Kamano

<div class="version vid1236 iso6393kbq" data-vid="1236" data-iso6393="kbq">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Kento a'mo mono nompi zgo ante'nea naneke</div><div class="r">(Mak 12:41-44)</div><div class="p"> 1Jisasi ranmono nompi mani'neno kesga huno nezmagege'za, feno vahe'mo'za zgoma ante taferopi ofa zgoa ante'naze. 2Hagi amunte omne kento a'mo tare osi zgo ana taferopi netregeno ke'ne. 3Jisasi'a anage huno hu'ne, Tamage hu'na neramasamue, ama amunte omne kento amo'a makamokizmia zamagtereno ante'ne. 4Na'ankure zamagra rama'a antenafinti, taferopina mago'a eme ante'naze. Hianagi ama amo'a omnetfa hunefinti, agri'ma aza hanigeno manisiama'a miko ante vgarene.</div><div class="s">Vgare knafima fore'ma hania avame'zamofo naneke</div><div class="r">(Mat 24:1-2, Mak 13:1-2)</div><div class="p"> 5Mago'a amagema nentaza disaipol nagamo'za ra mono no knare have eri'za no negiza, vahe'mo'za museza eri'za ementazaza, eriza avasese hunte'naza zantaminku naneke nehzageno, Jisasi'a amanage hu'ne. 6Amazama me'negeta negazazana, magokna esigeno'a mago havemo'e huno, mago havemofo agofetura atresageno omnegosianki, ana maka tagna vazitregahie.</div><div class="r">(Mat 24:3-14, Mak 13:3-13)</div><div class="p"> 7Hige'za, ana kegu anage hu'za antahige'za, rempi hurami ne'moka, nanknafi anazana fore hugahie? Ana knama atupama hinkeno'a nankna avame'za fore hinketa ketesunkeno anazana fore hugahie? 8Jisasi'a anage hu'ne, tamagra kva huneta atrenkeno mago'a vahe'mo'za havi kantera tamavreza oviho. Na'ankure rama'a vahe'mo'za Nagri nagifina eza anage hugahaze, nagra ana neki, hago knamo'a koftahie hanigeta, tamagra zamage anteta ovutfa hiho. 9Tamagra ha'ma hanaza agenkene, hazenkeza fore'ma haniazamofo agenkema antahisuta korera osiho, na'ankure ese'zana anazana fore hugahianagi, ame huno vgarekna omegahie. 10Jisasi mago'ane huno, mago rankumate vahe'mo'za, mago rankumate vahera hara huntesigeno, mago kinimofo naga'mo, mago kinimofo naga hara hunentesigeno, 11tusi'a imi enerisigeno, mago'a kaziga tusi'a kri fore nehinkeno, mago'a kaziga tusi'a zamaga netenkeno, monarera ruzahu ruzahu avameza fore huno vahera zmazeri zmagogofegahie. 12Hu'neanagi anazana fore osu'nena, esera tamagrira tmazeri'za kanonkeve neramami'za, tamavre'za osi mono nompine, kina nompi ome neramante'za, kini vahete'ene kamani vahetera, Nagri nagireku hu'za tamavre'za vugahaze. 13Zamagrama e'inama hanaza zamo'a, mago kankamu tamamisigeta, Nagri nagi nagenkea huama zamagritera hugahaze. 14Ana hu'negu antahiantahi hakare hutma, inaknahu ke huta tagra'a tagu vazigahune hutma osiho. 15Na'ankure Nagra nanekema hanaza kene antahintahine tamisugeta, kea hanageno, kema huramantesaza vahe'mo'za, ana kema hanazana eri otregahaze. 16Hianagi tamagritami tamarera tamafazane, tamafuhezane, tamagri'a nagamo'zane, ronetamimozane, komoru hu'za mago'amota tamahe frigahaze. 17Hagi maka'mo'za, tamagrira antahi haviza huramantegahaze. Na'ankure Nagri nagima tamagripi me'neazanteku anara hugahazanagi, 18magore huno tamasenifi tamazokamo'a fanane osugahie. 