Ojibwe - 2012 Edition (Syllabic) (NT - Drama)

ᑮᐊᔮ ᐯᔑᒃ ᐃᓂᓂ ᐁᑮᐋᑯᓯᒡ, ᓬᐋᓴᕒᐊᔅ Lazarus ᐁᐃᔑᓂᑳᓱᒡ᙮ ᑮᐃᔑᑖ ᐃᒫ ᐯᑕᓃᕽ Bethany , ᒦᐃᒫ ᐆᑌᓈᓯᕽ ᑲᔦ ᐐᓇᐙ ᑳᐃᔑᑖᐙᒡ ᒣᕒᐃ Mary ᐃᓂ ᑲᔦ ᐐᒋᑴᓐ ᒫᕒᑕ Martha ᙮ ᒦ ᐗᐊ ᒣᕒᐃ ᑫᐴᓯᓯᑌᓈᒡ ᒋᓴᓲᓐ ᐃᐃᐌ ᒥᓈᑾᐅᓐ ᑲᔦ ᑫᑳᓯᓯᑌᐙᒡ ᐐᓂᓯᓴᓐ ᑫᐋᐸᒋᑑᒡ᙮ ᒦᐗᓂᓂ ᑳᑮᐋᑯᓯᓂᒡ ᓬᐋᓴᕒᐊᓴᓐ ᑳᑮᐅᑕᐌᒫᒡ᙮ ᐅᑯ ᐃᑴᐗᒃ ᐅᑮᐃᔑᓂᔕᐙᐙᓐ ᐊᐎᔭᓐ ᒋᐊᐎᐐᑕᒪᐙᓂᒡ ᒋᓴᓲᓐ, ᒋᑎᐹᒋᒫᓂᒡ ᐅᑕᐌᒫᐙᓐ᙮ ᑌᐯᒋᑫᔭᓐ, ᐋᑯᓯ ᑳᓵᑭᐊᒡ, ᐅᑮᐃᓈᐙᓐ᙮
ᐊᐲ ᑕᔥ ᑳᓅᑕᕽ, ᒦ ᐃᐌ ᑮᐃᑭᑐ ᒋᓴᔅ: ᐅᐅᐌ ᑳᔑᐋᑯᓯᒡ ᑲᑭᓇ ᐃᐌ ᑮᐃᔥᒀᓭᓂᒃ ᑳᐐᓐ ᑕᓂᐳᓰ᙮ ᒋᐅᒋᐙᐸᒋᑳᑌᓂᒃ ᐃᑕᔥ ᐅᑭᒋ ᐃᓀᑖᑯᓯᐎᓐ ᑭᔐᒪᓂᑑ ᐅᐌ ᐅᒋ ᐃᔑᐊᔮ, ᑲᔦᔥ ᑭᔐᒪᓂᑑ ᐅᑯᓯᓴᓐ ᒋᐅᒋᑭᒋ ᐃᓀᒋᑲᓂᐎᓂᒡ᙮
ᒋᓴᔅ ᐋᓃᔥ ᐅᑮᓵᑭᐋᐞ ᐃᓂ ᒫᕒᑕᐗᓐ ᑲᔦ ᐃᓂ ᐐᒋᑴᓂ ᑲᔦ ᐃᓂ ᓬᐋᓴᕒᐊᓴᓐ᙮ ᐃᐌᔥ ᐊᐲ ᑳᑮᓅᑕᕽ ᐁᐋᑯᓯᓂᒡ, ᑫᔮᐱ ᓃᔓᑯᓐ ᐃᐃᒫ ᑮᐊᔮ ᑳᑮᐃᔑᐊᔮᒡ᙮ ᒦᑕᔥ ᑫᑲᐲ ᐅᑮᑲᓅᓈᐞ ᐅᑭᑭᓄᐊᒪᐙᑲᓇᐞ: ᐊᐤ, ᒦᓇᐙ ᑮᐌᓄᑕᑖ ᒎᑏᔭ Judea , ᐅᑮᐃᓈᐞ᙮
