ಮತ್ತಾಯೆ 3
3
ಸ್ನಾನಿಕೆ ಯೋಹಾನನ ಬೋಧನೆ
(ಮಾರ್ಕೆ 1:1-8; ಲೂಕೆ 3:1-18; ಯೋಹಾನೆ 1:19-28)
1-2ಆ ದಿನೊಕುಲೆಡ್ ಸ್ನಾನಿಕೆ ಯೋಹಾನೆ ಬತ್ತ್‌ದ್ ಯೂದಾಯದ ಕಾಡ್‌ಡ್ ಸಾರಿಯೊಂದು, “ಪಶ್ಚಾತಾಪ ಪಡೆದ್ ದೇವೆರೆ ಕಡೆಕ್ಕ್ ತಿರ್ಗ್‌ಲೆ, ದಾಯೆಗಂದ್ಂಡ ಪರಲೋಕ ರಾಜ್ಯ ಕೈತಲ್ ಬೈದ್‌ಂಡ್,” ಪಂಡ್ದ್ ಪಂಡೆ.
3“ಕರ್ತವ ಮಾರ್ಗೊನು ತಯಾರ್ ಮಲ್ಪುಲೆ,
ಆಯ ಸಾದಿನ್ ಸರ್ತ ಮಲ್ಪುಲೆ, ಅಂದ್‌ದ್
ಕಾಡ್‌ಡ್ ಬೊಬ್ಬೆ ಪಾಡುನಾಯನ ಸ್ವರ ಉಂಡು,”
ಪಂಡ್ದ್ ಪ್ರವಾದಿ ಯೆಶಾಯಡ್ದ್ ಪಂಡಿನಾಯೆ ಇಂಬೆನೇ.
4ಈ ಯೋಹಾನನ ಕುಂಟು ಒಂಟೆ ಕುಜಲ್‌ದ ಪೊದೆಪುಲಾ ಸೊಂಟೊಡು ಚರ್ಮದ ಸೊಂಟಪಟ್ಟಿಲಾ ಕಟ್ಟ್‌ದಿತ್ತೆ. ಮೊಂಟೆಲಾ ಕಾಡ್‌ದ ತಿಗತನೆಯಿಲಾ ಆಯನ ತಿನಸ್ ಆದಿತ್ತ್ಂಡ್. 5ಅಪಗ ಯೆರೂಸಲೇಮು, ಇಡೀ ಯೂದಾಯ, ಯೊರ್ದಾನ್ ತುದೆತ ಸುತ್ತೊಡುಪ್ಪು ಮಾತ ಸೀಮೆದ ಜನೊಕುಲುಲಾ ಆಯನ ಕೈತಲ್ ಪೋದು, 6ಅಕುಲು ತನ್ಕುಲೆ ಪಾಪೊಲೆನ್ ಪಂಡೊಂದು ಯೊರ್ದಾನ್ ತುದೆಟ್ ಆಯಡ್ದ್ ದೀಕ್ಷಾಸ್ನಾನ ಮಲ್ಪಾವೊಂದಿತ್ತೆರ್.
7ಆಂಡ ಯೋಹಾನೆ ಪರಿಸಾಯೆರೆಡ್ದ್‌ಲಾ ಸದ್ದುಕಾಯೆರೆಡ್ದ್‌ಲಾ ಮಸ್ತ್ ಜನ ತನಡ್ದ್ ದೀಕ್ಷಾಸ್ನಾನ ಮಲ್ಪಾವೊನ್ರೆ ಬರ್ಪಿನೆನ್ ತೂದು ಅಕ್ಲೆಗ್, “ಓ ಸರ್ಪ ಜಾತಿದಾಕುಲೇ, ದುಂಬಗ್ ತೋಜಿದ್ ಬರ್ಪಿ ದೈವಕೋಪೊಡ್ದು ತಪ್ಪಾವೊನ್ರೆ ನಿಕ್ಲೆಗ್ ಎಚ್ಚರಿಕೆ ಏರ್ ಕೊರಿಯೆರ್? 8ಅಂಚಾಂಡ ನಿಕಲ್ನ ಮನಸ್ ದೇವೆರೆ ಕಡೆಕ್ಕ್ ತಿರ್ಗ್‌ದ್ಂಡ್ ಪನ್ಪಿನೆಕ್ಕ್ ತಕ್ಕ ಫಲೊನು ತೋಜಾಲೆ. 9ಅಬ್ರಹಾಮು ಎಂಕ್ಲೆನ ಪೂರ್ವಜೆ ಪನ್ಪಿನ ಆಲೋಚನೆನ್ ಬುಡ್ಲೆ. ದೇವೆರ್ ಅಬ್ರಹಾಮುಗು ಈ ಕಲ್ಲ್‌ಲೆಡ್ದ್‌ಲಾ ಜೋಕುಲೆನ್ ಪುಟ್ಟಾವೆರೆ ಸಾದ್ಯ ಉಂಡು, ಅಂದ್‌ದ್ ನಿಕ್ಲೆಗ್ ಪನ್ಪೆ. 