1. Mose 6:1-4

I menshe wan bud un budeder ap i phub. Un tcha wan boldo lendar. Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len. Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.” An ko tsiro, har i Debleskre tchawe khetne wan i menshengre tchentsa un lendar tchawe bolde wan, djiwan bare menshe ap i phub. Ninna pal ko tsiro. Kolla his tchatche mursha an ko phuro tsiro: baro un an-diklo.