ᐅᑭᑭᓄᐊᒪᐙᑲᓇᐞ ᐃᑕᔥ ᐅᑮᐃᑰᐞ: ᐅᑭᑭᓄᐊᒫᑫ! ᐅᑮᐃᑰᐞ᙮ ᒦ ᐌᑎ ᒎᐗᒃ ᑮᐃᓀᑕᒨᒃ ᐁᐐᐱᒶᓯᓇᐃᒀ! ᑭᐐᐃᔖ ᓇ ᒦᓇᐙ ᐌᑎ? ᐅᑮᐃᑰᐞ᙮
ᒋᓴᔅ ᐃᑕᔥ ᐅᑮᓇᑴᑕᐙᐞ: ᑳᐐᓐ ᐃᓇ ᒥᑖᔀᔑᓃᔓ ᑎᐸᐃᑲᓀᔮᓯᓅᓐ ᐁᐯᔑᑯᑮᔑᑲᒃ? ᐊᐎᔭ ᐱᑯ ᐁᐱᒧᓭᒡ ᐁᑮᔑᑲᓂᓂᒃ ᑳᐐᓐ ᑕᐱᓱᔑᓰ, ᐁᐙᐸᑕᕽ ᐁᐙᓭᔮᓂᒃ ᐅᐅ ᐊᑭ᙮ ᑮᔥᐱᓐ ᑕᔥ ᓃᐹᐱᒧᓭᒡ ᑕᐱᓱᔑᓐ᙮ ᐋᓃᔥ ᑳᐐᓐ ᐅᐐᒌᐎᑯᓰᓐ ᐃᐃ ᐙᓭᔮ ᐁᑎᐱᑲᓂᓂᒃ, ᑮᐃᑭᑐ᙮ ᐅᐅᐌᔥ ᑮᐊᓂ ᐃᑭᑐ: ᑮᒌᓈᓐ ᓬᐋᓴᕒᐊᔅ ᓂᐹ᙮ ᓂᐐᐃᔖ ᑕᔥ, ᓂᐐᐊᑕᐊᒪᒋᐋ, ᑮᐃᑭᑐ᙮
ᐅᑭᑭᓄᐊᒪᐙᑲᓇᐞ ᐃᑕᔥ ᑮᐃᑭᑐᐗᐞ: ᑮᔥᐱᓐ ᓴ ᓂᐹᑴᓐ ᑕᒥᓄᐊᔮ, ᐅᑮᐃᑰᐞ᙮
ᒋᓴᔅ ᐃᑕᔥ ᐅᑮᐃᑖᓐ ᐃᐌ ᐁᑮᐃᔥᒀᐱᒫᑎᓯᓂᒡ ᓬᐋᓴᕒᐊᓴᓐ, ᐐᓇᐙ ᑕᔥ ᐅᑮᐃᓂᑕᐙᐙᓐ ᒋᓴᓲᓐ ᐁᑮᐃᓈᓂᒡ ᐁᒥᒋᐋᑌᔑᓂᓂᒡ ᐁᓂᐹᓂᒡ᙮ ᒦᑕᔥ ᒋᓴᔅ ᑾᔭᒃ ᐅᑮᐐᑕᒪᐙᐞ: ᓬᐋᓴᕒᐊᔅ ᑮᓂᐳ, ᐅᑮᐃᓈᐞ᙮ ᓂᒥᓉᑕᒻ ᐃᑕᔥ ᑮᓇᐙ ᐅᒋ ᐃᐃᒫ ᐁᑮᐊᔮᓯᐙᓐ, ᒋᐅᒋᑌᐺᔦᑕᒣᒃ᙮ ᐊᐤ ᐃᑕᔥ, ᐊᑕᐙᐸᒫᑖ, ᐅᑮᐃᓈᐞ᙮
