Genesis 4
4
Da Cain Ken Abel
4:1-16
1Nakwas pay di dat idlen Adam si asawana dat maliton. Inmanak siya is lalaki danat kanan, “Isnan badang nan apo et inmanakak is lalaki,” danat ngadanan is Cain. 2Dat kasin omanak is lalaki ay kangadan is Abel.
Idi nasikenda dat menbalin si Abel is palapaspastol di kalnilo dapay si Cain et mannalon. 3Isnan namingsan ay pinag-apit dat omala si Cain isnan tap-in nan inapitna ay mola et igasingna isnan apo 4dapay abes piliyen Abel nan damo ay anak di esay kalnilona et paltiyena danat igasing isnan apo nan kagawisan ay begas ya tabana. Men-gasing nan apo isnan inikkan Abel 5ngem inadiyana san inikkan Cain. Dat makaliget si Cain et men-aamod. 6Dat kanan nan apo ken siya, “Dakan aped makakaliget ya men-aamod? 7No osto koma nan ikkam et men-gasingka. Ngem gapo isnan ngawi ay inikkam et aw-awisen Satanas sik-a ay bomasol ngem masapol ay abakem siya.”
8Ngem isnan namingsan et kinwanin Cain ken Abel ay besatna, “Omeyta isnan paypayewan.” Idi inmeyda dat pateyen Cain nan besatna. 9Dat sooten nan apo ken Cain, “Ay into san besatmo ay si Abel?” Danat kanan, “Ay toan. Ayke sak-en di mang-ayowan is innodik?” 10Dat kanan nan apo, “Ay tay dakan aped pinatey nan innodim? Nan basana isnan lota et dedengngek ay kankanana en maibaesan koma. 11Gapo isnan inikkam et baosek sik-a ta adika et makasama isnan lota tay inisopna nan basan nan innodim. 12No men-esekka et adi tomobo ya apedka mendaddad-aan isnan batawa ay maid baeymo.” 13Dat kanan Cain isnan apo, “Adiyak makaitpe isnan dosa ay naay 14tay pakaanem sak-en ken sik-a ya isnan naay ay ilik. Maiwed baeyko ay apedak mendad-aan isnan batawa et nan mang-ila et mangpateyda.”
15Ngem kinwanin nan apo, “Adi. No waday mangpatey ken sik-a et pito ay ipogaw nan matey abes ay kaibaesana.” Isonga minalkaan nan apo si Cain ta mangipagtek isnan ipogaw ay mangsabsab-at ken siya en adida patpateyen. 16Dat komaan si Cain isnan kad-an nan apo et omey mentee isnan ili ay kangadan is Nod#4:16 Nan kayat ay kanan nan Nod et men-at-at-aton. ay wada isnan batog di balaan di agew isnan Eden.
Dat omanak kasin da Adam ken Eva is lalaki ay kangadan is Set. Nan esay anak Set et si Enos. Nan esay anak Enos et si Kenan. Nan esay anak Kenan et si Mahalalel. Nan esay anak Mahalalel et si Jared. Am-in da tona et wada pay nan adoado ay an-akda ya naam-aam-amada esadapay matey.
Nan esay anak Jared ay lalaki et si Enoc ya wada pay nan tap-in di anakna. Issan natatagowan Enoc et gawis nan inik-ikkana isonga laylayden Apo Dios siya. Dat aped mamaid tay inalan Apo Dios ay makitee ken siya.
Nan esay anak Enoc ay lalaki et si Matusalem. Nan esay anak Matusalem ay lalaki et si Lamec. Nan esay anak Lamec ay lalaki et si Noe. Si Noe et tolo nan an-akna ay lalalaki ay da Sem, Ham ya si Jafet.
Právě zvoleno:
Genesis 4: xnn
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.