Oblíbené biblické verše z Lucas 23

Sdílet

Cruzpimi Jesusca: —Ñuca Yayalla, Ñucata pʼiñajcunataca perdonailla. Paicunaca, imata ruracushcata mana yachancunachu— nirca. Cutin soldadocunaca, Jesuspaj churanataca, suerteta rurashpami chaupinacurcacuna.

Chashna nijpi Jesusca: —Cunanllatajmi Ñucahuan Paraisopi cangui, chashnatajmi canga— nircami.

Shina nishpa chai runaca, Jesustaca: —Can mandaj shamushpaca, ñucata yuyaripangui— nircami.

Chashna tucushca qʼuipami, Jesusca: —Yayito, Quiquinpaj maquipimi Ñuca espiritutaca mingani— nishpa, sinchita caparirca. Chashna nishpaca, huañurcallami.

Uma Tullu sirina shuti urcuman ña chayashpami, Jesustaca chaipi chacatarcacuna. Shinallataj huañuchij runacunatami, shujtaca Paipaj alli ladoman, caishujtaca lluqui ladoman chacatarcacuna.

Ña chaupi punlla shinamantami, chaupi chishicama tucui cai pacha tutayarca. Intipish mana achijyachircachu. Diospaj huasi ucupi jarcachishca jatun linsopish, chaupitami chaquiyajta uriman lliquirirca.

Patsaj soldadocunata mandaj chaita ricushpaca, Taita Diosta sumajyachishpa: —Cai runaca, cashcata ruraj runatajmari cashca— nircami.