Tawallammat Tamajaq 2015 SIM, WBT Non-Drama (NT)

Tamajaq, Tawallammat

<div class="version vid1309 iso6393ttq" data-vid="1309" data-iso6393="ttq">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s2">&#398;t&#477;w&#477;n&#611;ay &#477;n Yaxya wa isalma&#611;an aytedan da&#611; aman</div><div class="p"> 1Azzaman en da a da&#611; isla Herod Antifas wa n &#477;muzar n akal &#477;n Galilaya, isalan &#477;n &#404;aysa. 2T&#477;zzar inna Herod y aytedan-net: &#171;A igan da Yaxya wa isalma&#611;an aytedan da&#611; aman, a d-inkaran den da&#611; t&#477;mattant! Awen da f&#477;l ila tarna n igi &#477;n t&#477;lm&#477;&#611;jujaten.&#187; 3Arat wen inn-ay Herod f&#477;las azzaman dat awen om&#226;r s &#477;t&#477;rm&#477;s &#477;n Yaxya, itawakrad itawagga da&#611; kasaw, f&#477;l &#477;dd&#477;lil &#477;n Herod&#477;yas t&#477;mosat ta&#611;ur Filibus imosan amadray &#477;n Herod a da, 4f&#477;las Yaxya a igannin i Herod: &#171;Xaram fall-ak azalaf &#477;n t&#477;ntut di.&#187; 5Eway-du awen &#477;s Herod as ira ikus &#477;n man &#477;n Yaxya, mi&#353;an iksud tamattay t&#477;g&#226;t i Yaxya iduf n as &#477;nn&#477;bi a imos. 6As d-i&#611;lay &#477;z&#477;l wa n t&#477;h&#477;wt &#477;n Herod, isassaga saksas, t&#477;ga elles &#477;n Herod&#477;yas ewe&#611; iknan &#353;ihussay dat nafta&#611;an. T&#477;zzar ogg&#259;m-tat Herod 7har as ihad-as &#226;s, a das-agu arat kul wa da&#611;-as t&#477;gmay. 8As t&#477;&#353;&#353;&#477;wwar anna-net t&#477;nn-as ad tannu i Herod e&#611;af &#477;n Yaxya a t&#477;ra. T&#477;nkar t&#477;barart t&#477;nn-i Herod: &#171;Akf-i attabla da da iha a&#611;af &#477;n Yaxya wa isalma&#611;an aytedan da&#611; aman.&#187; 9Arat wa t&#477;gmay t&#477;barart ten eway-du s &#477;m&#477;nokal Herod as &#477;&#611;&#353;adan man-net. Mi&#353;an omar s a das-it&#477;w&#477;ggu arat wa t&#477;gmay den, f&#601;l &#601;dd&#601;lil &#601;n t&#601;huday ta das-iga d &#601;dd&#601;lil &#601;n nafta&#611;an-net. 10Iss&#477;gla awedan y a d-ifr&#477;s e&#611;af &#477;n Yaxya da&#611; kasaw. 11Immeway-du a&#611;af n &#477;nn&#477;bi en da&#611; attabla, itawakfa i t&#477;barart, t&#477;zzar t&#477;kf-ay y anna-net. 12Osan-du nalkiman &#477;n Yaxya &#477;dkalan ta&#611;&#477;ssa-net, &#477;nbalan-tat-in. &#398;glan &#477;malan i &#404;aysa.</div><div class="s2">&#398;&#353;&#477;t&#353;i wa iga &#404;aysa s&#477;mmos gim n al&#477;s</div><div class="p"> 13As isla &#404;aysa isalan win, igmad edag wen, iha a&#611;lal n aman. Igla &#611;as-net ikka edag issufan a din-ikitayyen. T&#477;sla tamattay ta t&#477;hat &#353;i&#611;armaten &#353;in &#611;&#477;l&#477;y&#611;&#477;layan awen, t&#477;lkam-as idaran-net. 14As d-izz&#477;bbat a&#611;lal inay tamattay tagget, t&#477;ggaz-tu t&#477;hanint-net, ad izuz&#477;y imiranan-nasan. 15As t&#477;ga tak&#477;st, &#477;hozan-t-idu n&#477;ttulab-net &#477;nnan-as: &#171;Edag issufan awa, amaran &#477;z&#477;l igla, da&#611; adi su&#611;&#477;l tamattay a, ad t&#477;gm&#477;y id t&#477;zz&#477;nza a t&#477;t&#353;a da&#611; t&#477;&#611;armaten.&#187; 16Inn-asan &#404;aysa: &#171;W&#477;r t&#477;ga addararat s ad aglin, &#353;at&#353;at-tan kawanay iman-nawan da!