Matthew 1
1
NAKATA 1
Jesusim hivullingit
(Lk. 3:23-38)
1Naunaekhimayun Jesus Christim hivullingita atingit, tamna Davidim kingullia, Abrahamlu kingullia. 2Abraham engnigiyaa Issac, Isaamlu engnigiyaa Jacob, Jacobimlu engnigiyain Judah katangutaillu tapfuma. 3Judam engnigiyaik Perez Zerahlu Tamarmin, Pereziplu engnigiyaa Hezron, Hezruplu engnigiyaa Ram. 4Ramlu engnigiyaa Amminadab. Amminadamlu engnigiyaa Nahshon, Nahshomlu engnigiyaa Salman. 5Salmamlu engnigiyaa Boaz Rahabmin. Boazimlu engnigiyaa Obed Ruthmin, Obemlu engnigiyaa Jesse. 6Jessemlu engnigiyaa David Atanek, Davidimlu engnigiyaa Solomon, Uriam nuliyagaluangaanin. 7Solomonimlu engnigiyaa Rehoboam, Rehoboaplu engnigiyaa Abijah, Abijamlu engnigiyaa Asa 8Asamlu engnigiyaa Jehosaphat, Jehosaphamlu engnigiyaa Joram. Joramlu engnigiyaa Uzziah, 9Uzziamlu engnigiyaa Jotham, Jothamlu engnigiyaa Ahaz, Ahazimlu engnigiyaa Hezekiah. 10Hezekiamlu engnigiyaa Mannaseh, Mannasemlu engnigiyaa Amos, Amosimlu engnigiyaa Josiah. 11Josiamlu engnigiyain Jeconiah katangutaillu tapfuma Jewmiun aullaktitautillugit nunamun Babylonmik atilingmun. 12Talva Babylonmun Jewmiun aullaktitaulgakhutik Jeconiam engnigiyaa Shealtiel, Shealtielgumlu engnigiyaa Zerubbabel. 13Zerubabbelimlu engnigiyaa Abiud, Abiudimlu engnigiyaa Eliakim, Eliakimlu engnigiyaa Azor. 14Azorm engnigiyaa Zadok, Zadokimlu engnigiyaa Achim, Achimlu engnigiyaa Eliud. 15Eliudimlu engnigiyaa Eleazar, Eleazamlu engnigiyaa Matthan, Matthanimlu engnigiyaa Jacob. 16Jacobimlu engnigiyaa Joseph, Marym uinga, tapfuma engnigiyaa Jesus Christmik taiyauyuk. 17Engnigit tamangmik Abrahamin David naallugu 14guyun. Aahin Davidmin Jewmiun Babylonmun aullaktitautinagit 14guyun. Jewmiun aullaktitauningingnin Christ naallugu 14guyun.
Jesusim engniaguniga
(Lk. 2:1-7)
18Ilaa Jesus Christim engniaguniga imaatun-ituk. Angnanga Mary ukagiaktautillugu Jospehmun kattitinagik hingailektuk Anengnimin Naguyumin. 19Uikhangatali Josephim ilumukami kanguhuktitumangnginamiuk angnam ukagiyautaa puiguktaunahugiyaa kattitinagik. 20Talva taimaitumik ihumalektillugu Atangum ihalgulingata hagyaegvigiyaa hinnektuningani ukakhuni, “Joseph, Davidim engniga, nuliagigungni Mary kamahuktailutin hingaiyaa piman Anengnimin Naguyumin; 21angutinuamik nutakkiniaktuk tamna attingniaktan Jesusmik, tapfuma inungni annautihungumagit huinekutainin.” 22Hapkua pivaktun Atangum ukauhiit, ukaktauyun nalautaiyikun, ilumukuvlugit, 23“Uilgahuk angutituyuituk hingaihunguyuk engninikuvlugu, tapfuma atikaktukhak Emmanuelmik” (atip itkumayutaa imaatun-ituk, God uvaptingniituk) 24Talva Joseph tupagami, ihalgulgum ukauhiit tuhaagamigit, nuliakhani aiyaa 25atugngitagaluanga engniniktinagu; tamna attiktaa Jesusmik.
Právě zvoleno:
Matthew 1: Sperry
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©1972 Canadian Bible Society