ᑣᒪᔅ Thomas ᐃᑕᔥ, ᓃᔓᐅᑌ ᑳᐃᔑᐐᓱᒡ, ᐅᑮᑲᓅᓈᐞ ᐅᐐᒋᑭᑭᓄᐊᒪᐙᑲᓇᐞ: ᒦ ᑯ ᒫᓄ ᐐᒌᐙᑖ ᐅᑭᑭᓄᐊᒫᑫ, ᒋᑕᔑᐐᒋᓂᐴᒪᕽ, ᐅᑮᐃᓈᐞ᙮

ᐊᐲᔥ ᐌᑎ ᑌᑶᔑᕽ ᐊᐊ ᒋᓴᔅ, ᐅᑮᓅᑖᓐ ᐋᔕ ᓃᔪᑯᓐ ᐊᐸᓐ ᐁᑮᓇᐃᓂᑲᓂᐎᓂᒡ ᓬᐋᓴᕒᐊᓴᓐ Lazarus ᙮ ᐃᐌ ᑕᔥ ᐯᑕᓂ Bethany ᑳᐐᓐ ᑮᐅᒋᐙᓴᐗᓯᓅᓐ ᐃᒫ ᒉᕒᐆᓴᓬᐊᒥᕽ Jerusalem ᙮ ᑳᐐᓐ ᑮᑌ ᓃᔓᑎᐸᐃᑲᓀᔮᓯᓅᓐ ᒥᓂᒃ᙮ ᓃᐱᐗᐞ ᐃᒫ ᒎᑏᔮᕽ Judea ᑳᐅᒌᐙᒡ ᐅᑮᐱᐅᒋᓈᓯᑲᐙᐙᐞ ᒫᕒᑕᐗᓐ Martha ᑲᔦ ᒣᕒᐄᓐ Mary ᐁᐐᑲᑴᐱᓵᓂᐋᐙᒡ ᐃᓂ ᐅᑕᐌᒫᓂ ᐁᑮᐃᔥᒀᐱᒫᑎᓯᓂᒡ᙮
ᐱᒌᓇᒃ ᐃᑯ ᒫᕒᑕ ᐁᑮᓅᑕᕽ ᐁᐱᑕᑶᔑᓂᓂᒡ ᒋᓴᓲᓐ, ᔐᒫᒃ ᑮᐊᓂᓵᑲᐊᒻ ᐁᐊᑕᓇᑭᔥᑲᐙᒡ ᐃᓂ ᒋᓴᓲᓐ᙮ ᐊᐊᔥ ᒣᕒᐃ ᑫᔮᐱ ᑮᐊᔭᐱ ᐃᒫ ᐅᐙᑳᐃᑲᓂᐙᕽ᙮ ᒫᕒᑕ ᑕᔥ ᐅᑮᑲᓅᓈᓐ ᒋᓴᓲᓐ: ᑌᐯᒋᑫᔭᓐ! ᐅᑮᐃᓈᓐ᙮ ᑮᔥᐱᓐ ᐅᐅᒫ ᑮᐊᔮᔭᐸᓐ, ᑳᐐᓐ ᑖᑮᓂᐳᓰ ᓂᑕᐌᒫ, ᐅᑮᐃᓈᓐ᙮ ᓂᑭᑫᑖᓐ ᑕᔥ ᐊᐴᔥᑫ ᓅᑯᒻ ᐃᑯ ᑫᔮᐱ, ᐱᑯ ᑫᑰᓐ ᑲᑴᒋᒪᒡ ᑭᔐᒪᓂᑑ, ᑭᑲᒦᓂᒃ, ᐅᑮᐃᓈᓐ᙮
ᑕᑮᐌᐱᒫᑎᓯ ᑭᑕᐌᒫ, ᐅᑮᐃᓈᓐ ᒋᓴᔅ ᐃᓂ ᒫᕒᑕᐗᓐ᙮