&#187; 17&#398;nnan-as: &#171;Nakkanay ya w&#477;r n&#477;la da ar s&#477;mmosat t&#477;g&#477;lwen d &#477;&#353;&#353;in kifitan.&#187; 18Inn-asan &#404;aysa: &#171;Aw&#477;yat-i-tan-du.&#187; 19Omar tamattay s ad taqqam da&#611; yel illan den, t&#477;zzar idkal s&#477;mmosat t&#477;g&#477;lwen &#353;in den d &#477;&#353;&#353;in kifitan win, igg&#477;zzay ij&#477;nnawan, iga igodan i M&#477;&#353;&#353;ina. Ikaramkaram &#353;ig&#477;lwen &#353;in den, ikf-enat i n&#477;ttulab, a tanat-tuzanan i tamattay. 20&#398;t&#353;an aytedan en ketnasan har &#601;yy&#601;wanan. &#398;&#353;&#353;edawan-du n&#477;ttulab ikarammutan win du-tawaglaznen, &#477;dnayan maraw &#477;zmaman d &#477;&#353;&#353;in. 21Aytedan win &#477;t&#353;anen den &#477;mosan edag &#477;n s&#477;mmos gim n al&#477;s, &#477;llanat de&#611; t&#477;doden den &#477;d bararan.</div><div class="s2">&#398;j&#477;w&#477;nki &#477;n &#404;aysa f&#477;l aman</div><div class="p"> 22Wala a ihogan omar &#404;aysa in&#477;ttulab-net s ad &#477;gg&#477;zan a&#611;lal n aman izaran-as-in &#477;s t&#477;gadamayt ta hadat n agaraw iket di ad itasallam tamattay. 23As &#477;&#611;radan aytedan teklay, igg&#477;zzay &#404;aysa ad&#611;a&#611; y ad agu &#353;iwatriwen da&#611; adag ikitayyan. Illa den da &#611;as-net har iga ahad. 24As itaggu awen da a&#611;lal iggug-in da&#611; agaraw, &#477;bbatnat-tu t&#477;nazzamaren sa &#477;d sa f&#477;las a&#7693;u issohen a d&#477;r imm&#477;qqas. 25As t&#477;ga tilkamat n ahad, ikka-du &#404;aysa in&#477;ttulab-net ijiwankat f&#477;l aman. 26As t-oggan ijiwankat-du f&#477;l aman, &#477;rma&#611;an. &#398;nnan: &#171;Awen agg&#477;suf!&#187; Sakkarayan f&#477;l awa &#477;gan da&#611; t&#477;r&#477;mmeq. 27Mi&#353;an tamazayt ten da a dasan-i&#353;&#353;ewal &#404;aysa inn-asan: &#171;Ad w&#477;r t&#477;&#611;&#353;&#477;dam, nak awa! T&#477;gm&#477;det-kawan tasa!&#187; 28Den da&#611; a das-inna Butros: &#171;Kud kay adi &#398;m&#477;li, tam&#477;ra&#611;-i s a din-j&#477;w&#477;nke&#611; f&#477;l aman &#477;ss&#477;lkada&#611;-ak-in.&#187; 29&#171;Iyyaw!&#187; Inn-as &#404;aysa. Izz&#477;bbat Butros a&#611;lal, ijawankat f&#477;l aman inn&#477;mad &#404;aysa. 30Mi&#353;an as din-igra assahat n a&#7693;u wa igaran den, t&#477;ggaz-tu tasa, &#477;ggazan-tu aman &#353;in alamaz. Isa&#611;&#611;arat inna: &#171;&#398;m&#477;li ag&#477;z-i!&#187; 31Tarmad as das-in-izzal &#404;aysa &#477;fus-net, ibaz-t-idu. Inn-as &#404;aysa: &#171;&#398;z&#477;gzan-nak irkam w&#477;llen, ma da&#611;-ak igan a&#353;&#353;ak?&#187; 32&#398;ggazan a&#611;lal &#611;as, idrar a&#7693;u. 33&#398;ss&#477;jadan-as aytedan win &#477;hanen a&#611;lal en, gannin: &#171;Illikan as kay a imosan Barar &#477;n M&#477;&#353;&#353;ina.&#187;</div><div class="s2">&#398;zuz&#477;y &#477;n miranan</div><div class="p"> 34As &#477;&#611;rasan agaraw, ewadan akal &#477;n Ganazaret. 35As &#477;ssanan k&#477;l akal en as &#404;aysa awen, &#477;malan y aytedan &#477;n kallan win &#611;&#477;l&#477;y&#611;&#477;layan n edag wen, a s&#477;r-&#477;s du-tamawayan miranan kul. 36Ad itawansay ad ayyu aytedan &#477;d&#477;san kudde&#611; t&#477;b&#477;nik &#477;n t&#477;kadkat-net, amaran i tat-idasan ad izz&#477;y.</div>
 </div>
 </div>
</div>

