Matthew 16
16
NAKATA 16
Jesus naunaikutamik tunihiyumangngituk
(Mk. 8:11-13; Lk. 12:54-56, 11:29)
1Talva Pharisekut Sadducekullu tikittaat Jesus uktugumavlugu apegigamitku naunaikutamik kilangmin tautukukuvlugit. 2Kiuyain, “Unugagan ukaktuhi, 'Akagu hilakingniaktuk kilak aukpayaanakhingman'. 3Uvlaamilunin 'Hila naguyunaektuk kilak aukpayaanakhingmata'. Ilipfi kilaum naunaikutanik ilitukhingaktuhi, inuit pivikhaita naunaikutainli ilitugiyuitagaluahi. 4Inuit nagungitpiaktun kenigiaktuktun naunaikutamik, naunaikutamigli piyunaitun, Jonam naunaikutaa kihimi.” Talva kimagamigit aullaktuk.
Jesusim maligutini ihuaktain kangekhilimaimata
(Mk. 8:14-21)
5Maligutaillu akianun ikaagamik natkangngitun mukpauyanik puigukhutik. 6Jesusim ukallautiyain, “Ata kamahutigilugit Pharisekut Sadducekullu mukpauyaita puvlangit”. 7Ukangman taimatun, tapkua ukauhiit apekutigiyain ingmingnik ukakhutik, “Natkangnginapta mukpauyanik”. 8Jesusimli ilihimagamiuk ukaktuk, “Ilaa ukpegnekukituhi, hug ilipfingnik apekhuilekihi mukpauyaekapfi? 9Ilihimangngilahi? Itkaumangngituhi negipkakpagapkit inuit 5000guyun mukpauyanin talimanin, ilakuiniglu katihigapfi tigumiagutingnun? 10Negipkakpagapkitlunin 4000guyun inuit mukpauyanin 7nin, talvanitauk, ilakuinik katihigapfi tigumiagutingnun? 11Ilaa mukpauyainik ukautiginginapku kanuk kangekhingitpihi? Pharisekut, Sadducekullu mukpauyaita puvlangit kamahutigilugit ilaa.” 12Talva kangekhilihaktun Jesusim ukautigingimagit mukpauyait puvlangit, ukautigivlugit Pharisekut, Sadducekullu ilihauyyatain kihimi.
Peterm ukautigiyaa Jesus Christiunahugigamiuk
(Mk. 8:27-30; Lk. 9:18-21)
13Jesus Caesarea Philippim nunaanun tikinami maligutini apegiyain, “Inuit kanuk ukakkat, inum engniga kinaunahugivayyuk? 14Tapkua ukaktun, “Ilaita John Baptaiektiunahugiyaatin, allat Elijaunahugiyaatin, allalunin Jeremiaunahugiyaatin nalautaiyit ilangatlunin.” 15Jesusim apegiyain, “Ilipfili kinaunahugivihinga?” 16Simon Peter kiuyuk, “Christiuyutin, Godim inuyum engniga.” 17Jesusim kiuyaa “Kuviakhukpiaktutin, Simon, Johnim engniga, una naunaekhimayuk ilingnun angutimnin kilangmiitumin, inungnin naunaekhimaitgaluaktillugu. 18Aahin ukautigipkin, Peternguyutin, kaektumun umunga angayyuviga tungatitumayaga, tukungayunin taaktum nungutilimaitagaluanga. 19Kilaum atanguviata kilutaiyautinik tuniniaktagin, hullika pitailigungni nunami tamna pitailiyauniaktuk kilangmi, humillikalunin pipkaiguvin nunami pipkaktauniaktuk kilangmi,” 20Talva maligutini pitkuyain akhun inuit uniutikunagit Christiunengminik
Jesus tukuyyutini, makiyyutinilu ukautigiyaik
(Mk. 8:31-33; Lk. 9:22)
21Talvangaanin Jesus maligutiminun ukauyyinahualektuk aullaktukhaminik Jerusalemun ataningnin, angayyuvikpagyuakunin, tiitigaktininlu naglikhaktitauniagami tukutaulunilu; aahinili uvluk pingahuangni makiktitauluni. 22Petermli ukagvigivlugu ihuakhagahualektaa ukakhuni, “Atanek, Godim pipkaktailugu tamna! Piyukhaungitpiangman ilingnun.” 23Kiviakhuni Jesusim ukallautiyaa Peter,” Tunumnungaugin, Satan, ihuitumik pitkugangma Godimlu ihumangit ihumaginginapkit.”
Inuk inminik nagugiyukhaungituk
(Mk. 8:34-9:1; Lk. 9:23-27)
24Talva Jesusim maligutini ukallautiyain, “Inuk uvamnik maligumagumi inminik pitailiyukhak haniagutikhaminikli nangmagli. 25Kinalika inuheminik annautiyumagumi tamaktiniaktaa, uvanga pivlunga; kialunin inuhini tamaktigumiuk munaginiaktaa. 26Inuk nunat pikhautainik tamainik pigumi inuhini tamaktigaluakhugu, humik piva? Humunlunin inum inuhini himmautiginiakkauk? 27Inum engniga kaithunguyuk, Angumi kaumangningagun ihalgulgit ilagilugit, akilegumavlugit inuit tamaita atuni piyakhainik. 28Ilumun ukautigipfi, nangekatauyun ilait hamani tukuyunaitun tautuktinagu inum engniga tikilengman atanguvianun.
Právě zvoleno:
Matthew 16: Sperry
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©1972 Canadian Bible Society