19Tamagrama ana knazampima oti hanavetita vanutma tamasimura erigahaze. 20Hianagi tamagrama negesageno sondia vahe'mo'za Jerusale kumama eme regagisagetma, Jerusale kuma azeri haviza hu'zamo'a egofta hie hutma antahiho. 21Anama hanigeno'a Judiama mni'naza vahe'mo'za freza agonarega vnageno, rankumamofo amunompi mni'nesamo'za atre'za vinkeno, megiama mani'nesamo'za rankumapina uofreho. 22Na'ankure ama'i ana kna, Anumzamo kefozazmire nona'a huzmante knagino, maka avontafepi krentenea kea eama hugahie. 23Zmu'enema hu'nesaza anene, ana knafi mofavrema ami nemiza nagamofonkura nasunku huzmantoe. Na'ankure Anumzamofo tusi'a rimpahe knazamo, ama mopafine vahete'enena egahie. 24Hagi bainati kazinu eme zmahe nefriza, zmavre'za maka kokantega kina ome hunezmantesageno, Jerusale kumara megi'a vahe'mo'za zmagiareti regugupa negrisageno, megi'a vahe'mofo knamo'a vgaregahie.</div><div class="s">Vahe'mofo Mofavrema esia naneke</div><div class="p"> 25Jisasi'a anage hu'ne, avame'zana zgerema ikante'ma ofunte fore nehina, mopafina vahe'mokizmia antahintahizmimo'a savri nehina, hanavezmi nomnenkeno, hagerimo kranto kranto huno tusi'a agasasa nerina nentahiza tusi'a kore hugahaze. (Joel 2:31) 26Mopafima fore'ma hanizamofo nege'za vahe'mo'za zamu evuevu hanige'za traka hu'za masegahaze. Na'ankure monafima me'nea hanave zantamimo'a toretore hinke'za anara hugahaze. 27Ana nehina Vahe'mofo Mofavremo'a hampompi himamu'ane, tusi'a msa'afi ne-ena kegahaze. (Dan 7:13) 28Hianagi ana maka'za erigafa huno fore nehinketa, oti hanavetita tamasenia antesga hutma keho. Na'ankure tamagri'ma tamavresia knamo'a egofta nehie.</div><div class="s">Zafamofo fronka naneke</div><div class="r">(Mat 24:32-35, Mak 13:28-31)</div><div class="p"> 29Anante Jisasi'a anage huno mago fronka kea zamasmi'ne, fiki zafare'ene maka ruga'a zafataminte keta antahita hiho. 30Zafamo'ma kasefa asinama regeta, zagegna fore hunaku higeno'e hutma nehaze. 31E'inahu avame'zama negesutma, Anumzamofo kumara kofta hie hutma tamagesa antahiho. 32Nagra tamage hu'na neramasmue, ama knafi mani'naza veamo'za ofri mani'nesnageno, ana maka'zana fore hugahie. 33Monane mopane fanane hugahianagi, Nagri kemo'a fanane osu mevava hugahie.</div><div class="s">Eri'za vahe'a mo'za kva hanaza naneke</div><div class="p"> 34Jisasi'a mago'ane anage hu'ne, tamagra kva hiho. Ru negi ti neta negineneta, makazana kva huso'e nosuta, tmavufamofo zanku antahintahi hakare hanagi, e'inahuma hanageno'a krifumo zgagafa azeriankna hu'nenigeno, ana knamo'a ame huno onkesageno tmagritera efore hugahie. 35Na'ankure maka ama mopafi mni'naza vahete ana knamo'a efore hugahie. 36Hanki tamagra maka knafina kva hutma maninetma, nunamuna huvava nehutma, hankavetita mni'neta ana maka knazama efore'ma haniana agateneretma, Vahe'mofo Mofavrema esigura avega anteho.</div><div class="p"> 37Mago mago knafina ra mono nompi veara rempi hunezmino, kinagasegeno'a Olivie huza nehaza agonare mrerino umanine. 38Hagi maka vahe'mo'za nanterampi otiza rempima huzamisige'za antahisagu ra mono nompi vu'naze.</div>
 </div>
 </div>
</div>

