JENESIS 6
6
Ka jingbymman ki briew
1 #
Job. 1:6; 2:1 Haba ki briew ki la saphriang ha kylleng ka pyrthei, bad haba ki la ïoh ki khun kynthei, 2katto katne na ki jingthaw ba kynja bneng#6:2 ki jingthaw ba kynja bneng: Kine ki lah ban kit ïa ka jingmut Ki khun shynrang jong U Blei lane Ki khun shynrang jong ki blei. ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon. 3Nangta U Trai u ong, “Ngan ym shah ïa ki briew ban im junom, ki long kiba dei ban ïap. Nangne sha khmat kin im ym palat ïa ka shispah arphew snem.” 4#Jkhñ. 13:33Ha kito ki sngi, bad wat hadien kata ruh, la don ki ramhah ha ka pyrthei kiba long ki khun ki ksiew jong kita ki khun kynthei jong ki briew bad kita ki jingthaw ba kynja bneng. Ki la long ki riewshlur bakhraw bad ki briew kiba pawnam ha ki por mynbarim.
5 #
Mat. 24:37; Luk. 17:26; 1 Pet. 3:20 Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh, 6u la sngewsih ba u lah thaw bad buh ïa ki ha ka pyrthei. 7La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.” 8Hynrei U Trai u la sngewbha eh ïa u Noah.
U Noah
9-10 #
2 Pet. 2:5
Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u. 11U la im ha ka jingïasyllok bad U Blei, hynrei baroh kiwei pat, ki la long kiba sniew ha khmat U Blei, bad ka jingleh jubor ka la saphriang kylleng. 12U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.
13U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki. 14Shna kawei ka lieng na ka bynta ïa lade da u jait dieng uba bha; shna ki kamra ha ka bad tah ruh ïa ka da ka bsiang na shapoh bad shabar. 15Thaw ïa ka shispah laiphew lai mitar ka lynter, arphew ar mitar ka pyngkiang bad khatlai mitar ka jingjrong. 16Thaw ruh ka tnum ïa kata ka lieng bad pyllait jaka kumba sawphew saw sentimitar hapdeng ka tnum bad ki krung. Shna ïa ka lai mala bad buh ïa ka jingkhang ha krung jong ka. 17Ngan sa pynshlei ïa ka pyrthei da ka um ban pynduh noh khoit ïa ki kynja ba-im baroh. Baroh kat kiba don ha ka pyrthei kin ïap. 18Hynrei ngan pynlong ka jutang bad me. Khie rung shapoh kata ka lieng bad la ka tnga jong me, ki khun shynrang jong me lem bad ki tnga jong ki. 19-20Shim bad me shapoh kata ka lieng ïa u shynrang bad ka kynthei na kawei pa kawei ka jait mrad bad jait sim baroh, na ka bynta ba yn ri pynim ïa ki. 21Shim ruh ïa baroh ki jait jingbam kiba donkam na ka bynta jong me bad na ka bynta jong ki”. 22#Heb. 11:7U Noah u la leh ïa kata baroh kat kaba U Blei u la hukum ïa u.
Právě zvoleno:
JENESIS 6: KHACLBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Khasi CL Bible
Copyright © Bible Society of India, 2016.
Used by permission. All rights reserved worldwide.