Lukas 4:5-8

Iblis terus nggawa Yésus munggah ing panggonan sing duwur lan ing sak kedèpé mripat terus ngétokké sak kabèhé kraton ing jagat marang Panjenengané. Iblis terus ngomong: “Panjenengan arep tak kèki pangwasa kuwi kabèh uga kamulyané, awit kuwi kabèh wis dipasrahké marang kula lan kula bisa ngekèkké marang sapa waé sing kula karepaké. Mulané yèn Panjenengan nyembah marang kula, kabèh kuwi arep dadi duwèkké Panjenengan.” Nanging Yésus semaur: “Ana ketulis: Gusti Allahmu, kuwi sing kudu kok sembah lan ya mung Panjenengané kuwi sing kudu kok bektèni!”