Jisasi ranmono nompi mani'neno kesga huno nezmagege'za, feno vahe'mo'za zgoma ante taferopi ofa zgoa ante'naze. Hagi amunte omne kento a'mo tare osi zgo ana taferopi netregeno ke'ne. Jisasi'a anage huno hu'ne, Tamage hu'na neramasamue, ama amunte omne kento amo'a makamokizmia zamagtereno ante'ne. Na'ankure zamagra rama'a antenafinti, taferopina mago'a eme ante'naze. Hianagi ama amo'a omnetfa hunefinti, agri'ma aza hanigeno manisiama'a miko ante vgarene.


Mago'a amagema nentaza disaipol nagamo'za ra mono no knare have eri'za no negiza, vahe'mo'za museza eri'za ementazaza, eriza avasese hunte'naza zantaminku naneke nehzageno, Jisasi'a amanage hu'ne. Amazama me'negeta negazazana, magokna esigeno'a mago havemo'e huno, mago havemofo agofetura atresageno omnegosianki, ana maka tagna vazitregahie.

Hige'za, ana kegu anage hu'za antahige'za, rempi hurami ne'moka, nanknafi anazana fore hugahie? Ana knama atupama hinkeno'a nankna avame'za fore hinketa ketesunkeno anazana fore hugahie? Jisasi'a anage hu'ne, tamagra kva huneta atrenkeno mago'a vahe'mo'za havi kantera tamavreza oviho. Na'ankure rama'a vahe'mo'za Nagri nagifina eza anage hugahaze, nagra ana neki, hago knamo'a koftahie hanigeta, tamagra zamage anteta ovutfa hiho. Tamagra ha'ma hanaza agenkene, hazenkeza fore'ma haniazamofo agenkema antahisuta korera osiho, na'ankure ese'zana anazana fore hugahianagi, ame huno vgarekna omegahie. Jisasi mago'ane huno, mago rankumate vahe'mo'za, mago rankumate vahera hara huntesigeno, mago kinimofo naga'mo, mago kinimofo naga hara hunentesigeno, tusi'a imi enerisigeno, mago'a kaziga tusi'a kri fore nehinkeno, mago'a kaziga tusi'a zamaga netenkeno, monarera ruzahu ruzahu avameza fore huno vahera zmazeri zmagogofegahie. Hu'neanagi anazana fore osu'nena, esera tamagrira tmazeri'za kanonkeve neramami'za, tamavre'za osi mono nompine, kina nompi ome neramante'za, kini vahete'ene kamani vahetera, Nagri nagireku hu'za tamavre'za vugahaze. Zamagrama e'inama hanaza zamo'a, mago kankamu tamamisigeta, Nagri nagi nagenkea huama zamagritera hugahaze. Ana hu'negu antahiantahi hakare hutma, inaknahu ke huta tagra'a tagu vazigahune hutma osiho. Na'ankure Nagra nanekema hanaza kene antahintahine tamisugeta, kea hanageno, kema huramantesaza vahe'mo'za, ana kema hanazana eri otregahaze. Hianagi tamagritami tamarera tamafazane, tamafuhezane, tamagri'a nagamo'zane, ronetamimozane, komoru hu'za mago'amota tamahe frigahaze. Hagi maka'mo'za, tamagrira antahi haviza huramantegahaze. Na'ankure Nagri nagima tamagripi me'neazanteku anara hugahazanagi, magore huno tamasenifi tamazokamo'a fanane osugahie. Tamagrama ana knazampima oti hanavetita vanutma tamasimura erigahaze. Hianagi tamagrama negesageno sondia vahe'mo'za Jerusale kumama eme regagisagetma, Jerusale kuma azeri haviza hu'zamo'a egofta hie hutma antahiho. Anama hanigeno'a Judiama mni'naza vahe'mo'za freza agonarega vnageno, rankumamofo amunompi mni'nesamo'za atre'za vinkeno, megiama mani'nesamo'za rankumapina uofreho. Na'ankure ama'i ana kna, Anumzamo kefozazmire nona'a huzmante knagino, maka avontafepi krentenea kea eama hugahie. Zmu'enema hu'nesaza anene, ana knafi mofavrema ami nemiza nagamofonkura nasunku huzmantoe. Na'ankure Anumzamofo tusi'a rimpahe knazamo, ama mopafine vahete'enena egahie. Hagi bainati kazinu eme zmahe nefriza, zmavre'za maka kokantega kina ome hunezmantesageno, Jerusale kumara megi'a vahe'mo'za zmagiareti regugupa negrisageno, megi'a vahe'mofo knamo'a vgaregahie.

Jisasi'a anage hu'ne, avame'zana zgerema ikante'ma ofunte fore nehina, mopafina vahe'mokizmia antahintahizmimo'a savri nehina, hanavezmi nomnenkeno, hagerimo kranto kranto huno tusi'a agasasa nerina nentahiza tusi'a kore hugahaze. (Joel 2:31) Mopafima fore'ma hanizamofo nege'za vahe'mo'za zamu evuevu hanige'za traka hu'za masegahaze. Na'ankure monafima me'nea hanave zantamimo'a toretore hinke'za anara hugahaze. Ana nehina Vahe'mofo Mofavremo'a hampompi himamu'ane, tusi'a msa'afi ne-ena kegahaze. (Dan 7:13) Hianagi ana maka'za erigafa huno fore nehinketa, oti hanavetita tamasenia antesga hutma keho. Na'ankure tamagri'ma tamavresia knamo'a egofta nehie.


Anante Jisasi'a anage huno mago fronka kea zamasmi'ne, fiki zafare'ene maka ruga'a zafataminte keta antahita hiho. Zafamo'ma kasefa asinama regeta, zagegna fore hunaku higeno'e hutma nehaze. E'inahu avame'zama negesutma, Anumzamofo kumara kofta hie hutma tamagesa antahiho. Nagra tamage hu'na neramasmue, ama knafi mani'naza veamo'za ofri mani'nesnageno, ana maka'zana fore hugahie. Monane mopane fanane hugahianagi, Nagri kemo'a fanane osu mevava hugahie.

Jisasi'a mago'ane anage hu'ne, tamagra kva hiho. Ru negi ti neta negineneta, makazana kva huso'e nosuta, tmavufamofo zanku antahintahi hakare hanagi, e'inahuma hanageno'a krifumo zgagafa azeriankna hu'nenigeno, ana knamo'a ame huno onkesageno tmagritera efore hugahie. Na'ankure maka ama mopafi mni'naza vahete ana knamo'a efore hugahie. Hanki tamagra maka knafina kva hutma maninetma, nunamuna huvava nehutma, hankavetita mni'neta ana maka knazama efore'ma haniana agateneretma, Vahe'mofo Mofavrema esigura avega anteho.
Mago mago knafina ra mono nompi veara rempi hunezmino, kinagasegeno'a Olivie huza nehaza agonare mrerino umanine. Hagi maka vahe'mo'za nanterampi otiza rempima huzamisige'za antahisagu ra mono nompi vu'naze.

Gwranda ar Luku 21