Oblíbené biblické verše z Ruka 22

Sdílet

Miqi qimaseenoo mifa fiqareenoo aambaaka aqinoora foora naríara fiqaree Anutunara aqoori saunara finoo narí kuqirafa adeedi roofanoo minara innaaru qinoo qinau, Oo qini qikoofa anee eedoo qinaqa qinee manda nammari naannana mara aqusainaqa sia naa, sia qeeqa iriranamau fuanaura, aninna iriranamau kai fuanaura. [

Oo Simoona qinee aniara innaaru qimaseeqa anee qini saqarikirafa sia taikaani. Anee kaqirunna oonureenana oonu quandakinana aneenna akaqaafasaauqa pooduamannisaa, qufanoo Peetooroofa qinau.

Miqi qimaseenoo feemu moo maraseenoo Anutunara dufi dufi qimaseenoo ruqi ruqi maseenoo narí faiqi namu niminoo qinau. Maa feemufa qini qifaaqa kikiqusira feemufa maridanoo kuqiranaki inniara quqannimaqaanaura. Innee maqee maqee naidaqa qiniara naaqoo iridaqa naaqa.

Namasoofanoo Yisufa miqi kai inoo uainna adiara nafisa maraseenoo narí faiqi namu nimiseenoo qinau. Maa nafisanakinaa nammari qini fidika maridanoo. Anutufa inniara noori runiranaki marunara narí fuka moodaanaki kira ufa quqaidanoo, qini fidika inni adiannimaqaranaki maridanoo.

Miqi qimaseenoo Yisufa afeekaikamandee innaaru qimasoofanoo tooqaamu fannoo fidikara foora aqinaaqa anireenoo maqai aqufufanoo kuquaqaamminau. Aqufufanoo innaarunaindari qangiroo moo fannoo akooqoo qumureenoo afeeka amufanoo afeekaikinau.]

Innee, qini faiqi namuki sia mi oosanafa mariannoo, inniki uriqararafa innaaqianaafara foora mariannoo, inniqa karaambaiqa fannoo inni ainainira faiqiara foora mariannoo.

Oo karaambaiqa anee rumbaranaki fee kuqiranaki fee finaqa qinee faqa minaki fuanauree qufanoo Yisufa qimaminoo qinau Oo Peetooroo qinee anoonufa ani qimamidaqa fafaa eendamuqusai anee qaaramoo kari qiniara asaurusee sia qiniara Yisusara iridee qinanoo doo miqoo kai kookooraana ufa qiannoo.