Oblíbené biblické verše z UBWANDILO 3

Sdílet

Lelo bo unkikulu agubwene umpiki ukuti nnunu pakulya, kangi gwakugakyela amaso pakuguketa, nukuti gubagile ukumpa umundu amahala, popapo alinkwegako simo iseke alinkulya; alinkumpako simo na yu ndume; yope alinkulya.

Loli nifinyamana fyosa ifi Untwa Kyala apelile injoka yo yakindile ubukomu. Popapo yilinkundalusya unkikulu, “Ngimba Kyala atile mungalyaga iseke sya mipiki gyosa igya mungunda?”

Nikubikaga ikilugu pakati pamyako nunkikulu, na pakati pa banduyungu lwako nabanduyungu lwake; isakukutayaniaga untu, kangi nanugwe gwisakumfulasyaga ikitende.”

Umwene unkikulu yo Untwa Kyala alinkumbula alinkuti, “Nisakukupaga ubutolwe bu bwingi nkabalilo kakupapila abana; pope indumbula yako yisakulabilaga ku kundumego, umwene yo isakukulagilaga ugwe.”

Gwisakulyaga ifindu ifi ubombile namafuku ga mingi, ukwisakufika papo kwakugomokelaga kumfu, buno ko kuno gwafumile; namanga ugwe uli mfu itolo, kumfu ko gwisakugomokelaga.”

Yope Adamu Untwa Kyala alinkumbula alinkuti, “Papo ulitike ilisyu lya nkasigo, ulile iseke sya mpiki, ugu nakukanisye ukuti, ‘Ungisakulyaga,’ umfu gugunigwe panongwa yako, mbumi bwako bosa gwisakufyagilaga ifyakulya fyako mu nkwiyula.

Popapo Untwa Kyala alinkundalusya alinkuti, “Ywani akubulile ukuti ukafwala nakamo? Ngimba ulileko iseke sya mpiki ugu nakukomelisye ukuti ungisakulyaga?”

Po lelo alinkunkagamo umundu yula; kubusokelo bwa isuba kwa ngunda gwa Edeni, ko alinkubabikako abakerubi nulubo lwa moto ulu lukusanukila kosakosa; ukwigala injila iyi yikulabila ku mpiki gwa bumi.

Umundu yula, yo yu Adamu, alinkumpa unkasi gwake ingamu ya Eva, papo umwene ali yo nna gwa bandu bosa, abumi.