Oblíbené biblické verše z Lukas 13

Sdílet

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Tehhod hod a bábbey a sapulo ay ti walo dán a taon a te bábbatiyán, dipo tu madukás a ispirito a summáddáp nikuna. Kábbung siya a tahod sakay awan na dán meoolnat u bággi na. Pákketa nikuna ni Jesus ay dinulawan na siya sakay kinagi na, “Nagpiyya ka dán ti bábbatiyán muwe.”

Sakay intupo ni Jesus u kamát na tu bábbey, kaya neolnat na u bággi na ti itod be sakay nagpure tu Diyos.

Talaga a tehhod a dimodyan a medipalongo sakay tehhod be a nágdipalongo a medimodyan.”

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

Pero tandaan moy i kagiyán kuwáy nikam, ni awan kam magsise tu kasalanan moy hide, ay mepahamak kam labe a konna nide.”

Pero kagiyán be nu Panginoon a, ‘Awan takam matengge! Umadeyo kam nikán, atanan moy a mággagimitán ti mágkadukás!’

Káttapos ay kinagi ni Jesus, “Ánya kaparehuway nu pághare nu Diyos? Hádya ko iye a ipareho? Konna iye tu bukál nu mustasa a immula nu essa a tolay tu págmulaan na. Dimmakál iye hanggan nagin kayo sakay naglobunan nu kamanukan u pingi-pinget na.”