San Lucas 11:34

Maach daun õtdaujota simgui ajim anʉm, maach mor gaai. Maach daujãata ajapha sim aiguin nem thum dawaata oojem. Ich agjota simgui ajim anʉm maach thãarjã. Ẽwandam iek ʉkhanaa maach thãarta ajapha sim aiguin nem thum Ẽwandamau khõsimjota waaujem. Mag nʉm aiguin ararag ee nʉmjota nʉm. Mamʉ magba agtha pãach pekau eeta nʉmʉn magan pãran sĩi khĩchag ee jʉrkha jʉrkha nʉmjota nʉmgui ajim anʉm.