GENESI 15
15
Tumelo ya Aborahama
1Ka morago ga ditaba tšeo Lentšu la Morena le tletše Aborama ka pono, la re: Aborama, se boife. Kotse ya gago ke nna; moputso wa gago e tlo ba o mogologolo.
2Aborama a re: Mongaka, Morena, o tlo mphang? Hleng ke sepela ke se ne ngwana; mme moji wa bohwa bja ngwako wa ka e tlo ba Eliesere monna yo wa Damaseko. 3Aborama a buša a re: A ko bone, ge nna o sa ka wa mpha ngwana, bohwa bja ka bo tlo lewa ke motho e a tswaletšwego motseng wa ka.
4Bjale Lentšu la Morena la mo tlela la re moji wa bohwa bja gago ga se eo; bohwa bja gago bo tlo lewa ke e a tlo go tšwa mmeleng wa gago. 5Bjale Morena a mo ntšhetša ntle a re: Lelalela legodimong, o bale dinaledi, ge o ka kgona go di bala. Mme a re: Bana ba gago ba tlo ata ba etša tšona tšeo.
6Aborama a dumela Morena; mme Morena a mmalela tumelo yeo a re ke gona go loka.
7A bolela le yena a re: Ke nna Morena e a go ntšhitšego kua motseng wa Uri wa Kaladea, gore ke go nee naga ye, e be bohwa bja gago.
8Aborama a re: Morena, Mongaka, ke tlo tseba kang ge e tlo ba ya ka?
9Morena a re: Ntlišetše sethole sa nywaga e meraro, le pudi ya nywaga e meraro, le kgapana ya nywaga e meraro, le mokurwanyane, le leebana. 10Aborama a mo tlišetša tšona tšeo ka moka, a di pharoganya ka bogare, a bea ka go lebanya mphapa le mphapa; dinonyana tšona a se ke a di pharoganya. 11Gomme manong a theogela dinameng tšeo; mme Aborama a a raka.
12Ya re ge le dikela, Aborama a welwa ke boroko bjo bogolo, ge a phafoga a welwa ke tšhogo le leswiswi le legolo. 13Morena a bolela le Aborama a re: o tsebe ruri gore bana ba gago ba tlo diilela nageng e sego ya bona; ba tlo hlankela ba bangwe ba hlakišwa ba fetša nywaga e makgolo a mane. 14Fela, le setšhaba sona seo ba tlogo se hlankela, se tlo otlwa ke nna; ke mo ba tlogo boa le maruo a magolo. 15Ga e le wena, o tlo gorogela go botatago ka khutšo; o tlo bolokwa o tšofetše gabotse. 16Ba ba tlogo boela mono ke ba leloko la bone, ka gobane bjale molato wa Baamoro ga o ešo wa tlala.
17Ya re ge le diketše leswiswi le swere, gwa bonala sebešo se se thunyago muši, le serumula se se tukago; tša phatša ka mo gare ga dinama tšela. 18Ke lona tšatši le Morena a dirilego kgwerano le Aborama ka lona, a re: Bana ba gago ke ba file naga ye go tloga ka noka ya Egipita, go iša nokeng e kgolo noka ya Forate. 19Bakeni, le Bakenisi, le Bakadamoni. 20le Bahethe, le Bapherese, le Barefai. 21le Baamoro, le Bakanana, le Bagirigasi, le Bajebusi ke ba gafetše bana ba gago.
Právě zvoleno:
GENESI 15: NSO51
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Bible Society of South Africa 1986. Used with permission. All rights reserved.