Oblíbené biblické verše z Yoohanee 15

Sdílet

Qinee saqari anoona maridaqa. Innee asaana miqirausa mariafanoo sia anoonasaa arufinafa sia sauna iraannoo. Qiniki marinausa qinee faqa misaki mariananoo saunara foora moomoo ireefaranoo. Innee inneeqaraa marinausa kudi marifaranoo qini faqa marinausa sauna amiqimasee ireemarifaranoo. Innee minara iriseeqa amiqimasee qinisaa atooqaifaqa qinee faqa inniki marianaura.

Innee saqari asaanara foora qinisaa ariqa mariaqa. Innee sia qinisaa ariqa maridaqa sia qini amiqira marira nirana mareefaranoo.

Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Faiqí moo fannoo narí aqoondi amaaqa maqasee kuqinna fasiqafa mina aidirafa aiqama nidirana arusee uriqaramaqaraasa uqanna inoo mariannoo.

Qini qikoofa Anutufa mi sauna saqarina sia irainanoo ateeka idaraannoo. Ireemari oosanna amiqimandee iraani fee qimasee anukamasaidanoo amiqimasee rakisidanoo.

Qinee ufa moo aaquqira ufa qimannianaura iriaqa Innee qini daanna ramasee nariara nariara ridaqa nidiani.

Innee andeeqara marirana qaqammara foora moomoo iraifanoo minannai qini qikoona amiqira afeeka eeraarira areenarana kooroomannimaqaannoo. Miqiuqanna iqa qini faiqinamuka mafifaranoo.

Yisufa fidanoo maa ufana narí faiqi namu qimanniminau. Qinee saunara foora qinee marunna saqarisa maridaqa. Qini qikoofa sauna saqamasaa rakisimarifa maridanoo.

Faiqí moo fannoo sia qiniki marinafa sauna asaana miqirafa aadanusidanoo marinanoo saunasaa rakisimarifa asaana qafamasee aadanusinausa aiqama ateekasee suqeeqeenoo idaki aqusainanoo qamataikaannoo.

Qinee sia kaqi qimannimidaqa qini susuirafa inniki marianifeera inni susuirafa anoonaikianifeera qimannimidaqa.

Innee qinee qimannimuna ufana irisee qumareeqa qini didiranaki marifaranoo. Qinee miqikaimasee qeeqa qikoona ufa iriseeqa qumareeqa mina aidiranaki maridaqa.

Doo qeeqa aaquqira ufa maaqi qimasee qimannimidaqa. Innee nariara nariara ridaqa nidiaqa.

Innee qini faiqi namu maa maqa maaqanasaaqaraasa faqa moodaa irirana faqaasa marifaqau misa inniara maasaindi fee qimaseefau inniara rini. Qinee inni maa maqa maaqanakinaasa rusandeesamumasee qumaraqaunausa mariafaqa maqee sia misaindi marianara minara kaukaata qimannimaqaidaqa.