Oblíbené biblické verše z Roomma 5

Sdílet

Yisufa sia maasara amiqirausee qimaseenoo maasa qimaaqa maqaseenoo kuqinau. Maasa qeeqa mandainainaki kaqi mariafananoo asauku mundirafa maasara kuqunnimaqanau. Miqunannai Anutufa narí kaaqa maasara amuqisirana aidirana kooroomaseenoo maasa uqaqifiqanau.

Mi asasirana afeesirafa sia qisaurirana qimiannoo Anutufa narí naaquqara maraquna kaqi qimimarifa maridanoo. Anutufa narí naaquqara maraqunannai maasa naunduraki nammariara foora narí aidirana maasa naunduraki adiaqimaqeenoo narí areenarana naida qimiannoo.

Sia minara kai asasidaqa maqee marianaki ummaara oosana oosanakina maridaqa minaki faqa asasidaqa. Mandainaina ummaara darinaqa mi ummaarafa sia amiqimasee daruannoo minasaaqari afeeka marasee sia dauni Anutuna ufamau firarana kudoosaapaanaura. Maasa oosana oosana ummaarakina sia umooqukida kaqi fimariananoo Anutufa mina qiqafamaseenoo eedoo qiannoo. Mina eedoo qira ufa fannoo quandaki maasa qifeeqarainaqa maasa Anutuna narí areenarana qimianinnanara asasamasee afeesidaqa maridaqa.

Maasa qeeqa irirana Anutunasaa rusiseeqa marianara doo maqee sia Anutuna aranaqaranaki aanoo iranaki maridaqa Anutufa narí andeeqaranaki quqaqisoofaqa minara doo maqee mina asooaranaki amiqiranaki maridaqa. Anutuna asauku mundirana maasa karaambaiqa Yisufa minannai kai mi asooaranaki maridaqa. Yisufa maasara kuqiranannai faqa maasa qeeqa Yisuna ufasaa irirana rusisaunnanannai faqa Yisufa maasa mareeqee Anutuna kaqi afaariranaki quqasaifaqa maasa maqee minaki kikiqiqa maridaqa. Minaki maridaqa, kasooqaqee innaarunai areenarana naida qimiannoo minara iridaqa asasidaqa afeesidaqa susuidaqa.

Ooqai maasa Anutuna andeeqaranara sia amanaikiqa oorudupiqa mariafananoo Anutuna andeeqara aukuanasaa Yisufa maasa mandoosana maree mariafanausara maasara kuqunnimaqanau.

Asauku mundirafa maasa mandainaina nariara mareenoo kuqinoo narí fidika teeqinoo maasa mandainaina akiaqara taikoonannoo Anutufa minannai maasa daundurakinaana mareeqee narí andeeqaranaki innaaruna mara quqaqisanau. Anutufa mina kuqiranara irisee taikara faasaana narí aranaqaranakinaana kuqaa uqanna asumu mareeqeenoo quqaqisaannoo.

Dinni moodaa fasiqa ufa rukiarana akiaqara faiqí anaasee moomoo aaqaranaki aqufiqau. Mina dinni miqi kai masee moodaa fasiqa Yisufa Anutuna ufamau firana akiaqara moomoo fasiqa anaasee Anutuna andeeqarausaikiqa marifaranoo. Minara qinee Pauroosa qiqa, (Yisufa ooqeenaa Adamana kikiqusirafa marinau maqi qidaqa.) (Mooseefa sia kambiqoo kamuqoo mina sandufa sia marufanoo faiqí anaasee nári mandainainara mana mana imariqau.)

Sia mina kai, Anutufa maasa aqoondi kamma qimaqoonara irisee Anutunara dufi dufi qidaqa asasidaqa. Anutuna asauku mundirafa Yisufa maasa karaambaiqa minannai maasa Anutuna aqoondi kiqa asasidaqa.