ᒦᔥ ᑳᐃᑯᒡ: ᓂᑭᑫᑖᓐ ᒦᓇᐙ ᒋᑮᐌᐱᒫᑎᓯᒡ ᐃᔥᒀᒡ ᑮᔑᑲᓂᓂᒃ, ᐅᑮᐃᑰᓐ᙮ ᒋᓴᔅ ᐃᑕᔥ ᑮᐃᑭᑐ: ᓃᓐ ᐗᐊ ᑳᑮᐌᐱᒫᑎᓯᐊᒀ ᐊᐎᔭᒃ, ᓃᓐ ᑫᒦᑭᐌᒡ ᐱᒫᑎᓯᐎᓐ᙮ ᐊᐌᔥ ᑳᑌᐺᔦᓂᒥᒡ, ᐋᓇ ᓂᐳᒡ, ᑫᔮᐱ ᑕᐱᒫᑎᓯ᙮ ᐊᐎᔭ ᐁᐱᒫᑎᓯᒡ ᑌᐺᔦᓂᒥᒡ, ᑳᐐᓐ ᐐᑳ ᑕᓂᐳᓰ᙮ ᑭᑌᐺᔦᑖᓐ ᐃᓇᔥ ᐅᐅ? ᐅᑮᐃᓈᓐ᙮
ᐁᐊᐞ, ᐅᑮᐃᑰᓐ᙮ ᓂᑌᐺᔦᑖᓐ, ᑌᐯᒋᑫᔭᓐ᙮ ᑮᓐ ᐗᐊ ᑭᑖᐤ ᑭᔐᒪᓂᑑ ᑳᑮᐅᓀᓂᒫᒡ ᒋᐱᒫᒋᐃᐌᓂᒡ, ᐅᑮᐃᑰᓐ᙮ ᑮᓐ ᐅᑯᓯᓴᓐ ᑭᔐᒪᓂᑑ ᑳᑮᐐᐱᔭᔮᓂᒡ ᐅᒫ ᐊᑮᕽ, ᐅᑮᐃᑰᓐ ᒫᕒᑕᐗᓐ᙮

ᐊᐲ ᑕᔥ ᐅᐅ ᑳᐃᔥᒀᐃᑭᑐᒡ ᒫᕒᑕ Martha , ᑮᐊᓂᑮᐌ ᐁᑮᐊᐎᐊᑐᒫᒡ ᐐᒋᑴᓐ ᒣᕒᐄᓐ Mary , ᑮᒨᒡ ᐁᑮᑲᓅᓈᒡ᙮ ᐅᑭᑭᓄᐊᒫᑫ ᑕᑶᔑᓐ, ᑭᐐᐙᐸᒥᒃ, ᐅᑮᐃᓈᓐ᙮ ᐊᐲᔥ ᑳᓅᑖᑯᒡ, ᔐᒫᒃ ᑮᐸᓯᑶᒋᓭᐗᓐ ᐁᑮᐊᐎᓈᓯᑲᐙᓂᒡ ᒋᓴᓲᓐ᙮ ᒋᓴᔅ ᐃᑕᔥ ᑳ ᒪᔑ ᐃᐃᒫ ᑮᐱ ᐃᔖᓰ ᐆᑌᓇᐌᓯᕽ᙮ ᑫᔮᐱ ᐌᑎ ᑮᐊᔮ ᒫᕒᑕᐗᓐ ᑳᑮᐃᔑᓇᑭᔥᑳᑯᒡ᙮ ᐃᑭ ᑕᔥ ᒎᐗᒃ ᑳᑮᐐᑕᐱᒫᐙᒡ ᒣᕒᐄᓐ ᐅᐙᑳᐃᑲᓂᓃᕽ ᐁᐐᐱᓵᓂᐋᐙᒡ ᐃᑕᔥ ᐁᑮᐸᓯᑶᒋᓭᓂᒡ ᐁᐊᓂᒫᒑᓂᒡ, ᐅᑮᐊᓂᐱᒥᓂᔕᐙᐙᓐ᙮ ᐃᔖᑐᒃ ᑳᔑᓇᐃᓂᑎᕽ ᐁᐊᐎᒪᐎᒡ ᐌᑎ, ᑮᐃᓀᑕᒨᒃ᙮
