Oblíbené biblické verše z Jn 1

Sdílet

Aye'tzunju' xjal e'k'monte ex e'okslan te, xitq'o'n kyoklen tu'n kyok te tk'wal Dyos.

Tej ttzajku' qe t-xetnejel atitoqtlte' Yol, ex atitoqju' Yol junx tuk'i'l Dyos ex axte Dyosju'.

Aju' spik'un lu nqoptz'aj toju' qlolj, ex mixti'x nkub' yupj kyu'nju' qxopin.

Aju' tok tb'i Yol matz'ok te ichan ex manajan qxol. Ex qilju' tajwalil, axju' tajwalil o'kxku' jun Tk'wal Dyos, nojni tu'n xtalb'il ex axxi'x yolin.

Tkyaqilju' b'ajb'ent, ate b'inchankye; mixwitloti' tkyaqilju' ati naqwit mya Yol b'inchante. Tuk'i'l Yol ta'yaju' chwinqlal, atzunju' chwinqlal atoq spik'un kyeju' xjal te tkyaqil twitz tx'otx'.

Tetzun juntl q'ij ilwi Jesus tu'n Xwan, xi'toq ttzaj lq'e tk'etz, ex tma: ¡kka'yinxe' ichan tzul chix, atzun ichanju' sk'o'n tu'n Dyos ex nakuj jun tal rit, nel ti'nju' kyil xjal toj tkyaqil twitz tx'otx'!.

Aju' tok tb'i Yol atitoq twitz tx'otx', maskyepe' tu'nelte kub' tb'incha'na Dyosju' twitz tx'otx', aye'tzunju' ate' twitz tx'otx' min elkynik' te. Tetzunj tul twitz tx'otx', mixti'x k'amli kyu'nju' xjal teqe'.

Aju' spik'un axxi'x, ch'inxtltoq tul twitz tx'otx' spik'umalte toj kychwinqlal xjal.

qu'n aju' ojtxi' kawb'il a Moyses ul q'inte, atzunju' tk'u'jlalil exju' axx'ix a Jesukrist sul q'inte.