মার্ক 2
2
প্রভু যীশু কাই হঃঅ ইকা দাড়িঃআয় (অবস হড় কে বুগি) মথি 9:1 -8; লুকা 5:17 -26
1কথক মাহা তায়্ম ইনি অটঃহঅ গে কুপুর নাহুম নাগ্রাঃআতে রুয়াড় হিচা কানায় মেন্তে আয়ুমেনা যে ইনি দ অড়াঃরে মেনাইয়া।
2হেৎদ আয়াঃআ হান্ডে নিন্তিত হড় কু হিচ্ হুন্ডি এনা যে, দুয়ার বুটারে হঃঅ তিঁগু রাঃআ ঠাঁও বায়াঃ না। হেৎদ ইনি ইঙ্কূ য়া হান্ডে বচন উচ্ছান এম এ লাগায়্নায়।
3ইন্তং হড়কু দ উপুন হড় লিয়া মিয়াৎ হড়ম অবস হড় কে বহা আগুচ কেনাকু ইনি রাঃআ হান্ডে।
4মেন্খান ভিড় নাতিনাং ইনি রাঃআ হান্ডে কাকু আগু দাড়িলিচ খান, ইনি কদেররে তাহিলেনায়, ইনা সজেরাঃআ সাড়মি ফঁংকা কাতেৎ আয়াঃআ সামাং রেকু পারকম লঅ আড়গু কিয়াঃকু অকা পারকমরে গিতিচ তাহীন কেনায়।
5ইঙ্কূ য়াঃ পাতিয়া ঞেলকাতেৎ যীশু ইনি হড়ম অবস হড় কে গামাইঃআ, এ হন, আমাঃআ যত কাই ইকা এনা।
6মেন্খান এন্ডে কথক কটাল কু দুপ তাহিলেনা; ইঙ্কূ দ মনে মনেতে নেকা বাকঝোড়ি তানা,
7হিঁঃই হড় দ নেকান জাগার চিয়াঃ এ গামে তানা ? হাঁইঃমা ঈশ্বর নিন্দায় তানাদ; ইনি মিয়ুড় গে, অর্থাৎ ঈশ্বর, ইনি বিনা অকয় কাই ইকা দাড়িঃআ?
8ইঙ্কূ এনে এঙ্কা মনে মনে তেকু ভাবিত তেৎ আ, যীশু ইন্তং গে রিলামালা আত্মা আটকার ঞাম কেৎ তে ইঙ্কূকে গামাৎ কুয়া, আপে মনে মনে তে নেকা চিয়াঃ পে ভাবিতেৎআ ?
9হিঁইঃ হড়ম অবস হড় কে অকাঃটা গাম আলগা, আমাঃআ কাই ইকায় না গাম, চি বিরিৎ মে পারকম সাপ এম হেৎদ অড়াঃআ সেনম ?
10মেন্খান, যাতে আপে সারি ঞামেপে ধার্তি পুরিরে মান্মি হন রাঃআ কাই ইকা রাঃআ আইদারি মেনাঃআ, নিয়া খাতির ইনিদ হানি হড়ম অবস হড় কে গামা কিঃআয়,
11আমকে গামাম তানাঞ, বিরিৎ মে, আমাঃআ পারকম সাপ গুটিয়া কাতেত ওড়াঃ সেনম দু।
12এন্খান্গে ইনি বিরিৎ এনায়, হেৎদ ইন্তংগে পারকম সাব গুছিয়া কাতেৎ জ্ত্চ রাঃআ সামাং হর কাতে তাড়ম উঁডুং এনায়, এন্খান জ্ত্চ গাদাকু হাহাড়ায়না, হেৎদ ঈশ্বর রাঃআ গুন জহার কাতেৎ গাম কেৎ আ কু, নাকা দ যাহা হুলাং কা ঞেলা কানা।
যীশু রাঃআ কিঃইয়ায় বুটি হাতা ইচ লিবিকে মথি 9:9-13; লুকা 5:27-32
13ইনা তায়্ম অটঃহঅ বাহারতে উডুং কাতে গাডা পাড়তে সেএনায়, হেৎদ যত হড় আয়াঃ হান্ডে হিচ্ এনাকু, হেৎদ ইনি ইঙ্কূকে চেচেত এমাতঃ কুয়ায়্য় য়।
14ইনা তায়্ম সেনঃ সেনঃ তে ঞেল কেৎয়ায়, অলফেরাঃআ রাঃআ হন লিবি বুটি হাতা হড়ডু রে দুপাকানায়; ইনিদ হানিকে রাঃআ কিঃআয়, দেলা হিজুম ইঞাঃ তায়্ম তে; এন্খান গে হানিদ বিরিৎ ইন্তে ইনি রাঃআ তায়্ম তায়্মতে পাঁজা কিইঃআয়।
15ইনা তায়্ম ইনিদ লেবি রাঃআ অড়াঃরে জমে দুপএনায়, হেৎদ গাদালেকা বুটিআসি হড়, কাইয়ান হড় হেৎদ যীশু আয়াঃআ চেলা কু লঃঅ দুপএনায়; চিয়া চি গাদাহড় কু হাজির তাহিলেনা, হেৎদ ইঙ্কূ আয়াঃআ তায়্ম তায়্ম তেকু সেন লেনা। 16মেন্খান ইনি কাইয়ান হড় কু হেৎদ বুটিআসি হড় কু লঃঅ জমে দুপা খানায় ঞেল কাতেৎ ফরাঃআসী কুরাঃআ কটাল কু আয়াঃআ চেলা কু কে কু কুলি কেৎ কুয়া ইনিদ বুটিআসি হড় কু লঃঅ হেৎদ কাইয়ান হড় কু লঃঅ জমে দুপআয়?