ᒣᕒᐃ ᐊᐲ ᑌᑶᔑᕽ ᐃᐃᒫ ᐁᐊᔮᓂᒡ ᒋᓴᓲᓐ, ᐁᐙᐸᒫᒡ ᑮᐊᐸᓂᐅ ᑳᔑᓯᑌᑳᐸᐎᓂᒡ᙮ ᑌᐯᒋᑫᔭᓐ, ᐅᑮᐃᓈᓐ, ᑮᔥᐱᓐ ᐅᒫ ᐊᔮᔭᐸᓐ, ᑳᐐᓐ ᑖᑮᐃᔥᒀᐱᒫᑎᓯᓰ ᓂᑕᐌᒫ, ᐅᑮᐃᓈᓐ᙮
ᒋᓴᔅ ᐃᑕᔥ ᐁᑮᐙᐸᒫᒡ ᐁᒪᐎᓂᒡ, ᐃᐃ ᑲᔦ ᒎᐗᐞ ᑳᑮᐱᐐᒌᐎᑯᓂᒡ ᐁᒪᐎᓂᒡ, ᑮᐐᓴᑲᒪᒋᐅ᙮ ᐐᑫ ᑮᒥᑯᔥᑳᑌᑕᒻ ᐅᑕᒑᑯᕽ᙮ ᐋᑎ ᑕᔥ ᑳᐃᔑᓇᐃᓀᒃ? ᐅᑮᐃᓈᐞ᙮
ᐱᐙᐸᑕᓐ, ᑌᐯᒋᑫᔭᓐ, ᐅᑮᐃᑰᐞ᙮
ᒋᓴᔅ ᑮᐅᒋᑲᐙᐱ᙮ ᒦᔥ ᐃᐌ ᑮᐃᑭᑐᐗᒃ: ᐃᓇᔥᑫ ᑳᐊᐲᒋᓵᑭᐋᒡ! ᑮᐃᑎᐗᒃ᙮
ᐋᓂᑕ ᑕᔥ ᑮᐃᑭᑐᐗᒃ: ᒦ ᐗᐊ ᐃᓂᓂ ᑳᑮᐙᐱᐋᒡ ᐃᓂ ᑳᐙᐱᓯᓂᒃ᙮ ᑰᓂᑫ ᑕᔥ ᐅᑖᑮᑲᔥᑭᑑᓐ ᒋᑮᓂᐳᓯᓂᑭᐸᓐ ᑳᑮᓂᐳᓂᒡ?

ᒋᓴᔅ ᒦᓇᐙ ᐊᐲ ᐁᑮᒥᑯᔥᑳᑌᑕᕽ ᐲᒋᓇᐤ, ᑮᐃᔖ ᑕᔥ ᑳᐃᔑᓇᐃᓂᒥᓐᒡ᙮ ᑮᐐᐸᑲᒥᑳ ᐃᒫ, ᐊᓯᓐ ᐃᑕᔥ ᐃᐃᒫ ᑮᑭᐸᐱ ᐁᐃᔥᒀᑌᒥᐗᕽ᙮ ᒋᓴᔅ ᐃᑕᔥ ᐅᑮᑲᓅᓈᐞ: ᑕᐎᔑᒥᒃ ᐊᐊ ᐊᓯᓐ! ᐅᑮᐃᓈᐞ᙮
ᒫᕒᑕ Martha , ᐅᑕᐌᒫᓂ ᐃᓂ ᑳᑮᓂᐳᓂᒡ, ᐅᑮᑲᓅᓈᓐ: ᑌᐯᒋᑫᔭᓐ, ᐋᔕ ᒫᔑᒫᑾᓄᑐᒃ, ᐋᔕ ᓃᔪᑯᓐ ᐊᐸᓐ ᑳᑮᐊᔮᒡ ᐃᐃᒫ, ᐅᑮᐃᓈᓐ᙮