Azzaman en da a daɣ isla Herod Antifas wa n ǝmuzar n akal ǝn Galilaya, isalan ǝn Ɣaysa. Tǝzzar inna Herod y aytedan-net: «A igan da Yaxya wa isalmaɣan aytedan daɣ aman, a d-inkaran den daɣ tǝmattant! Awen da fǝl ila tarna n igi ǝn tǝlmǝɣjujaten.» Arat wen inn-ay Herod fǝlas azzaman dat awen omâr s ǝtǝrmǝs ǝn Yaxya, itawakrad itawagga daɣ kasaw, fǝl ǝddǝlil ǝn Herodǝyas tǝmosat taɣur Filibus imosan amadray ǝn Herod a da, fǝlas Yaxya a igannin i Herod: «Xaram fall-ak azalaf ǝn tǝntut di.» Eway-du awen ǝs Herod as ira ikus ǝn man ǝn Yaxya, mišan iksud tamattay tǝgât i Yaxya iduf n as ǝnnǝbi a imos. As d-iɣlay ǝzǝl wa n tǝhǝwt ǝn Herod, isassaga saksas, tǝga elles ǝn Herodǝyas eweɣ iknan šihussay dat naftaɣan. Tǝzzar oggăm-tat Herod har as ihad-as âs, a das-agu arat kul wa daɣ-as tǝgmay. As tǝššǝwwar anna-net tǝnn-as ad tannu i Herod eɣaf ǝn Yaxya a tǝra. Tǝnkar tǝbarart tǝnn-i Herod: «Akf-i attabla da da iha aɣaf ǝn Yaxya wa isalmaɣan aytedan daɣ aman.» Arat wa tǝgmay tǝbarart ten eway-du s ǝmǝnokal Herod as ǝɣšadan man-net. Mišan omar s a das-itǝwǝggu arat wa tǝgmay den, fəl əddəlil ən təhuday ta das-iga d əddəlil ən naftaɣan-net. Issǝgla awedan y a d-ifrǝs eɣaf ǝn Yaxya daɣ kasaw. Immeway-du aɣaf n ǝnnǝbi en daɣ attabla, itawakfa i tǝbarart, tǝzzar tǝkf-ay y anna-net. Osan-du nalkiman ǝn Yaxya ǝdkalan taɣǝssa-net, ǝnbalan-tat-in. Ǝglan ǝmalan i Ɣaysa.

