Zaburi Sya Daud 5
5
Verba mea auribus.
1Aga nikita ugategele likutu Bambo:
Uwalalile umo nikanila.
2Utege likutu kwa njwawila ya kukolomoka kwangu, Mutwa wangu, nu Mlungu wangu.
Ndawa kwako niluwa.
3Bambo lukela kela yauyufwane kulila kwangu:
Lukelakela yanikutandakile liluwo lyangu na yanitame miho.
4Ndawa nakuya Mlungu ni kwiganila pa wawifu:
Wawifu na kuwela kwako.
5Na kwiyimika wakwilumba palongolo pa miho gako:
Ufyoma na woha wakukita fya waka.
6Yataise wakujowa mageya:
Ayile ywoha wa miasi ni kuchenjela Bambo anngolosa.
7Koma nenga, pa lukolo lwako lwakuyoloka yaniyingile munyumba yako:
Yanigwile kimbo kwa hekalu yako mbalafu pa kukuyogopa.
8Bambo, unilongose kwa kukita malinga kwako ndawa ya awa wa mitumba wangu:
Uyigolole ndila yako palongolo pangu.
9Pakukita pa waka fyakukeleka pa ndomo wawe:
Mugati mwawe filugu.
10Mikolomelo yawe malungu yangafunikika:
Wakuyalika nu lumili lwawe.
11Uwagohele mihalu, Mlungu; wakagwe pa malango aga wayapanga wene:
Uwakange kwa kufuluka fya kuhoka fyawe; ndawa wakukana chikanile.
12Koma wahekelele woha wakukimbalila kwako, mumu walulute, ndawa uwafwika:
Wakulalamile wala wakuligana lihina lyako.
13Ndawa Wenga yauwapele wakukita malinga kihomo:
Bambo yanienge ni kuyitakila kwako ngati kikopa.
Právě zvoleno:
Zaburi Sya Daud 5: MGSPSA
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published in 1913, by the Universities' Mission to Central Africa Mission Press