Oblíbené biblické verše z Luke 6

Sdílet

ဖင်ယုန်းဆော့တာဒုန်းပရာကူးရူတဟယ်ဒုန်းတာ သာ့အော်တကင်၊ဒေါ်သူးကနူးဘာစေမူးတာအယူးကမွေးနူလော်။တာရီဒုန်းအဘာသူးတဟယ်နူဇုန်ဘုန်ဒေါ်လားနူးဒုန်းနသာ့ကူးနူ၊မကိုက်သူးမာရိမာရောင့်ပရာတဟယ်နူဒေါ်,ပရာတဟယ်ကမာရီမာရောင့်သူးနူလော်။

ပရာဇွတ်ပရာဇုတ်မာတာရောင့်တကူးမယ်အဝေသူးမယ်အသရောက်နူလော်၊ပရာကီးပရာကာတဟယ်နူကမာတာ ဇာ့ရောင့်ဇာ့ဒါတဟယ်နူမယ်အအော်ဒေါ်သာ့ အကီးကာနူလော်၊သူးတာဘရွီးတဟယ်နူကမာလုန်းထောင်အဝေသူးတာလန်းသာ့တဟယ်နူလော်။

နဲမယ်ဘာလော သူးဒူသူးဒါးကာ၊ဒေါ်မာရောင့်နူးအဝေသူးကာ၊သူးဇာ့လားဒုန်းကနူးဘာစေခလယ် ကဖင်ခေမူးတာနူမာ၊အနူဒေါ်သူးကနူဘာဘွေအဘူးအယောင်းဒူဒေါ် သူးကအော်ဘာဒုန်းမော့ခူဒေါ်သူးကထိားထောင်ဖားဘွေအဖော့အယူတဟယ်နူလော်။

သူးတဟယ်နူမကိုက်သူးဖားဘွေခေါ်ဝယ်သူး ခေါ်ဝယ်ဇောင့်တာဒုန်းပရာကူးရူလူးခူတကင်။

ဘွေယေရှုမန်လောင်တာဘရွီးတဟယ်နူမယ် "သူးဇာ့စာရောင်တာကာ၊မွေးကနူမယ် သူးဖားဘွေကာဇာ့စာရောင်မူးသူးနူလော်၊ဇာ့မာပေါင်းမာဆားတာကာ၊သူးမွက်းမှာကနူမယ်ဘွေကဇာ့မာပေါင်းမာဆားမူးသူးနူလော်။ဘလိုင်ဘလွတ်ဆော့ပရာတဟယ်နူ ဒေါ်ဘွေကဘလိုင်ဘလွတ်သူးနူလော်။

နဲမယ် ပရာဒုန်းအနာဟူးခေးတာဘရွီးတဟယ်နူဘာလောဆော့သူးဒူသူးဒါးကာာ၊ပရာအုတ်သူးဇာ့တိုးတဟယ်နု အုတ်စေကရူစေအဝေသူးကာ။ သဘားနူးပရာဒုန်းအထူးဇိန်သူးတဟယ်နခူးမကိုက်ကနူးဘာဘွေတာဆူရီနူသဘားနူးကာ၊သဘားနူပရာဒုန်းအမာဒေါ့မာနွားသူးတဟယ်နူခူးကာ၊

မကိုက်သူးသနူး ပရာကမာယူးရောက်သူးဒေါ် မာယူးရောက်ဆော့ပရာတဟယ်နူဆော့။

ပရာတပရာမွက်ဒါ့နမိုင်းဂိန်တဘိုင်းနူဒေါ်ခေါင်နူးဆော့ဝေအအော်တောင့်တဘိုင်းကာ၊ပရာတပရာမွေးကွီးနာစဒုန်းအကွင်ဒေါ်ဖင်ဆော့စဒုန်းတုန်းအကူးတဘိန် လောကာ။ ပရာဒုန်းအကွီးဘာနာ တာတဟယ်နူဖင်ဆော့ကာ၊ပရာကဖိတ်ခယ်နတာလက်ဒေါ် ဇာ့ကွီးဇိန်ဝေသူးကာ။

တာမုန်းတာဘောရောင်းတဟယ်နူဇာ့သာတာသာဒုန်းအဇာ့ရောက်တဟယ်ကိုး။

သူးအုတ်အသာဒေါ်သူးနဲအမုန်းရီကေးဇောင့်နူလော်။သူးဒီအယ် ကဘောခူသာဇာ့မွေးမယ်စပျစ်သာဒုန်းကက်ခိုက်ကားဇာ့ဒါဒေါ်ဇာ့နူးနုလော်။