As isla Ɣaysa isalan win, igmad edag wen, iha aɣlal n aman. Igla ɣas-net ikka edag issufan a din-ikitayyen. Tǝsla tamattay ta tǝhat šiɣarmaten šin ɣǝlǝyɣǝlayan awen, tǝlkam-as idaran-net. As d-izzǝbbat aɣlal inay tamattay tagget, tǝggaz-tu tǝhanint-net, ad izuzǝy imiranan-nasan. As tǝga takǝst, ǝhozan-t-idu nǝttulab-net ǝnnan-as: «Edag issufan awa, amaran ǝzǝl igla, daɣ adi suɣǝl tamattay a, ad tǝgmǝy id tǝzzǝnza a tǝtša daɣ tǝɣarmaten.» Inn-asan Ɣaysa: «Wǝr tǝga addararat s ad aglin, šatšat-tan kawanay iman-nawan da!» Ǝnnan-as: «Nakkanay ya wǝr nǝla da ar sǝmmosat tǝgǝlwen d ǝššin kifitan.» Inn-asan Ɣaysa: «Awǝyat-i-tan-du.» Omar tamattay s ad taqqam daɣ yel illan den, tǝzzar idkal sǝmmosat tǝgǝlwen šin den d ǝššin kifitan win, iggǝzzay ijǝnnawan, iga igodan i Mǝššina. Ikaramkaram šigǝlwen šin den, ikf-enat i nǝttulab, a tanat-tuzanan i tamattay. Ǝtšan aytedan en ketnasan har əyyəwanan. Ǝššedawan-du nǝttulab ikarammutan win du-tawaglaznen, ǝdnayan maraw ǝzmaman d ǝššin. Aytedan win ǝtšanen den ǝmosan edag ǝn sǝmmos gim n alǝs, ǝllanat deɣ tǝdoden den ǝd bararan.

Wala a ihogan omar Ɣaysa inǝttulab-net s ad ǝggǝzan aɣlal n aman izaran-as-in ǝs tǝgadamayt ta hadat n agaraw iket di ad itasallam tamattay. As ǝɣradan aytedan teklay, iggǝzzay Ɣaysa adɣaɣ y ad agu šiwatriwen daɣ adag ikitayyan. Illa den da ɣas-net har iga ahad. As itaggu awen da aɣlal iggug-in daɣ agaraw, ǝbbatnat-tu tǝnazzamaren sa ǝd sa fǝlas aḍu issohen a dǝr immǝqqas. As tǝga tilkamat n ahad, ikka-du Ɣaysa inǝttulab-net ijiwankat fǝl aman. As t-oggan ijiwankat-du fǝl aman, ǝrmaɣan. Ǝnnan: «Awen aggǝsuf!» Sakkarayan fǝl awa ǝgan daɣ tǝrǝmmeq. Mišan tamazayt ten da a dasan-iššewal Ɣaysa inn-asan: «Ad wǝr tǝɣšǝdam, nak awa! Tǝgmǝdet-kawan tasa!» Den daɣ a das-inna Butros: «Kud kay adi Ǝmǝli, tamǝraɣ-i s a din-jǝwǝnkeɣ fǝl aman ǝssǝlkadaɣ-ak-in.» «Iyyaw!» Inn-as Ɣaysa. Izzǝbbat Butros aɣlal, ijawankat fǝl aman innǝmad Ɣaysa. Mišan as din-igra assahat n aḍu wa igaran den, tǝggaz-tu tasa, ǝggazan-tu aman šin alamaz. Isaɣɣarat inna: «Ǝmǝli agǝz-i!» Tarmad as das-in-izzal Ɣaysa ǝfus-net, ibaz-t-idu. Inn-as Ɣaysa: «Ǝzǝgzan-nak irkam wǝllen, ma daɣ-ak igan aššak?» Ǝggazan aɣlal ɣas, idrar aḍu. Ǝssǝjadan-as aytedan win ǝhanen aɣlal en, gannin: «Illikan as kay a imosan Barar ǝn Mǝššina.»

As ǝɣrasan agaraw, ewadan akal ǝn Ganazaret. As ǝssanan kǝl akal en as Ɣaysa awen, ǝmalan y aytedan ǝn kallan win ɣǝlǝyɣǝlayan n edag wen, a sǝr-ǝs du-tamawayan miranan kul. Ad itawansay ad ayyu aytedan ǝdǝsan kuddeɣ tǝbǝnik ǝn tǝkadkat-net, amaran i tat-idasan ad izzǝy.

Gwranda ar Matta 14