10ಇತ್ತೆನೇ ಮರತ ಬೇರ್‌ಗ್ ಕುಡರಿ ಪಾಡ್ದ್ಂಡ್. ಎಡ್ಡೆ ಫಲೊನು ಕೊರಂದಿ ಪ್ರತಿಯೊಂಜಿ ಮರೊನು ಕಡ್ತ್‌ದ್ ತೂಕು ಪಾಡ್ವೆರ್. 11ಯಾನಾಂಡಲಾ ನಿಕುಲು ಪಶ್ಚಾತಾಪ ಪಡೆಯೊಡು ಅಂದ್‌ದ್ ನಿಕ್ಲೆಗ್ ನೀರ್‌ಡ್ ದೀಕ್ಷಾಸ್ನಾನ ಮಲ್ಪಾಯೆ. ಆಂಡ ಎನಡ್ದ್ ಬಲ ಇತ್ತಿನಾಯೆ ಎನ ಬೆರಿಯೆ ಬರ್ಪೆ. ಆಯ ಕಾರ್‌ದ ಜೋಡುನು ತುಂಬೆರೆಗ್ಲಾ ಯಾನ್ ಯೋಗ್ಯದಾಯೆ ಅತ್ತ್. ಆಯೆ ನಿಕ್ಲೆಗ್ ಪರಿಶುದ್ಧಾತ್ಮೊಡು ಬೊಕ್ಕ ತೂಟು ದೀಕ್ಷಾಸ್ನಾನ ಮಲ್ಪಾವೆ. 12ಆಯನ ಕೈಟ್ ತಡ್ಪೆ ಉಂಡು, ತನ್ನ ಜಾಲ್‌ನ್ ಕೊಡೀಕಡೆ ಅಡ್ತ್‌ದ್, ಬುಲೆತ ರಾಶಿನ್ ರಾಪಾದ್ ಪುಡೆತ್‌ದ್ ತನ್ನ ಗೋದಿನ್ ತುಪ್ಪೆಡ್ ದಿಂಜಾದ್ ದೀಪೆ; ಆಂಡ ದಡ್ಡ್‌ನ್ ತೆಕ್ಕಂದಿ ತೂಟು ಪೊತ್ತಾದ್ ಬುಡ್ಪೆ,” ಪಂಡೆ.
ಯೇಸುನ ದೀಕ್ಷಾಸ್ನಾನ
(ಮಾರ್ಕೆ 1:9-11; ಲೂಕೆ 3:21,22)
13ಆ ಸಮಯೊಡು ಯೇಸು ಯೋಹಾನಡ್ದ್ ದೀಕ್ಷಾಸ್ನಾನ ಮಲ್ತೊನೊಡು ಪಂಡ್ದ್ ಗಲಿಲಾಯೊಡ್ದು ಯೊರ್ದಾನ್ ತುದೆಕ್ ಬತ್ತೆ. 14ಅಪಗ ಯೋಹಾನೆ ಯೇಸುನು ತಡೆತ್‌ದ್, “ಯಾನೇ ನಿನಡ್ದ್ ದೀಕ್ಷಾಸ್ನಾನ ದೆತ್ತೊನೊಡಿತ್ತ್‌ಂಡ್. ಆಂಡ ಈ ಎನ ಕೈತಡೆಗ್ ದಾಯೆಗ್ ಬರ್ಪ?” ಅಂದ್‌ದ್ ಕೇಂಡಿನೆಕ್ಕ್
15ಅಪಗ ಯೇಸು ಆಯಗ್, “ಸದ್ಯೊಗು ಬುಡು, ಇಂಚ ನಮ ಮಾತ ಧರ್ಮೊಲೆನ್ ನಡಪಾವೊಡಾಪುಂಡು,” ಅಂದ್‌ದ್ ಪನ್ನಗ ಯೋಹಾನೆ ಒಪ್ಪಿಯೊಂಡೆ.
16ಯೇಸು ದೀಕ್ಷಾಸ್ನಾನ ದೆತ್ತೊಂಡಿ ಬೊಕ್ಕ ನೀರ್‌ಡ್ದ್ ಮಿತ್ತ್ ಬತ್ತಿ ಕೂಡ್ಲೆ, ಇಂದಾ, ಆಯಗ್ ಪರಲೋಕ ಜತ್ತ್ಂಡ್, ಬೊಕ್ಕ ದೇವೆರೆ ಆತ್ಮ ಪಾರಿವಾಳದ ರೂಪೊಡು ಆಯನ ಮಿತ್ತ್ ಜಪ್ಪುನೆನ್ ಯೋಹಾನೆ ತೂಯೆ. 17ಅಪಗ ಪರಲೋಕೊಡ್ದು ಒಂಜಿ ಸ್ವರ ಆಂಡ್, “ಇಂಬೆ ಎನ ಪ್ರೀತಿದ ಮಗೆ, ಇಂಬ್ಯನ್ ಯಾನ್ ಮೆಚ್ಚಿದೆ.”
Právě zvoleno:
ಮತ್ತಾಯೆ 3: ತುಳು
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Life Literature