ᒋᓴᔅ ᑮᐃᑭᑐ: ᑳᐐᓐ ᐃᓇ ᑭᑮᐃᓂᓯᓅᓐ, ᑮᔥᐱᓐ ᑌᐺᔦᑕᒪᓐ ᑭᑲᐙᐸᒫ ᑭᔐᒪᓂᑑ ᒋᓈᑯᑑᒡ ᐅᑭᒋ ᐃᓀᑖᑯᓯᐎᓐ? ᐅᑮᐃᓈᓐ᙮ ᒦᑕᔥ ᑳᐃᔑᑕᐎᔑᒫᐙᒡ ᐊᓯᓃᓐ᙮ ᒋᓴᔅ ᐃᑕᔥ ᐃᔥᐱᒥᕽ ᐁᑮᐃᓈᐱᒡ ᑮᐃᑭᑐ: ᓂᑌᑌ! ᑭᒦᑴᒋᐎᐃᓐ ᐁᐱᓯᑕᐎᔭᓐ! ᓂᑭᑫᑖᓐ ᒨᔕᒃ ᐁᐱᓯᑕᐎᔭᓐ᙮ ᐅᑯ ᑕᔥ ᑳᓃᐸᐎᐙᒡ ᐅᒫ ᑳᐅᒋ ᐃᑭᑐᔮᓐ, ᒋᑌᐺᔦᓂᒥᐙᒡ ᑮᓐ ᐁᑮᐲᒋᓂᔕᐅᔭᓐ᙮ ᐊᐲᔥ ᐅᐌ ᑳᐃᑭᑐᒡ, ᑮᔖᑯᐌ: ᓬᐋᓴᕒᐊᔅ! Lazarus ᐱᓵᑲᐊᓐ! ᒦᔥ ᑮᐱᓵᑲᐊᒨᓐ ᐃᓂ ᑳᑮᐃᔥᒀᐱᒫᑎᓯᓂᒡ, ᐅᓂᑭᓃᕽ, ᐅᓯᑎᓃᕽ ᑫᔮᐱ ᐁᒥᒋᒪᐱᓱᓂᒡ ᓇᐃᓂᑏᐎ ᑎᑎᐯᔩᑭᓂᑲᓇᓐ, ᑲᔦ ᐁᐊᑲᐙᐸᐱᓱᓂᒡ ᐙᐱᔥᑮᑭᓅᓂ᙮ ᒦᑕᔥ ᒋᓴᔅ ᑮᐃᑭᑐ: ᐋᐱᔅᑯᓂᒃ, ᐸᑭᑎᓂᒃ! ᐅᑮᐃᓈᐞ᙮


ᓃᐱᐗᐞ ᐃᑭ ᐊᐎᔭᒃ ᑳᑮᐱᒪᐗᑎᓵᐙᒡ ᒣᕒᐄᓐ Mary ᐅᑮᐙᐸᒫᐙᓐ ᐃᐃ ᑳᑮᐃᔑᒋᑫᓂᒡ ᒋᓴᓲᓐ᙮ ᑫᐐᓇᐙ ᑕᔥ ᐅᑮᑌᐺᔦᓂᒫᐙᓐ᙮ ᐋᓂᑕ ᑕᔥ ᑮᐊᓂᒫᒑᐗᒃ ᐁᑮᐊᑕᐙᐸᒫᐙᒡ ᐃᐃ ᐯᕒᐊᓰᐞ Pharisees ᐁᑮᐐᑕᒪᐙᐙᒡ ᑳᑮᐃᔑᒋᑫᓂᒡ ᒋᓴᓲᓐ᙮ ᒦᔥ ᑮᒫᒪᐎ ᒫᐗᒋᐃᑎᐗᒃ ᐯᕒᐊᓰᒃ ᑲᔦ ᑭᒋᐊᓇᒥᐁᐎᑭᒫᒃ ᑲᔦ ᑳᓂᑖᐅᓈᑯᓂᑫᐙᒡ, ᐁᑮᓈᓈᑲᓱᐌᐙᒡ᙮ ᐋᓃᓐ ᑫᑑᑕᒪᕽ? ᑮᐃᑎᐗᒃ᙮ ᓃᐱᐗᐞ ᐅᔕ ᐊᓂᑑᑕᒻ ᒫᒪᑳᒋᒋᑫᐎᓇᓐ ᐗᐊ ᐃᓂᓂ, ᑮᐃᑭᑐᐗᒃ᙮ ᑮᔥᐱᓐ ᐃᑯ ᐃᔑᐸᑭᑎᓇᒪᐗᕽ, ᑲᑭᓇ ᐊᐎᔭᐞ ᐅᑲᓂᑌᐺᔦᓂᒥᑰᐞ! ᐃᑭ ᑕᔥ ᐅᕒᐆᒥᕽ Rome ᑳᐅᒋᑎᐯᑖᑯᓯᐙᒡ ᑳᐅᑭᒫᐌᑖᑯᓯᐙᒡ ᑕᐱᓇᓇᐃᒋᑫᐗᒃ, ᑭᑲᐱᓂᔑᐗᓈᒋᑕᒫᑯᓈᓐ ᑭᑕᑮᒥᓈᓐ ᑲᔦ ᑭᑭᒋᐊᓇᒥᐁᐎᑲᒥᑯᓈᓐ, ᑮᐃᑎᐗᒃ᙮
ᐯᔑᒃ ᐃᑕᔥ ᐊᐊ, ᑫᔭᐸᔅ Caiaphas ᑳᐃᔑᓂᑳᓱᒡ, ᒫᐗᒡ ᑮᑭᒋᐊᓇᒥᐁᐎᑭᒫᐎ ᐃᐃᐌ ᑳᑮᐊᑮᐗᕽ᙮ ᒦ ᐃᐌ ᑮᐃᑭᑐ: ᑳᐐᓐ ᐊᐙᒡ ᑫᑰᓐ ᑭᑭᑫᑕᓰᓈᐙ! ᑮᐃᑭᑐ᙮ ᑳᐐᓐ ᐃᓇ ᑭᐙᐸᑕᓰᓈᐙ? ᓇᐗᒡ ᐃᐃ ᑖᒥᓄᐋᐸᑕᓂᓂ ᒣᔥᑾᒡ ᐯᔑᒃ ᐊᐊ ᐃᓂᓂ ᒋᓂᐴᑕᒪᐙᐸᓐ ᐃᐃ ᐯᒫᑎᓯᓂᒡ, ᑲᑭᓇ ᑕᔥ ᐐᓐ ᑳᑕᔑᔭᕽ ᐅᐅᒫ ᑭᑕᑮᒥᓈᓂᕽ ᒋᓂᔑᐗᓈᑎᓯᓯᐗᕽ, ᑮᐃᑭᑐ᙮ ᑳᐐᓐ ᐋᓃᔥ ᐐᓐ ᐃᑯ ᐃᐃᒫ ᑮᐅᒋᑮᑭᑐᓰ ᐃᐃᐌ ᐁᑮᐃᑭᑐᒡ᙮ ᒫᐗᒡ ᐁᑮᑭᒋᐊᓇᒥᐁᐎᑭᒫᐎᒡ ᐃᐃᐌ ᑳᑮᐊᑮᐗᕽ, ᑮᒦᓂᑰᐎᓯ ᑭᔐᒪᓂᑑᓈᕽ ᒋᐅᒋᑮᑭᑐᒡ, ᐁᑮᐅᒋᓃᑳᓂᑎᐹᒋᒫᒡ ᒋᓴᓲᓐ ᒋᓂᐴᑕᒪᐙᓂᒡ ᑲᑭᓇ ᒎᐗᐞ ᑳᑕᓶᐙᓇᑭᓯᓂᒡ᙮ ᑳᐐᓐ ᐃᑕᔥ ᐃᓂᐌᓂᐗᐞ ᐁᑕ ᒋᓂᐴᑕᒪᐙᓂᒡ, ᑲᑭᓇ ᓴ ᐐᓐ ᑭᔐᒪᓂᑑ ᐅᓃᒑᓂᓴᐞ ᒥᓯᐌ ᐯᐸᑳᓐ ᐊᑮᕽ ᑳᔑᐊᔪᓶ ᐅᑕᔮᐎᓂᓂᒡ, ᒋᒫᒪᐎᐋᓂᒡ ᒋᐯᔑᑴᑖᑯᓯᓂᒡ ᐅᓃᒑᓂᓴᐞ᙮
