Ziiŋi 8:21-22

Ka yire *sárayi nùgutaangawuyi si Kafooŋi Kile lùuni bò. Ka u u jwo uye funŋ'i: «Mii saha sì ɲɛɛ ɲìŋke kɛ̀ɛge sùpyire kurugo mɛ, sùpyaŋi múnaani mɛ́ɛ ká ntaha kapegigii mpyiŋi na, fo u nimbilere wuŋi. Mii saha sì ɲɛɛ múnayaayi puni shi bò, bà mii à li pyi mɛ. Mà ɲìŋke yaha wani, ɲɛɛmpe ná sùmakwɔngigii sì n-kwɔ̀ mɛ, wyeere ná kafwuge sì n-kwɔ̀ mɛ, nùŋgwɔhe ná bɛ̀nge sì n-kwɔ̀ mɛ, numpilage ná canŋke mú sì n-kwɔ̀ mɛ.»