gzan a ogd&#226;n &#477;d wala imi &#477;n t&#477;zu&#611;ay n &#477;&#353;&#477;nnan, har t&#477;nnam y &#477;d&#611;a&#611; en: "&#398;gm&#477;d edag di takka wen", ad ammazal s adi. &#398;ddi w&#477;r t-illa arat as dawan-z-ind&#477;r igi-net. 21[Amaran &#477;zz&#477;n&#477;f n agg&#477;suf wen, w&#477;r ig&#477;mm&#477;d awedan ar &#477;s t&#477;watriwen, d &#477;zum.&#187;]</div><div class="s2">Emel wa n &#477;&#353;&#353;in iga &#404;aysa y al&#611;azab-net &#477;d t&#477;mattant-net</div><div class="p"> 22&#398;z&#477;l iyyan &#477;ddewan n&#477;ttulab &#477;n &#404;aysa da&#611; akal &#477;n Galilaya as dasan-inna: &#171;Nak Ag Aggad&#477;m &#477;jw&#226;ra ad &#477;gg&#226;za&#611; ifassan n aytedan, 23agin iman-nin, t&#477;zzar &#477;nk&#477;ra-du da&#611; t&#477;mattant &#477;z&#477;l wa n karad.&#187; T&#477;&#611;&#353;ad batu ten iman-nasan w&#477;llen.</div><div class="s2">Amana wa itawarzaman y Ahan wa Z&#477;ww&#477;ran n &#398;l&#611;ibada</div><div class="p"> 24Igla &#404;aysa &#477;d n&#477;ttulab-net har ewadan Kafarnahum. &#398;nkaran aytedan win zarzamnen amana y Ahan wa Z&#477;ww&#477;ran n &#398;l&#611;ibada, &#477;hozan-in Butros, &#477;ss&#477;stanan-tu &#477;nnan-as: &#171;Awak &#477;&#353;&#353;ex-nawan arazam a w&#477;r it&#477;ggu amana y Ahan wa Z&#477;ww&#477;ran n &#398;l&#611;ibada?&#187; 25Inn-asan Butros: &#171;Awalla za ar irazzam-tu&#187;. Iggaz Butros ehan, azzar-as &#404;aysa awal iss&#477;stan-tu inn-as: &#171;Ma t&#477;nne kay Sim&#611;on, ma irazzaman tak&#477;sen d amana i m&#477;nokalan n &#477;dd&#477;net? Awak maddan&#477;san a dasan-tan-razzamnen, me&#611; aytedan sa hadan?&#187; 26Inn-as Sim&#611;on: &#171;Aytedan sa hadan a dasan-tan-razzamnen.&#187; Inn-as &#404;aysa amaran: &#171;Da&#611; adi maddan&#477;s &#477;n m&#477;nokalan w&#477;r tan-iwer arazam &#477;n wala. 27Mi&#353;an ya f&#477;l ad w&#477;r n&#477;qq&#477;l t&#477;s&#477;nk&#477;ft y &#477;z&#477;gzan n aytedan win zarzamnen, aglu akku agaraw, t&#477;g&#477;ra da&#611;-as azabzab wa n abbaz &#477;n kifitan. Kifi wa tobaza&#611; &#477;stizarat, aru imi-net, a da&#611;-as in-tag&#477;za tefelt n &#477;zr&#477;f wa mallan. Tefelt ten &#477;kk&#477;s-tat-du, tagla takfa&#611;-asan-tat, ad t&#477;qqal &#477;rruzmatan n amana wa-nin, &#477;d wa-nak.&#187;</div>
 </div>
 </div>
</div>

As ǝgan sǝdis adan dǝffǝr awen, iddew Ɣaysa ǝd Butros, ǝd Yaqub, ǝd Yaxya imosan amadray ǝn Yaqub en da, ikka dǝr-san adɣaɣ zagren ɣas-nasan. Den da ad immǝttay azzahir-net dat-san, imalawlaw udǝm-net s ǝnnur olan ǝd wa n tǝfuk, ǝgan sǝlsa-net tǝmǝllay tǝsiraqqet wǝllen, tǝkna ǝsǝmǝɣmǝɣ. Ǝhinan-in oggân ǝnnǝbi Musa, d ǝnnǝbi Ilyas as du-nafalalan, mišawalan ǝd Ɣaysa. Iggad-du Butros inna i Ɣaysa: «Ǝmǝli, olaɣ as nǝlla da! Kud tareɣ adi, ad ǝkrǝsa karad hǝktan daɣ adag wa. Iyyan i-nak, iyyan in Musa, iyyan in Ilyas.» Harwada iššewal Butros as tan-tǝlsa tǝgarak tǝmilawlawat, təqqal-asan zun telay. Igmad ǝmǝsli tagarak ten, inna: «Awa Barar-in wa ǝkneɣ tara; ǝnta a d-issǝndan agna-nin. Sǝsǝmat-as!» As ǝslan nǝttulab i batu ten, ǝrmaɣan wǝllen, fataqqen ǝssǝjadan. Ihoz-tan-in Ɣaysa, idas-tan, inn-asan: «Ǝnkǝrat, tǝgmǝdet-kawan tasa!» Ǝdkalan-du nǝttulab isawadan-nasan wǝr hǝnnǝyan ar Ɣaysa.
Tazabben-du adɣaɣ en da, as tan-omar Ɣaysa, inn-asan: «Ad wǝr tǝmǝlam y awedan waliyyan awa tǝnayam da, iket wǝr d-ǝnkera nak Ag Aggadǝm daɣ tǝmattant.» Ǝssǝstanan nǝttulab Ɣaysa, ǝnnan-as: «Mafel za gannin musanan n Ǝttawret: "Kundaba osa-du Ilyas tǝzzar as du-z-asu Ǝlmǝsix?"» Ijjǝwwab-asan Ɣaysa inn-asan: «Awalla za ar a d-asu Ilyas, annazzam aratan kul. Amaran ǝssosanaq-qawan as Ilyas, osâ-du, mišan wǝr t-ǝqbelan aytedan, kalar ǝgan-as awas ǝran. Ǝmmǝk en daɣ as illikan as a di-zǝɣɣǝzzǝban nak Ag Aggadǝm.» Ǝgran nǝttulab as Yaxya wa isalmaɣan aytedan daɣ aman, as iha Ɣaysa batu-net den.