17যীশু ইনা জাগার আয়ুম কাতে গাম কেৎযায়, বেশ হড় কু নাতিনাংদ ডাক্তার কাকু লাগাঃআ, মেন্খান রুয়া হাসু হড় কু রাঃআ নাতিনাং গে লাগাঃআকু, ইঞ দ ধার্মিক হড় নাতিনাং দ ল্হয়, মেন্খান কাইয়ান হড় কু কে রাঃআরাঃআঞ হিচা কানা।
বার বাব্ত্তে যীশু রাঃআ চেচেদ মথি 9:14-17; লুকা 5:33-39
18হেৎদ যহন রাঃআ চেলাকু হেৎদ ফরাঃআসী কু দ বারেৎ কেনাকু। হেৎদ ইঙ্কূ যীশু রাঃআ হান্ডে হিচ্ কাতে কু কুলি কিঃআ, যহন রাঃআ চেলা কু হেৎদ ফরাঃআসী রাঃআ চেলা কু বারেয়া, মেন্খান আমাঃআ চেলাকু কাকু বারেয়া, চিয়া ?
19যীশু দ ইঙ্কূ কে গামাৎ কুয়া বর লঃঅ তাহিন্তে কি বর অড়াঃরে পাহিকু রেঁগেচতে কু তাহি দাড়িঃআ? চিমিন ঘাড়ি বরে তাহিনায় ইমিন ঘাড়ি উন্কুদ রেঁগেচ তে কাকু তাহিনা।
20মেন্খান ইনকান ঘাড়ি হিজুআ, ইন্তং বরকে আকুঃআ হান্ডে হাতেৎ কু আত্কিরিয়া; ইনা হুলাং ইঙ্কূ দকু বারেয়া।
21মারি কিচিঃ চেতান রে যাহায় নামা কিচিঃতে তালি কাকু মরাঃআয়া; মারাঃআ লেখান নামা কিচিঃ রাঃআ তালি তে মারি কিচিঃ অটঃ হঅগে অড়েঃচআ, হেৎদ অটঃহঅ গাদা ফঁংকা চাবাঃআ।
22অটঃ মারি হরতা থলীরে টাটকা দ্রাঃআক্ষা রসি কাকু দহয়া, দহ লেখান দ্রাঃআক্ষা রসি তে হরতা থলী চিরাঃআ ;এন্খান দ্রাঃআক্ষা রসি হিরিচ চাবাঃআ, চেলাং কু হঃঅ পুসিচ চাবাঃআ; মেন্খান টাটকা দ্রাঃআক্ষা রসি নামা চেলাংরে দহ হয়ুআ।
ঝিরা মাহারাঃআ বাবত্তে যীশু রাঃআ চেচেদ গামচাল।
23অটঃহঅ ইনি ঝিরাঃআ মাহা রে হড়ু বাইদ কাতা কাতাতে সেনঃ কেনায়; হেৎদ আয়াঃআ চেলা কু দ সেশেন সেশেন্তে গেলেকু টুঁগা ধরাঃআত কেনা।
24ইন্খান্গে ফরিসী কুদ ইনি কে গামা কিয়াকু, ঞেলেম, অকাঃআ করাঃআলেখানা ল্হয়, এঙ্কানাঃআ ঝিরাঃআঃ মাহারে চিয়াঃ গেলেকু টুঁংগাঃৎআ ?
25ইনি ইঙ্কূ কে গামাত কুয়া; দাউদ হেৎদ আয়াঃআ লহীন (সাথী)কু জমাঃ অভাবতে রেঙ্গেচ লেত কুয়া ইন্তং ইনি কিনাঃআ চিকা লাঃআ, ইনা কি আপে যাহা হুলাং কাপে পড়া কানা ?
26দাউদ মা তো অবিয়াথার মারাঃআং দিহীরী রাঃআ আমলরে ঈশ্বর রাঃআ অড়াঃরে বলঃঅ কাতে, অকা ভেট পিঠা দিহীরী বিনা যাহায় জম রাঃআ রেয়াজ বায়ানা, ইনা পিঠা জম লাত্যায় হেৎদ আয়াঃআ লহীন (সাথী)কে কু জম তুকা তাৎ কুয়ায়্য় য়।
27যীশু উন্কুকে অটঃহঅ গামাৎ কুয়া "ঝিরাঃআঃ মাহাদ মান্মি নাতিনাং গে হ্যুয়া কানা, মান্মি দ ঝিরাঃআঃ মাহা নাতিনাং দ ল্হয়'
28এন্খান মান্মি হন দ ঝিরাঃআঃ মাহা কুরাঃআ হঃঅ মালিক।
Právě zvoleno:
মার্ক 2: KTn
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CC BY SA
