Oblíbené biblické verše z Zaŋ 15

Sdílet

Yah na vəɗe ma viŋe ana, kuray na hawal ana hay, ndaw ana ma ndza ha da yah, yah ma ndza ha da ŋga tey na, a da yey kava haɗadzidzay, hərway mandzar yah na, tek a kwar ma slafa me key na dakay.

Ndzam da yah andza i me ndzey da kuray ana. Kal kal andza ma hawal, haɗaw ma tapa ha ka vəɗe ma viŋe ana kakay na, a slafa ka ’ar vaw ŋga na me yey bəzey kakay. Kuray ekəɗey, haɗaw kuray ma tapa hiya ka yah kakay na, andza ha atsa.

Haɗaw kuray ma ndza hiya da yah, guma ɗaw hay ma ndza hiya da vaw kwar na, ka slafama me tsəhey tek ma sakwar ana hay na, a da husafəkurawa.

Ma səpiyawa na kuray kakay, ama ma gaɗəmukurawa na yah. I ma padakwar ma aza kuray ka dawam, ha yam bəzey arka bəzey kwar ana hay ka ndzam, ma tek a kwar ma da tsəhey tabiyaha da me zəley ɗaw ka Baba na, a da vəladakwar.

Kwa ma wuɗa vaw ma fəna, ma ndaw ma vəlada mendzey ŋga, hərway ma ndaw aŋga ma wuɗata na hay na, dasakay.

Mendzey ma hawal na ma tapa ha ka yah, me yey bəzey kakay ana na, a rətsama ba. Mendzey ma hawal na me yey ana na, a kalama, ma aza ka yey a fəna satsa.

Mey ma mewey ɗaw na ŋga kəɗey: wuɗam vaw ka 'ar vaw kwar ana, andza na ŋga ɗaw, i ma wuɗəkurawa ana.

Tek ma vəlar maram a Baba ɗaw na, me yey kwar kava haɗadzidzay ana, arka na, ka təram gawla ɗaw ahiya.

Yah na vəɗe ma viŋge hayna, Baba ɗaw na, ndaw ma nəkafa dey ana.

Haɗaw ndaw ana ma ndza ha da yah kakay na, a kəladama ba a bəla andza ma hawal, a ŋgweley, arka a kwakusama, a kuyadama a waw, arka a təɓam.

I tsadakwar na aza wuiya ɗaw ka ndzey da kuray, wuiya kwar ka key na kərem aha.

Kendzey ka tsənəmatar aha sləmay a mey ma mewey ɗaw hay na, ka da ndzam na da ma wuɗa vaw ɗaw. Andza na ŋga ɗaw i ma tsənatar sləmay a mey ma mewey ma Baba ɗaw tey na, i ma ndza ha da ma wuɗa vaw ŋga na tey.

Mewey ɗaw na ŋga kəɗey: wuɗam vaw ka 'ar vaw kwar ana hay.

Kendzey kuray ma vəla hiya ma bəla na, bəla a da wuɗakwar zləna, hərway bəla a wuɗey na, tek ma dey har aŋga. Ama, kuray na, ma vəla hiya ma bəla ɗey kakay, ma padakwar gəle ta bəla na ɗey na yah, nəkafama bəla a ŋgəladakwar dey kakay na, hərwuiya.