Luka 13
13
Insoshe kuzya lupinduho
1Ilelo valipo vamo ve vahamuvuzyʼizya vaGalilayi, vuvo vʼuPilati asanginyʼamavanda gavo nimputile zyavo. 2PʼuYesu ahavamula ahati: Ingavanga mukuvasiva va-Galilayʼiva ukuti vavalusizye vontʼavaGalilayi avamwavo uvutalamalandu, she vayimṿilwe kuzinizi? 3Ine nkuhana nkuti: Ndali. Imwe nyene inga mutakupinduha, pe namwe mulifwanga vovulo mwenti. 4Avishumi numunana vala vʼinganzya ya mu-Siloya yavamongosheye ve yavagozile, ingavanga mukuti ve valusizyʼukutalamalandu kuli vontʼavamwavo ve vasamiye mu-Yelusalemu? 5Ine nkuhana nkuti: Ndali. Imwe nyene inga mutakupinduha, pe mulifwanga vovulo mwenti.
Ishiholanyo shʼituvu isita nsanga
6Pʼahavavuzyʼishihoianyʼishi: Wokʼumuntu ali nituvu lyʼavwaye mumugunda wakwe wa mampensya. Pʼahajenda nukulondolʼinsanga zyakwe, ahaga nazimo. 7Pʼahayanga numusungamugunda wa mampensya, ahati: Yenya, shinishi nasusunta shimʼamaha gatatu, nati nenye inga lihomilʼinsanga ituvʼili, nkandi nazile nazimo. Tulilaga lelo. Likunanga washʼumugunda? 8Pʼahamulʼahati: Mwene, ulileshe havili umwaha wununo, indilivizyajʼishiliva suti, indivishile nintanga, 9inga lingahomʼinsanga, pe hinza. Apene nyene penga nsisite, pʼulitulile lelo.
Umwantanda wʼazuzuvusile pʼisabati
10Ilelo lumo ahavasambilizya musinagogi pisabati. 11Yenyi, pʼahava mumwo umwantanda wʼali nimpepo ya vuyeyevazu amahʼishumi numunana. Uwenʼagogovaye nukugogovala apositwʼukugoloha nalumo. 12UwenʼuYesu lwʼamuwenyi pʼahamwita, ahati: We mwantandʼiwe, usatulilwe uvuyeyevazu vwaho. 13Ahamuviha ninyove. Pʼahagoloha apashezi. Havili ahamutimʼuMulungu. 14Uwenʼumupiti wa sinagogi ahaṿitwa, shʼuYesu amuzuzuvushizizyʼumuntu pisabati. Pʼahavavuzyʼavantu ahati: Amanda ga mbombo galʼumutanda, pe mwinze inga mukwanzʼukuzuzuvuha, pisabati nyene ndali. 15UwenʼuMwene ahamula ahati: Mwe vashifumbʼimwe, mwenti mutakuzisatula ningʼombe zyinyu nindogovi mumapimpi pisabati, mutakuvala nazyo kuminzi? 16Uwene nyene umwana wa Abulahamu uno, wʼuSetano amukunzile— Yenyi—amahʼishumi numunana, atahondeye ukusatulwʼulukusʼulu pisabati? 17Ilelo lwʼayanzile linili, pe zihavalemʼinsoni vonti ve vali vamulesyaje. Avene lelʼavantu impuga yonti vahaseshela lwe vawenyi zyontʼimpiti zyʼapezile.
Iṿiholanyo vwa nsanga zya muzimwa ninyambo
18-21: Mat. 13,31-33. Mal. 4,30-32.
18Pʼuwenʼahavavuzilizya ahati: Uvumwene vwa Mulungu vuli fwe shonu? Tushaje kwi ishati isha kuvuholanya nasho? 19Vwe vuli fwe hasanga ha muzimwa hʼumuntu ahasenda, ahapesa mumugunda wakwe, hahamela, hahayipelʼikwʼipiti, Zyope ninyunyi zya kumwanya zihatengʼiṿisanzo munsamba zyakwe.