As d-izzabbat Ɣaysa ǝd nǝttulab-net win karad en adɣaɣ, ǝhozan-du tamattay, ikk-ay-du alǝs iyyan igaraffat dat-ǝs, inn-as: «Ǝmǝli, hǝnǝttǝt i barar-in, tazakarkarat a tu-tǝgrawat, amaran iɣɣizzab wǝllen fǝlas faw da itudu daɣ tǝmsay, madeɣ aman. Ewayaq-qu ǝs nǝttulab-nak y ad t-ǝzzuzǝyan, mišan indar-asan.» Inna Ɣaysa: «Xa! Iket iba n ǝzǝgzan, iket ǝššur daɣ aytedan n azzaman a! Awak har ǝmmay ǝddewa dǝr-wan, ǝzizaydara dǝr-wan? Awǝyat-i-du barar sa da!» Iharaššat Ɣaysa aggǝsuf wa ihan barar en, tǝzzar igmad-tu. Izzay barar daɣ amazay wen da. Ǝhozan-in nǝttulab Ɣaysa ǝnnan-as: «Mafel nakkanay indâr-anaɣ ikus n aggǝsuf wen?» Inn-asan: «Adi za aššaddat ǝn rǝkkǝm n ǝzǝgzan-nawan! Ǝggǝyyeɣ ǝsilakanaɣ-awan as ǝnnar tǝlâm daɣ ǝzǝgzan a ogdân ǝd wala imi ǝn tǝzuɣay n ǝšǝnnan, har tǝnnam y ǝdɣaɣ en: "Ǝgmǝd edag di takka wen", ad ammazal s adi. Ǝddi wǝr t-illa arat as dawan-z-indǝr igi-net. [Amaran ǝzzǝnǝf n aggǝsuf wen, wǝr igǝmmǝd awedan ar ǝs tǝwatriwen, d ǝzum.»]

Ǝzǝl iyyan ǝddewan nǝttulab ǝn Ɣaysa daɣ akal ǝn Galilaya as dasan-inna: «Nak Ag Aggadǝm ǝjwâra ad ǝggâzaɣ ifassan n aytedan, agin iman-nin, tǝzzar ǝnkǝra-du daɣ tǝmattant ǝzǝl wa n karad.» Tǝɣšad batu ten iman-nasan wǝllen.

Igla Ɣaysa ǝd nǝttulab-net har ewadan Kafarnahum. Ǝnkaran aytedan win zarzamnen amana y Ahan wa Zǝwwǝran n Ǝlɣibada, ǝhozan-in Butros, ǝssǝstanan-tu ǝnnan-as: «Awak ǝššex-nawan arazam a wǝr itǝggu amana y Ahan wa Zǝwwǝran n Ǝlɣibada?» Inn-asan Butros: «Awalla za ar irazzam-tu». Iggaz Butros ehan, azzar-as Ɣaysa awal issǝstan-tu inn-as: «Ma tǝnne kay Simɣon, ma irazzaman takǝsen d amana i mǝnokalan n ǝddǝnet? Awak maddanǝsan a dasan-tan-razzamnen, meɣ aytedan sa hadan?» Inn-as Simɣon: «Aytedan sa hadan a dasan-tan-razzamnen.» Inn-as Ɣaysa amaran: «Daɣ adi maddanǝs ǝn mǝnokalan wǝr tan-iwer arazam ǝn wala. Mišan ya fǝl ad wǝr nǝqqǝl tǝsǝnkǝft y ǝzǝgzan n aytedan win zarzamnen, aglu akku agaraw, tǝgǝra daɣ-as azabzab wa n abbaz ǝn kifitan. Kifi wa tobazaɣ ǝstizarat, aru imi-net, a daɣ-as in-tagǝza tefelt n ǝzrǝf wa mallan. Tefelt ten ǝkkǝs-tat-du, tagla takfaɣ-asan-tat, ad tǝqqal ǝrruzmatan n amana wa-nin, ǝd wa-nak.»

Gwranda ar Matta 17