ᒦᔥ ᐅᐌ ᐅᒋ ᐊᐲ ᐁᑮᔑᑲᓂᓂᒃ, ᐅᑮᐊᓂ ᐃᔑᐆᓀᑖᓈᐙ ᐅᓃᑳᓂᓰᒃ ᒋᓂᓵᐙᒡ ᒋᓴᓲᓐ᙮ ᒦᔥ ᐅᐌ ᐅᒋ, ᒋᓴᔅ ᑳᐐᓐ ᑫᔮᐱ ᐃᒫ ᑮᐐᐸᐹᓈᑯᓯᓰ ᐃᐃᒫ ᒎᑏᔮᕽ Judea ᙮ ᑮᒫᒑ ᑕᔥ, ᐃᐌᑎ ᐁᑮᐃᔖᒡ ᐊᑮᕽ ᐁᔑᐯᔓᐗᓂᓂᒃ ᐱᑾᑕᑲᒥᑳᕽ, ᐁᑮᑕᑶᔑᕽ ᐌᑎ ᐆᑌᓇᐌᓯᕽ ᐄᐸᕒᐃᔭᒻ Ephraim ᐁᐃᔑᓂᑳᑌᓂᒃ᙮ ᒦᔥ ᐃᐃᒫ ᑮᐊᔭᔮ ᐁᑮᐐᒋᐊᔮᒫᒡ ᐅᑭᑭᓄᐊᒪᐙᑲᓇᐞ᙮
ᐋᔕ ᑫᑳ ᑮᐊᓂᐅᒋᒋᓭᓂ ᐁᐐᐃᔑᒌᑲᑲᒥᑭᓯᐙᒡ ᒎᐗᒃ ᐁᐐᐱᒫᒋᐃᑰᐎ ᐐᑾᑎᓈᓂᐗᕽ᙮ ᓃᐱᐗᐞ ᐃᑕᔥ ᑮᐱᐊᔫᒌᐗᒃ ᑳᔑᐆᑌᓇᐗᓯᓂᓂᒃ ᑳᔑᑕᑖᓂᐗᓂᓂᒃ, ᐁᑮᐃᔖᐙᒡ ᐃᐃᒫ ᒉᕒᐆᓴᓬᐊᒥᕽ Jerusalem , ᐱᓇᒫ ᐊᑲᐌ ᐁᐐᐯᑭᐃᑎᓱᐙᒡ ᒋᑆ ᐐᒋᐃᐌᐙᒡ ᐱᒫᒋᐃᑰᐎ ᐐᑾᑎᐎᓂᕽ ᒋᒥᓍᐸᒥᑯᐙᒡ ᑭᔐᒪᓂᑑᓐ᙮ ᐅᑮᓇᓈᑕᐙᐸᒫᐙᓐ ᒋᓴᓲᓐ; ᔑᑾᔥ ᐁᓈᓃᐸᐎᐙᒡ ᐃᑯ ᑭᒋᐊᓇᒥᐁᐎᑲᒥᑯᕽ ᑮᐃᔑᑲᓅᓂᑎᐗᒃ: ᐋᓃᓐ ᑮᓐ ᐁᓀᑕᒪᓐ? ᑳ ᒫᐐᓐ ᑕᐱ ᐃᔖᓰ ᐅᒫ ᐐᑾᑎᐎᓂᕽ, ᑮᐃᑭᑐᐗᒃ᙮ ᑭᒋᐊᓇᒥᐁᐎᑭᒫᒃ ᐃᑕᔥ ᑲᔦ ᐯᕒᐊᓰᒃ ᐋᔕ ᑮᐃᔑᐅᓇᔓᐌᐗᒃ: ᑮᔥᐱᓐ ᐊᐎᔭ ᑭᑫᑕᕽ ᐋᑎ ᐁᔮᓂᒡ ᐃᓂ ᒋᓴᓲᓐ, ᑕᑎᐹᒋᒧ, ᓂᑲᐱᐐᑕᒫᑯᓈᓐ, ᓂᑲᑕᑯᓂᒫᓈᓂᓐ, ᑮᐃᑭᑐᐗᒃ᙮

Gwranda ar ᒞᓐ 11