20Havili ahati: Tutinji uvumwene vwa Mulungu vuli fwe shonu? 21Tutinji vuli fwe ṿiluzizyo ṿwʼahasendʼumwantanda, ahaṿizyiha nuvusu iṿwivo ṿitatu, pe ṿihalula ṿwonti.
Ishilyango ishifinyanu isha kuvulanzi
22Pʼuwenʼahajenda mumalinga gonti namumasasa gonti, ahavasambilizyʼavantu lwʼakujenda mwidala lya ku-Yelusalemu. 23Pe wokʼumuntu ahamuvuzilizya ahati: Mwene, ingavanga vansi ve vakupokwa? Uwenʼahavavuzya ahati: 24Simuyikungule kwe kwinjila pashilyangʼishifinyanu. Shʼavinji, zye nkuvavuzyʼine, ve vasungwilwʼukwinjila valipotwa. 25Inga lumo ingʼumuhatanyumba avusilʼukwigalila kushilyango, lwengʼimwe mwimiliye kunzi mukuhonyonsya kulwiji, mukuti: Mwene, utwigulile, pʼuwenʼalivavuzya aliti: Ntavamanyile kwe mufumile. 26Pe mulitalihʼukuyangʼukuti: Tuhalyanga swenti nawe nukungʼwela, uhasambilizyaga pamasolo gitu. 27Pʼuwene aliti: Nkuvavuzyʼine nkuti ntavamanyile kwe mufumile, simwepe papanʼipa mwenti mwe mukuvombʼamasitʼuvugolosu.
28. 29: Mat. 18,11. I2.
28Ilelo pe ziliva nkuta nululumanyo lwa mino, lwe mulivagʼavaAbulahamu nuYisikaka nuYakobu navakuvwi vonti vali mushinamwene sha Mulungu lwʼimwe mutazilwe kunzi. 29Valifuma kuvutukulo nakuvuswelo nakumulilo nakumumongo, valivalʼukutendama ukulyʼiṿintu mushinamwene sha Mulungu. 30Yenyi, valipo navamwisinda ve valiva vatanzi, valipo navalanzi ve valiva vamwisinda.
Uvulugu vwe vwali mwa Helodi
31Pahavalilizyo huho pe vahavalʼukumuvuzya vamʼava-Falisayi vahati: Yepagʼipa uvalʼukunji, shʼuHelodi akwanzʼukukugoga. 32Pʼuwene ahati: Muvale, muhamuvuzyʼuhavilʼuno ukuti: Yenya, nukufumwʼimpepʼimbivi nukuzuzuvushizyʼavavinu nkumalilizya nawe musanyʼuno naye ndavi, nkandʼuvwasha pe nkufiha pampelela. 33Nkandi nawe musanyʼuno naye ndavi nalye lya vwasha pe pakuti njendʼidala lyane. Shʼapanji napamo pavufwilʼavakuvwi, mwe mu-Yelusalemu mweka.
UkulosezyʼuYelusalemu
34. 35: Mat. 23,37-39.
34We Yelusalemu, we Yelusalemu, wʼukugoga navakuvwi, wʼukuvatinza namavwe venga vatumilwe kukwaho, unanu apavazyaje apa kuvunganihʼavana vaho ine inza shʼinyinankuku ikuvunganihʼinyana zyakwe muṿwapa ṿwakwe, nkandʼimwe muhasita! 35Yenyi, mukuleshelwa mwemwe kunukwʼinyumba yinyu. Ine nyene nkuvavuzya nkuti: Mutalinenyʼine, mukuvala mukufiha pisiku lila lye mulitinji: Mulotwa wuyo wʼakwinza mwizina lya Mwene.
Právě zvoleno:
Luka 13: NYi1965
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Nyiha New Testament © British and Foreign Bible Society, 1965.
